Friday, October 7, 2022
ሌሎች ዓምዶች
    - Advertisement -
    - Advertisement -
    ዜናበአፋር ክልል በተቀሰቀሰ ግጭት አራት ሰዎች ሲገደሉ 13 መቁሰላቸው ታወቀ

    በአፋር ክልል በተቀሰቀሰ ግጭት አራት ሰዎች ሲገደሉ 13 መቁሰላቸው ታወቀ

    ቀን:

    በአፋር ብሔራዊ ክልል ዕንድፎ በሚባለው ልዩ ቀበሌ ውስጥ በተቀሰቀሰ ግጭት ምክንያት፣ አራት ሰዎች መገደላቸውና 13 መቁሰላቸው ታወቀ፡፡

    ሰኞ ታኅሳስ 15 ቀን 2011 ዓ.ም. ሌሊት በተቀሰቀሰውና እስከ ማክሰኞ ረፋድ በዘለቀው ግጭት ሳቢያ፣ ቀበሌውን አቋርጠው ወደ ትግራይና ወደ አዲስ አበባ መንገደኞችንና ጭነት የሚያመላልሱ ተሽከርካሪዎች እስከ ታኅሳስ 16 ረፋድ ድረስ መንገድ ተዘግቶባቸው እንቅስቃሴያቸው ተገድቦ መቆየታቸውን፣ ሪፖርተር ከቀበሌው ነዋሪዎች ለመረዳት ተችሏል፡፡

    ግጭቱ በቀበሌው ውስጥ ከሳምንት በፊት የሕዝብ የተቃውሞ ሠልፍ ከተካሄደ በኋላ እየተባባሰ እንደመጣ ለሪፖርተር የተናገሩት የቀበሌው የግብርና ምክትል ኃላፊ አቶ አብዲ ቡ ናቸው፡፡ በወቅቱ በተካሄደው የተቃውሞ ሠልፍ ከዚህ ቀደም ከዕንድፎ ቀበሌ በተጨማሪ ሁለት ቀበሌዎች ልዩ ቀበሌ ተብለው በመሰየማቸው፣ የመሠረተ ልማት ጥያቄዎች በሕዝቡ መነሳታቸውን አቶ አብዲ አክለዋል፡፡

    የተቀሰቀሰውን ግጭት ለማርገብ የአፋር ክልል ልዩ ኃይል ወደ ቀበሌው መግባቱንና ከታጠቁ ግለሰቦች ጋር ተኩስ መለዋወጡን፣ ሪፖርተር ያነጋገራቸው የአካባቢው ነዋሪዎች ገልጸዋል፡፡

    በግጭቱ ወቅት የአፋር ብሔራዊ ክልልን ሰንደቅ ዓላማ በማውረድ የሶማሌ ክልልን ሰንደቅ ዓላማን ለመስቀል የሞከሩ ሰዎች እንደነበሩ ነዋሪዎቹ ገልጸዋል፡፡ እስከ ማክሰኞ ታኅሳስ 16 ቀን 2011 ዓ.ም. ረፋድ ድረስ ያልተቋረጠ የተኩስ ልውውጥ ሲካሄድ እንደነበረ፣ ከቀትር በኋላ ግን ተኩሱ መብረዱንና መንገዶችም መከፈታቸውን ለማረጋገጥ ተችሏል፡፡ መንቀሳቀስ ያልቻሉ ተሽከርካሪዎችም ጉዞ ቀጥለዋል፡፡

     ይህም የሆነው ልዩ ኃይሉ ከቀበሌው ከወጣና ነዋሪዎች የዘጉትን መንገድ ለመክፈት ከፈቀዱ በኋላ እንደሆነ ሲታወቅ፣ በአፋር ክልል የሚገኘው የመከላከያ ሠራዊት ጣልቃ እንዳልገባ ለማወቅ ተችሏል፡፡ 

    ከወራት በፊት የአፋር ክልልን የሚያስተዳድረው የአፋር ብሔራዊ ዴሞክራሲያዊ ፓርቲ (አብዴፓ) ባደረገው ጉባዔ የመከላከያ ሚኒስትር ሆነው በጠቅላይ ሚኒስትር ዓብይ አህመድ (ዶ/ር) የተሾሙትን ወ/ሮ አይሻ መሐመድን (ኢንጂነር) የፓርቲው ሊቀመንበር፣ እንዲሁም አቶ አወል አርባን ምክትል አድርጎ መሾሙ ይታወሳል፡፡ በተመሳሳይም ፓርቲው የክልሉ ፕሬዚዳንት የነበሩትን አቶ ሥዩም አወልን በማሰናበት በምትካቸው አቶ አወል አርባ ክልሉን እንዲያስተዳድሩ መድቧቸዋል፡፡

    - Advertisement -

    ይመዝገቡ

    spot_img
    spot_img