Thursday, December 1, 2022
ሌሎች ዓምዶች
    - Advertisement -
    - Advertisement -
    ዜናበከባድ የሙስና ወንጀል በተጠረጠሩት የዓለም ገነት ቆርቆሮ ፋብሪካ ባለቤት ላይ ክስ መመሥረቻ...

    በከባድ የሙስና ወንጀል በተጠረጠሩት የዓለም ገነት ቆርቆሮ ፋብሪካ ባለቤት ላይ ክስ መመሥረቻ ጊዜ ተፈቀደ

    ቀን:

    ከብረታ ብረት ኢንጂነሪንግ ኮርፖሽን (ሜቴክ) ኃላፊዎች ጋር በጥቅም በመመሳጠር በሕዝብና በመንግሥት ላይ ከፍተኛ ጉዳት በማድረስ በከባድ የሙስና ወንጀል በተጠረጠሩት፣ የዓለም ገነት ቆርቆሮ ፋብሪካ ባለቤት አቶ ዓለም ፍፁም ላይ ክስ መመሥረቻ አሥር ቀናት ተፈቀደ፡፡

    አቶ ዓለም በባለቤትነት ያስተዳድሩት የነበረውን ሪቬራ ሆቴልና ፕላስቲክ ፋብሪካ፣ ያለ ምንም ጨረታ ከገበያ ክፍያ በላይ በተጋነነ ዋጋ ለሜቴክ በመሸጥ ተጠርጥረው መታሰራቸው ይታወሳል፡፡

    የፌዴራል ፖሊስ ወንጀል ምርመራ ቡድን ምርመራውን ማጠናቀቁንና ክስ የመመሥረት ሥልጣን ላለው፣ የፌዴራል ዓቃቤ ሕግ ማስረከቡን ገልጿል፡፡ የምርመራ መዝገቡን መቀበሉን፣ ክርክሩን እየመራ ለሚገኘው ለፌዴራል ከፍተኛ ፍርድ ቤት ልደታ ምድብ አሥረኛ ወንጀል ችሎት ያረጋገጠው ዓቃቤ ሕግ፣ ክስ የመመሥረቻ ጊዜ እንደሚያስፈልገው አስረድቷል፡፡

    መርማሪ ቡድኑ ምርመራውን ጨርሶ ያስረከበውን የምርመራ መዝገብ ተመልክቶ የቀረቡት ማስረጃዎች ክስ ለመመሥረት በቂ መሆን አለመሆናቸውን ከሕጉ ጋር በማገናዘብ ክስ ለመመሥረት፣ ወይም ውድቅ ለማድረግ ጊዜ እንደሚያስፈልገው አክሏል፡፡ በመሆኑም በወንጀለኛ መቅጫ ሥነ ሥርዓት ሕግ ቁጥር 109 መሠረት 15 ቀናት ክስ የመሥረቻ ጊዜ እንዲፈቀድለት ጠይቋል፡፡

    የተጠርጣሪው ጠበቆች ባነሱት መከራከሪያ ለፍርድ ቤቱ እንዳመለከቱት፣ ዓቃቤ ሕግ ለፍርድ ቤቱ ያስረዳው መርማሪ ቡድኑ የምርመራ ሒደቱን አጠናቆ እንዳስረከበውና መርምሮ ክስ ለመመሥረትም ሆነ ውድቅ ለማድረግ ጊዜ እንደሚያስፈልገው መሆኑን እንጂ፣ የተጠርጣሪውን የዋስትና መብት በሚመለከት ያለው ነገር እንደሌለና ሕጉም ስለማይከለክል የዋስትና መብታቸው እንዲከበርላቸው ጠይቀዋል፡፡

    ዓቃቤ ሕግ የጠበቆቹን የዋስትና ጥያቄ ተቃውሟል፡፡ ምክንያቱ ደግሞ አቶ ዓለም የተጠረጠሩበት በከባድ የሙስና ወንጀል ከመሆኑ አንፃር፣ ክስ ሲመሠረት የሚጠቀስባቸው የሕግ አንቀጽ ከአሥር ዓመታት በሚበልጥ እስራት ሊያስቀጣቸው የሚችል መሆኑን ገልጿል፡፡ ይኼ ደግሞ የፌዴራል የሥነ ምግባርና ፀረ ሙስና ሕግ ዋስትና ስለሚከለከል፣ ዋስትናውን እንደሚቃወም በመግለጽ የጠየቀው ጊዜ እንዲፈቀድለት ጠይቋል፡፡

    የግራ ቀኙን ክርክር የሰማው ፍርድ ቤቱ የጠበቆቹን የመከራከሪያ ሐሳብ ውድቅ በማድረግ፣ ለዓቃቤ ሕግ ክስ የመመሥረቻ ጊዜ አሥር ቀናት በመፍቀድ ለታኅሳስ 25 ቀን 2011 ዓ.ም. ቀጠሮ ሰጥቷል፡፡ በተመሳሳይ ከሜቴክ ጋር በተያያዘ በሙስና ወንጀል ተጠርጥረው ታስረው በነበሩት ወ/ሪት ትዕግሥት ታደሰና አቶ ቸርነት ዳናም ላይ መርማሪ ቡድኑ ምርመራውን አጠናቆ መዝገቡን ለዓቃቤ ሕግ አስረክቧል፡፡

    ዓቃቤ ሕግም ክስ የመመሥረቻ ጊዜ በወንጀለኛ መቅጫ ሥነ ሥርዓት ሕግ ቁጥር 109 መሠረት 15 ቀናት ጠይቆ አሥር ቀናት ተፈቅዶለታል፡፡ ፍርድ ቤቱ ክስ ለመጠባበቅ ለታኅሳስ 25 ቀን 2011 ዓ.ም. ቀጠሮ ሰጥቷል፡፡         

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...