Wednesday, February 21, 2024
- Advertisement -
- Advertisement -
ስፖርትየኢትዮጵያ እግር ኳስ ፌዴሬሽን አዲስ ዋና ጸሐፊ ቀጠረ

የኢትዮጵያ እግር ኳስ ፌዴሬሽን አዲስ ዋና ጸሐፊ ቀጠረ

ቀን:

ሊጉ በራሱ እንዲተዳደር ተወሰነ

የኢትዮጵያ እግር ኳስ ፌደሬሽን አዲሱ ሥራ አስፈጻሚ ኮሚቴ የተቋሙን ኃላፊነት ሲረከብ ‹‹አስፈጽማለሁ›› ብሎ ቃል ከገባቸው ዕቅዶች መካከል በፌዴሬሽኑ ለዓመታት ሲንከባለል የቆየውን የተዝረከረከ አሠራር ከዘመኑ ጋር ሊራመድ የሚችል የአሠራር ሥርዓት (ሪፎርም) ማድረግ አንዱ እንደነበር አይዘነጋም፡፡ ብሔራዊ ፌዴሬሽኑ ታኅሣሥ 25 ቀን 2011 ዓ.ም. ባደረገው ስብሰባ የሪፎርሙ አንድ አካል የሆነውን የጽሕፈት ቤት ዋና ኃላፊ ቅጥር ፈጽሟል፡፡

በአቶ ኢሳያስ ጅራ የሚመራው አዲሱ ካቢኔ በፌዴሬሽኑ የሚጠበቀውን አደረጃጀት ዕውን ለማድረግ ሁሉን አቀፍ የስትራቴጂ ዕቅድ እንዲዘጋጅ ማስጠናቱ ይታወሳል፡፡ በገለልተኛ ሙያተኞች አማካይነት የተዘጋጀው ስትራቴጂክ ዕቅዱ የባለድርሻ አካላትን አስተያየት በግብዓትነት አካቶ ከተጠናቀቀ በኋላ እንዲተገበር ሲጠበቅ በመዘግየቱ ለምን የሚል ቅሬታና ትችት ሲያስተናግድ ቆይቷል፡፡

- Advertisement -

Video from Enat Bank Youtube Channel.

አመራሩ ባደረገው መደበኛ ስብሰባ በተቋሙ በየደረጃው የሚገኙ ኃላፊነቶችንና የሥራ ክፍሎች በአዲሱ አደረጃጀት መሠረት ምደባና ቅጥር እንዲፈጸም ውሳኔ ላይ መድረሱን አስታውቋል፡፡ በዚሁ መሠረት በዋና ጸሐፊነት ኢያሱ መርሐጽድቅ (ዶ/ር) ሲቀጠሩ፣ በቦታው የቆዩት አቶ ሰሎሞን ገብረሥላሴ ደግሞ ዝቅ ብለው ምክትል ጸሐፊና የእግር ኳስ ልማት ኃላፊነት መመደባቸው ታውቋል፡፡

በሌላ በኩል ለዓመታት ፌዴሬሽኑንና ክለቦችን ሲያወዛግብ የቆየው ‹‹ሊጉን በባለቤትነት የማስተዳደር ጥያቄ›› ዕልባት ለመስጠት ሊጉን በባለቤትነት እንዲያስተዳደር በሚቋቋመው አካል ዝርዝር አሠራር ላይ ለመምከር፣ የአሥራ ስድስቱ የፕሪሚየር ሊግ ክለቦች የመጨረሻውን ውይይት ጥር 7 ቀን 2011 ዓ.ም. በኢንተር ኮንቲኔንታል ሆቴል እንዲያደርጉ ጥሪ መደረጉን ፌዴሬሽኑ አስታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የካቲት አብዮት – ጥያቄዎችሽ ዛሬም እየወዘወዙን ነው!

በበቀለ ሹሜ አጭር መግቢያ የዚህ ጽሑፍ አቅራቢ ከ1960ዎች ወጣቶች ርዝራዦች አንዱ...

የሰሞኑ የ“መኖሪያ ቤቶች” የጨረታ ሽያጭ ምን ዓይነት ሕጋዊ መሠረት አለው?   

በዳዊት ዮሐንስ ሰሞኑን በአዲስ አበባ ከተማ አየር ላይ ከሚንሸረሸሩ ዜናዎች...

ሁለቱ ወጎች፡ ከሰማየ ሰማያት አድርሶ መላሹ ቋንቋ! እስከ በዓሉ ቤርሙዳ

በተክለ ጻድቅ በላቸው ሰማየ ሰማያት አድርሶ መላሹ ቋንቋ! ከሁለት ሦስት ዓመት...

ለትግራይ ክልል ድርቅ ተፈናቃዮች አፋጣኝና ቀጣይነት ያለው ድጋፍ እንዲደረግ ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዩች ቋሚ...