Saturday, May 25, 2024
- Advertisement -
- Advertisement -

ስፖርትበዱባይ ማራቶን ኢትዮጵያውያኑ ዘንድሮም ይጠበቃሉ

በዱባይ ማራቶን ኢትዮጵያውያኑ ዘንድሮም ይጠበቃሉ

ቀን:

የምዕራባውያኑ 2019 አዲስ ዓመት መግባቱን ተከትሎ ዓለም አቀፍ ስፖርታዊ ክንውኖች ከወዲሁ መርሐ ግብር ወጥቶላቸው ተወዳዳሪዎቻቸውን በመጠባበቅ ላይ ይገኛሉ፡፡ በኳታር ዶሃ የሚሰናዳው የ2019 የዓለም አትሌቲክስ ሻምፒዮናን ጨምሮ በርካታ ውድድሮች ይጠበቃሉ፡፡ ከእነዚህም ዓመታዊ ውድድሮች መካከል የዱባይ ማራቶን ተጠቃሽ ነው፡፡ በተለያዩ አውሮፓ አገሮች ከሚከናወኑ ዓመታዊ የጎዳና ውድድሮች መካከል ‹‹ዱባይ ስታንዳርድ ቻርተር›› የሚባለው የዱባይ ማራቶን በረብጣ ሽልማቱ ይታወቃል፡፡ በውጤት ደረጃ በተለይ በኢትዮጵያውያን አትሌቶች የበላይነት ሲጠናቀቅ ይስተዋላል፡፡

20ኛው የዱባይ ማራቶን ጥር 17 ቀን 2011 ዓ.ም. በርካታ አትሌቶችን ያሳትፋል ተብሎ ይጠበቃል፡፡ በተለይ ውጤታማዎቹ ወርቅነሽ ደገፋና ለሚ ብርሃኑ ከወዲሁ ትልቅ ግምት ተሰጥቷቸዋል፡፡

እ.ኤ.አ. በ2015 እና 2017 የማራቶን ውድድር በበላይነት ማጠናቀቅ የቻሉት ሁለቱ አትሌቶች ዘንድሮም ትልቅ ግምት አግኝተዋል፡፡ ለሚ ብርሃኑ ከአራት ዓመት በፊት 2፡05፡05 የገባበት የግል ምርጥ ሰዓቱ ተደርጎ መመዝገቡ ይታወሳል፡፡

- Advertisement -

አትሌቱ እ.ኤ.አ. 2016 በተከናወነ ውድድርም 2፡04፡33 በማጠናቀቅ ሁለተኛ ደረጃ በመያዝ ያጠናቀቀበት ሌላኛው ስኬቱ ነው፡፡

ለሚ ብርሃኑ ኢትዮጵያን በመወከል ባደረገው የማራቶን ውድድሮች በዓለም ሻምፒዮና ቤጂንግ 2015 እና የ2016 የሪዮ ኦሊምፒክ ላይ ያደረጋቸው ተሳትፎዎች የቅርብ ጊዜ ትውስታዎች ናቸው፡፡ አትሌቱ በግሉ ያደረጋቸው በርካታ የጎዳና ውድድሮች በመነሳት በዘንድሮ የዱባይ ማራቶን ተጠባቂ አድርጎታል፡፡

በሴቶች በኩል እ.ኤ.አ. በ2017 የዱባይ ማራቶን ላይ ለመጀመሪያ ጊዜ ተሳትፎ ያደረገው ወርቅነሽ ደገፋ ርቀቱን 2፡22፡36 በመግባት በመጀመሪያ ተሳትፎ ድል መቀዳጀት ችላለች፡፡ እንደ ዓለም አቀፍ አትሌቲክስ ፌዴሬሽኖች ማኅበር (አይኤኤኤፍ) ቅድመ ግምት ከሆነ፣ ሁለቱ ኢትዮጵያውያን በውድድሩ የማሸነፍ ዕድል አላቸው ተብሏል፡፡

ከዚህ ጋር ተያይዞም በሪዮ ኦሊምፒክ በወንዶች ማራቶን የብር ሜዳልያ ባለቤት የሆነው ፈይሳ ሌሊሳም፣ ዱባይ ማራቶን ላይ እንደሚሳተፍ ተጠቅሷል፡፡ አትሌቱ ከሁለት ዓመት የአሜሪካ የፖለቲካ ጥገኝነት በኋላ፣ በአገሪቱ በተፈጠረው ምቹ ሁኔታ ወደ አገር መመለሱን ተከትሎ፣ በኢትጵዮያ ዝግጅቱን ማድረግ ከጀመረ ወራት ተቆጥረዋል፡፡ ፈይሳ እንደ ሌሎቹ ኢትዮጵያውያን አትሌቶች ሁሉ የአሸናፊነት ቅድመ ግምት ከተሰጣቸው ተርታ ተቀምጧል፡፡

የዱባይ ማራቶን የዓምናው አሸናፊ ሙሰነት ገረመው የፈጸመበት ጊዜ 2 ሰዓት ከ04፡00 ደቂቃ ሲሆን፣ በሴቶች ሮዛ ደረጄ 2፡19፡17 በመግባት ኢትዮጵያውያን በበላይነት እንዲያጠናቅቁ ትልቁን ድርሻ ወስደዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...