Thursday, December 1, 2022
ሌሎች ዓምዶች
    - ማስታወቂያ -
    - ማስታወቂያ -

    የደብረ ብርሃን ከተማ አስተዳደር 54 ሔክታር መሬት ለባለሀብቶች ማዘጋጀቱን አስታወቀ

    - ማስታወቂያ -

    ተዛማጅ ፅሁፎች

    የደብረ ብርሃን ከተማ አስተዳደር የከተማዋን ምቹነትና ቀልጣፋ መንግሥታዊ አገልግሎቶች በመንተራስ የኢንቨስትመንት መዳረሻ የሚያደርጓትን ክንውኖች ይፋ በማድረግ፣ 54 ሔክታር መሬት ለባለሀብቶች መከለሉን አስታውቋል።

    ደብረ ብርሃን ከተማን የኢንቨስትመንት መስህቦች ያብራሩት ከንቲባ ብርሃን ገብረ ሕይወት፣ ወደ ከተማዋ የሚመጡ የአገር ውስጥና የውጭ ባለሀብቶች ያለ ውጣውረድ የሚስተናገዱባቸው መንግሥታዊ አገልግሎቶች መሰናዳታቸውን ገልጸዋል።

    ሙስ፣ ጥር 9 ቀን 2011 ዓ.ም. በአዲስ አበባ ይፋ በተደረገው የከተማዋ የኢንቨስትመንት ዘመቻ ወቅት ከንቲባው እንዳሉት፣ አዳዲስ የአስተዳደር መዋቅሮች ተዘርግተው ባለሀብቶችን ለማስተናገድ የሚያስችሉ ዝግጅቶች ተከናውነዋል። ለአብነትም የንግድና ኢንዱስትሪ ቢሮ እንደ አዲስ መደራጀቱ፣ የኢንቨስትመንት ፈቃድ ያላቸውና መሬት ማግኘት የሚፈልጉ ባለሀብቶች እንደ ምርጫቸው መንግሥት ካሳ ከፍሎ በሚሰጣቸው መሬት አለያም ራሳቸው ካሳ ከፍለው መሬት መረከብ የሚችሉባቸው መንገዶች እንደተመቻቹም ተጠቅሷል።

    ደብረ ብርሃን ከተማ የኢንቨስትመንት መሬት እጥረት እንደሌለ የገለጹት ከንቲባ ብርሃን፣ በአራት የኢንዱስትሪ መንደር ክላስተር ደረጃ በመከፋፈል ለፋብሪካ፣ ለግብርና ለንግድና አገልግሎት እንዲሁም በተለያዩ የምርት ሥራዎች ለሚሳተፉ ባለሀብቶች መሬት መደልደሉን አብራርተዋል።

    ከአዲስ አበባ በ130 ኪሎ ሜትር ርቀት ላይ በምትገኘው ደብረ ብርሃን፣ አምስት ባለ ኮከብ ሆቴሎችን ለመገንባት ጥያቄዎች ቀርበው ምላሽ ለመስጠት እየተሠራ እንደሚገኝ ተብራርቷል። ከዚህ በተጓዳኝ ከተማዋ በ27 አጎራባች ወረዳዎች የተከበበች እንደመሆኗ፣ በርካቶች ሥራ ፍለጋ እየፈለሱባት እንደሆነ ከንቲባ ብርሃን ተናግረዋል፡፡ የደብረ ብርሃን ከተማ የዘርፍ ማኅበራት ምክር ቤት ፕሬዚዳንት አቶ ደምሳሽ ኃይለ ገብርኤል ሲሆኑ፣ በየጊዜው እየጨመረ የመጣውን የነዋሪዎች ቁጥር በገቢ የሚደግፉ የኢንቨስትመንት አማራጮች ትኩረት እንደተሰጣቸው ገልጸዋል።

    ዚህ ባሻገር በፌዴራል መንግሥት በደብረ ብርሃን ግንባታው እየተጠናቀቀ የሚገኘው የኢንዱስትሪ ፓርክ ለበርካቶች የሥራ ዕድል ምንጭ ከመሆን ባሻገር ለከተማዋ ኢንቨስትመንት መስፋፋትም አጋዥነቱ ተስፋ ተደርጓል።

    ተማዋ ያሏት የሰላማዊና አብሮነታዊ እሴቶች፣ ያላት የተማረና በቀላሉ ሠልጥኖ ወደ ምርት ሊሰማራ የሚችል ሰፊ የሰው ኃይል፣ የከተማዋ የአየር ንብረትና ታሪካዊ እሴቶቿ ተዳምረው ከኢንቨስትመንት ባሻገር ለቱሪዝም መስህብ እንድትሆን የኢንቨስትመንት ዘምቻው መጀመሩን ኃላፊዎቹ ተናግረዋል።

    ኢንቨስትመንት ማስፋፊያ ዘመቻው ጅማሮውን የሚያደርገው ከመጪው ጥር 24 ቀን 2011 ዓ.ም. ጀምሮ ለ15 ቀናት በሚቆይና ‹‹የፍቅርና የሰላም›› በተሰኘ የንግድ ርዕይና ባዛር ዝግጅት እንደሆነም ታውቋል። ከደብረ ብርሃን ከተማ አስተዳደር ጋር በመተባበር የንግድ ርዕዩን ያሰናዳው የአፍሪካ ሚዲያ ግሩፕ መሥራች አቶ ብሩክ እንዳለ እንዳስታወቁት፣ ወርኃ ጥር ከፍተኛ የግብርና ምርቶች ወደ ከተማዋ የሚጎርፉበትና ነዋሪውም የመግዛት አቅሙና ልማዱ የዳበረ በመሆኑም ጭምር ነው። 285 ነጋዴዎች እንደሚሳተፉበት በሚጠበቀው ዓውደ ርዕይ፣ 7D ሲኒማን ጨምሮ ልዩ ልዩ መዝናኛዎችና ትርዒቶችና መዝናኛዎች ለ200 ሺሕ ጎብኝዎች ተሰናድተዋል።

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች