Saturday, January 28, 2023
- Advertisment -
- Advertisment -

ክቡር ሚኒስትሩ ለደላላ ወዳጃቸው ስልክ ይደውላሉ

[ክቡር ሚኒስትሩ ከባለሀብት ጋር እያወሩ ነው]

  • እንኳን ደስ አለዎት፡፡
  • ምን ተገኘ?
  • አልሰማሁም እንዳይሉኝ ክቡር ሚኒስትር?
  • ምኑን?
  • ዕግዱ ተነሳ፡፡
  • ከአገር እንዳትወጣ የተባልከው?
  • እሱን እንኳን ማረጋገጥ አልቻልኩም፡፡
  • እንዴት?
  • የሦስት ሺሕ ሰዎች የጉዞ ዕግድ መነሳቱን ሰምቻለሁ፡፡
  • ዋናው የአንተ ተነስቷል ወይ?
  • አላወቅኩም ክቡር ሚኒስትር፡፡
  • ታዲያ ምኑ ነው ደስ ያለህ?
  • እኔ ስለሌላ ዕገዳ ነው የማወራው፡፡
  • የምን ዕገዳ?
  • የሪል ስቴት፡፡
  • አትለኝም?
  • ይኸው ከስብሰባ ወጥቼ ነው የማናግርዎት፡፡
  • እንዴት ተነሳ?
  • በቃ ተነሳ፡፡
  • ስማ እኔ እኮ እንቅልፍ ካጣሁ ሰነባበትኩ፡፡
  • ምን ነካዎት ክቡር ሚኒስትር እኔ ራሴ መቼ ተኝቼ አውቃለሁ?
  • ይጣራል ከተባለ ጀምሮ ጤናዬ ጥሩ አይደለም፡፡
  • የስንት ሰው ጤና መታወኩን እኔም አውቃለሁ፡፡
  • ታዲያ ዕግዱ እንዴት ተነሳ?
  • እኔም ግራ ገብቶኛል፡፡
  • ሊያዘናጉን እንዳይሆን?
  • እንዴት ክቡር ሚኒስትር?
  • ማለቴ ነፃ ነን ብለን ስንዘናጋ ጎል እንዳይከቱን፡፡
  • መጠርጠሩ አይከፋም ክቡር ሚኒስትር፡፡
  • ታዲያ አገልግሎት መስጠት ጀመሩ?
  • የምን አገልግሎት?
  • ለሪል ስቴቶቹ የስም ማዘዋወር ምናምኑን ነዋ፡፡
  • ይጀመራል ተብሏል ክቡር ሚኒስትር፡፡
  • ስለዚህ እኔ በአፋጣኝ በስሜ ያሉትን ቤቶች ማስተላለፍ አለብኝ፡፡
  • ለማን ነው የሚያስተላልፉት?
  • ለወዳጅ ዘመዶቼ ነዋ፡፡
  • እሱን አሁን ማድረግ አደጋ አለው፡፡
  • የምን አደጋ?
  • ዕግዱ የመጣው እኮ ከፍተኛ የሆነ የቤትና የንብረት ዝውውር ስለነበረ ነው፡፡
  • ምን እያልክ ነው?
  • በስምዎ ያሉትን ንብረቶች ለሌሎች ቢያስተላልፉ በድጋሚ መንግሥትን ሊያነቁት ይችላሉ፡፡
  • እንዴት?
  • ብቻዎን እኮ ያሉዎት ቤቶች ክፍለ ከተማ ያስመሠርቱዎታል፡፡
  • እ. . .
  • ሐሳባችንንማ አክሽፎብናል ክቡር ሚኒስትር፡፡
  • ማን ነው ያከሸፈው?
  • ለውጡ ነዋ ክቡር ሚኒስትር፡፡
  • እስኪ ተወው፡፡
  • የእኔ እኮ ሐሳብ በስምዎ ከተማ መመሥረት ነበር፡፡
  • ምን ታደርገዋለህ?
  • ሥርዓቱ ባይቀየር እኮ እርስዎ ብቻዎን መሆን ይችሉ ነበር፡፡
  • ምን?
  • ክልል!

[ክቡር ሚኒስትሩ ጠቅላይ ሚኒስትሩ ቢሮ ያለ ኃላፊ ዘንድ ይደውላሉ]

  • ዛሬ ከየት ተገኙ ክቡር ሚኒስትር?
  • እንዲያው እንዳትረሱኝ ለማለት ነው፡፡
  • ምነው አምባሳደር መሆን ፈለጉ?
  • ምነው? ምን አደረግኩህ?
  • እንዴት በፊት አምባሳደር መሆን እንደሚፈልጉ ነግረውኝ ነበር እኮ?
  • ድሮ ነዋ፡፡
  • አሁን ምን ተገኘ?
  • ስማ ድሮ እኮ አምባሳደርነት መጦሪያ፣ ከዚያም በላይ የሽምግልና ቢዝነስ መሥሪያ ነበር፡፡
  • አሁንማ እሱ ቀርቷል፡፡
  • ስለዚህ ምን በወጣኝ ብዬ ነው በስተርጅና የምሰቃየው?
  • ለነገሩ አሁን የሚሠራ ብቻ ነው አምባሳደር መሆን የሚቻለው፡፡
  • ሁሉን ነገር መዘጋጋት ግን ያዋጣል?
  • እንዴት ክቡር ሚኒስትር?
  • ቢያንስ አምባሳደርነት ዕድሜያችንን ሙሉ ያገለገልን ሰዎች መጦሪያ ነበራ፡፡
  • ክቡር ሚኒስትር ማንን ነው ያገለገሉት?
  • ሕዝቡን ነዋ፡፡
  • ራስዎን እንደ ሕዝብ ነው እንዴ የሚቆጥሩት?
  • አልገባኝም?
  • ዕድሜዎን ሙሉ ራስዎን ሲያገለግሉ ነበራ፡፡
  • አሁንማ የማንም መጫወቻ መሆኔን አውቃለሁ፡፡
  • ምን ያደርጉታል?
  • ለማንኛውም ሊስት ውስጥ አለሁበት?
  • የምን ሊስት?
  • ከጠቅላይ ሚኒስትሩ ጋር እጓዛለሁ ወይ ብዬ ነው፡፡
  • ለምንድነው የሚጓዙት?
  • መደመሬን ለማሳየት ነዋ፡፡
  • ለማን ነው የሚያሳዩት?
  • ለዓለም ሕዝብ ነዋ፡፡
  • ሞራልዎ እኮ ደስ ይላል ክቡር ሚኒስትር፡፡
  • እንዴት?
  • የዓለም ሕዝብ ያውቀኛል ብለው ነው የሚያስቡት?
  • በሚገባ እንጂ፡፡
  • ኧረ እንደዚህ መወጣጠር አያስፈልግም ክቡር ሚኒስትር?
  • ምን ማለት ነው?
  • እንኳን በዓለም እዚህም በቅጡ የሚያውቅዎ የለም፡፡
  • ምን ነካህ ታዋቂማ ነኝ፡፡
  • ከታወቁም የሚታወቁት በአንድ ነገር ነው፡፡
  • በምን?
  • በሌብነት፡፡
  • እንከባበራ?
  • ለመከበር መጀመርያ የሚያስከብር ሥራ መሥራት አለብዎ፡፡
  • ከዚህ በላይ ምን ልሥራ?
  • የሠሩት ለራስዎ እንጂ ለአገር አይደለም፡፡
  • ተረቱም እኮ ከራስ በላይ ንፋስ ነው የሚለው፡፡
  • ስለዚህ እርስዎ ተደምረዋል ለማለት ይከብዳል፡፡
  • እኔ ሙሉ ለሙሉ ነው የተደመርኩት፡፡
  • እንዳይነቀሱ ይፍሩ፡፡
  • ለማንኛውም ከጠቅላይ ሚኒስትሩ ጋር መሄድ እፈልጋለሁ፡፡
  • እ. . .
  • በርካታ ማግኘት የምፈልጋቸው ባለሀብቶች እዚያ አሉ፡፡
  • የት?
  • ዳቮስ፡፡
  • እና ዳቮስ ነው መሄድ የፈለጉት?
  • አዎን፡፡
  • እርስዎ መሄድ ያለብዎ ዳቮስ ሳይሆን ሌላ ቦታ  ነው፡፡
  • የት?
  • እንጦሮጦስ!

[ለክቡር ሚኒስትሩ አንድ ዳያስፖራ ደውሎላቸው እያወሩ ነው]

  • እንዴት ነዎት ክቡር ሚኒስትር?
  • አገሪቷን እየለመድካት ነው?
  • ክቡር ሚኒስትር ኧረ በፍፁም ልለምዳት አልቻልኩም፡፡
  • እናንተ ዳያስፖራዎች ደግሞ ማካበድ ታውቁበታላችሁ፡፡
  • እያካበድኩ አይደለም ክቡር ሚኒስትር?
  • ታዲያ ምን እያደረግህ ነው?
  • አገሪቱ እኮ በየጊዜው ከድጡ ወደ ማጡ እየሄደች ነው፡፡
  • ምን ጠብቀህ ነበር?
  • እኔማ ለውጡን ተማምኜ ነበር አገር ቤት የገባሁት?
  • ወይ ለውጥ?
  • ለነገሩ እርስዎ የቀድሞው ሥርዓት ናፋቂ እንደሆኑ አውቃለሁ፡፡
  • እንዴት ማለት?
  • በቃ ብዙ ነገር ቀርቶብዎታል፡፡
  • ምን ቀረብኝ?
  • አሁን ፈላጭ ቆራጭ አይደሉማ፡፡
  • ውጤቱን እኮ እያየነው ነው፡፡
  • የምን ውጤት?
  • ይኸው አገሪቱ ያለችበትን ችግር አታየውም እንዴ?
  • እሱ እንኳን አሳሳቢ ነው፡፡
  • አሳሳቢ ብቻ ሳይሆን አሥጊ ነው፡፡
  • ክቡር ሚኒስትር በየቀኑ የምሰማው ወሬ እያሳመመኝ ነው፡፡
  • ለምን?
  • አገሪቱ እኮ ልትፈራርስ ነው የምትመስለው?
  • መፍረስ እንኳን አትፈርስም፣ ግን ያው ቤት ሲታደስ የሚፈርስ ነገር አለው፡፡
  • ለማንኛውም ከሰሞኑ ስብሰባችሁ እኮ ብዙ ነበር የሚጠበቀው፡፡
  • የትኛውም ስብሰባ?
  • የሥራ አስፈጻሚ ስብሰባ ነዋ፡፡
  • ምን ጠብቀህ ነበር?
  • ማለቴ አገሪቱ እንዲህ በምጥ ላይ እያለች ሕዝቡ ወሳኝ መግለጫ ነበር የሚጠብቀው፡፡
  • መግለጫው ምን ሆነ?
  • የተለመደና በቃላት የተደረተ ብቻ ነው፡፡
  • አየህ እሱ የኢሕአዴግ ባህል ነው፡፡
  • እንዴት ክቡር ሚኒስትር?
  • ውስጥ እርስ በርሳችን እንፋለማለን፣ ስንወጣ ግን ሁሉንም ነገር ሰላም እንደሆነ እናስመስለዋለን፡፡
  • ክቡር ሚኒስትር የሚሻለው ግን ፊት ለፊት ሁሉን ነገር በግልጽ ማውጣት ነው፡፡
  • እሱማ የኒዮሊበራሎች አካሄድ ነው፡፡
  • አሁንም ኒዮሊበራሎችን ይቃወማሉ እንዴ?
  • ሁሌም ጠላቶቼ ናቸው፡፡
  • ክቡር ሚኒስትር መንግሥት እየሄደበት ያለው አቅጣጫ እኮ በእሱ መስሎኝ?
  • ቢሆንም እኔ በእሱ አልስማማም፡፡
  • ውስጣችሁማ ክፍፍል እንዳለ ያስታውቃል፡፡
  • የምን ክፍፍል?
  • የብዙ ነገር ክፍፍል፡፡
  • ይኼ የጠላት ወሬ ነው፡፡
  • እኔ እንዲያውም የሥራ አስፈጻሚው አባላት ሁሉም ሥራ አስፈጻሚ አይመስሉኝም፡፡
  • ምን ማለት ነው?
  • አንዳንዶቹ የሚያስፈጽሙት ሥራ አይደለም፡፡
  • ምንድነው የሚያስፈጽሙት?
  • ሕገወጥነት!

[ክቡር ሚኒስትሩ ለደላላ ወዳጃቸው ስልክ ይደውላሉ]

  • አንተ ሰውዬ ምን ሆነሃል?
  • ምነው ክቡር ሚኒስትር?
  • በተከታታይ ስልክ ስደውልልህ ለምንድነው የማታነሳው?
  • ስልኩ ጥሩ አይደለም ብዬ እኮ ብዙ ጊዜ ቢሮ ብመጣ አጣሁዎት፡፡
  • ምን ሆነህ ነው የጠፋኸው?
  • ክቡር ሚኒስትር ድምፄን ላጥፋ ብዬ እኮ ነው፡፡
  • ለምን?
  • ከነገ ዛሬ ቢያስገቡኝስ?
  • ስማ እስከ መጨረሻው ጠብታ ነው መታገል ያለብህ፡፡
  • ምን ተገኘ ታዲያ?
  • ቢዝነሱን ተውከው እንዴ?
  • ምን ያው ሁሉ ነገር ስለተቀያየረ አስቸጋሪ ሆኗል እኮ?
  • አንተ ደግሞ ለዚህ መቼ ትታማለህ? ለ20 ዓመታት ጥርስህን የነቀልክበት አይደል እንዴ?
  • እንዲያው እንዲህ ሞራል የሚሰጠኝ ካገኘሁማ አሁኑኑ ነው የምጀምረው፡፡
  • ለመሆኑ ሰሞኑን ሚዲያ እየተከታተልክ ነው?
  • ምን አዲስ ነገር አለ ክቡር ሚኒስትር?
  • በየቦታው እኮ ባንኮች እየተዘረፉ ነው፡፡
  • እሱን ሰምቻለሁ፡፡
  • ታዲያ ቶሎ ብለህ ሥራውን አትጀምርም እንዴ?
  • የቱን?
  • የእጥበቱን ነዋ፡፡
  • እ. . .
  • በአዲስ መልክ ጀምረናል ብለህ ማስታወቂያ ማስነገር እኮ ነው፡፡
  • በሚዲያ?
  • ኧረ በኔትወርክህ፡፡
  • የምን እጥበት ነው ግን?
  • የገንዘብ!

በብዛት የተነበቡ ፅሁፎች

አሜሪካ ሕወሓትን በማሳመንና በመጫን በሰላም ሒደቱ ትልቅ ሚና መጫወቷን የኢትዮጵያ ዋና ተደራዳሪ አስታወቁ

የተመድና የአውሮፓ ኅብረት አበርክቶ አሉታዊ እንደነበር ጠቁመዋል በመንግሥትና በሕወሓት መካከል...

መንበሩ ካለመወረሱ በስተቀር መፈንቅለ ሲኖዶስ መደረጉን ቤተ ክህነት አስታወቀ

ቅዱስ ሲኖዶስ ከነገ ጀምሮ ውይይት እንደሚጀምር ተነገረ ‹‹እኛ ወታደርም ሆነ...

የአየር መንገድ ተጓዦች በሻንጣ የሚያስገቡትን የልብስና የጫማ ብዛት የሚገድብ ረቂቅ መመርያ ተዘጋጀ

ከቀረጥ ነፃ ይገቡ የነበሩ ዕቃዎች 87 በመቶ እንዲቀንሱ ተደርጓል መንገደኞች...

ቤተ መንግሥት የያዘ ”የጫካ ሃውስ” እየተገነባ መሆኑን ጠቅላይ ሚኒስትሩ አረጋገጡ

ጠቅላይ ሚኒስትር ዓብይ አህመድ (ዶ/ር) ቤተ መንግሥት የያዘ “የጫካ...
- Advertisment -

ትኩስ ፅሁፎች

ቅዱስ ሲኖዶስ ሦስቱን ጳጳሳት ስልጣነ ክህነታቸውን አንስቶ አወገዘ

የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ፣ ሰሞኑን ጥር 14...

አቶ እየሱስወርቅ ዛፉ ከህብረት ባንክ ቦርድ አባልነት ለቀቁ

አንጋፋው የፋይናንስ ባለሙያ አቶ እየሱስወርቅ ዛፉ ከህብረት ባንክ ቦርድ...

አቶ በረከት ስምኦን ከእስር ተፈቱ

ከአራት ዓመታት በፊት በተከሰሱበት በከባድሙስና ወንጀል ስድስት ዓመታት ተፈርዶባቸው...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ...

ከአንድ ክፍለ ዘመን በላይ ቀጥሎ የሚገኘው የመከላከያ ሠራዊት  አቅም ግንባታ እንቅስቃሴ

በኢትዮጵያ የተቋማት ግንባታ ታሪክ ረዥም ዘመናትን ማስቆጠሩ የሚነገርለት መከላከያ...
spot_img

ተዛማጅ ፅሁፎች

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ ክቡር ሚኒስትር፡፡ ምን ገጥሞህ ነው? ስምምነቱን ጥሰውታል ክቡር ሚኒስትር? ኧረ ተውው ተረጋጋ፡፡ እሺ ክቡር ሚኒስትር ይቅርታ... ደንቆኝ እኮ ነው። ስምምነቱን...

[ክቡር ሚኒስትሩ ለከተማ አስተዳደሩ እንድ ሹም በቢሮ ስልካቸው ላይ ደጋግመው ቢደውሉም ሊያገኟቸው ስላልቻሉ ወደ እጅ ስልካቸው ሞከሩ] 

ጤና ይስልጥልኝ ክቡር ሚኒስትር? ትላንት የቢሮ ስልክዎ ላይ ብደውል ለሥራ ወጥተዋል ተባልኩ፣ ዛሬም ስደውል ለሥራ ወጥተዋል ተባልኩ። ልክ ነው ክቡር ሚኒስትር ቢሮ አልገባሁም ነበር። እኔ ሳላውቅ የጀመሩት...

[ክቡር ሚኒስትሩ ከተቃዋሚ ፓርቲው ትይዩ ሚኒስትር ጋር ስለ ጫካ ፕሮጀክት እየተወያዩ ነው]

ክቡር ሚኒስትር ላቀረብነው የውይይት ጥያቄ ፈቃደኛ ስለሆኑና በአጭር ቀጠሮ በመገናኘታችን ከፍ ያለ ምስጋናዬን አቀርባለሁ። በጭራሽ ምስጋና አያስፈልገኝም። ተቃዋሚ ፓርቲ ስትባሉ ብትቆዩም እኛ ስንመጣ ተፎካካሪ ያልናችሁ...