Sunday, June 23, 2024
- Advertisement -
- Advertisement -
ስፖርትየጃን ሜዳ አገር አቋራጭ ውድድር በመጪው እሑድ ይካሄዳል

የጃን ሜዳ አገር አቋራጭ ውድድር በመጪው እሑድ ይካሄዳል

ቀን:

የኢትዮጵያ አትሌቲክስ ፌዴሬሽን ከሚያዘጋጃቸው ውድድሮች መካከል የጃን ሜዳ ኢንተርናሽናል አገር አቋራጭ ውድድር አንዱ ሲሆን፣ ከክልል፣ ከከተማ አስተዳደርና ከክለቦች የተውጣጡ ከ40 በላይ ቡድኖች በጃንሜው ውድድር እንደሚካፈሉ ፌዴሬሽኑ አስታውቋል፡፡

በውድድሩ የተሻለ ውጤት የሚያስመዘግቡ አትሌቶች ከሁለት ወራት ባነሰ ጊዜ ውስጥ በዴንማርክ በሚካሄደው የዓለም አገር አቋራጭ የሩጫ ውድድር ላይ ኢትዮጵያን ወክለው ይሳተፋሉ፡፡

የብሔራዊ ፌዴሬሽኑ ሕዝብ ግንኙነት ከፍተኛ ባለሙያ አቶ ስለሺ ብሥራት ለሪፖርተር እንደገለጹት፣ ዘንድሮ ለ36ተኛ ጊዜ በሚካሄደው የጃን ሜዳ አገር አቋራጭ ውድድር በሁለቱም ፆታ ከ71 በላይ አትሌቶች በሁለት ምድብ ማለትም፤ በአዋቂና በወጣት ዘርፍ ይወዳደራሉ፡፡ የምዝገባው ቀነ ገደብ ባለመጠናቀቁ የተሳታፊ አትሌቶች ቁጥር ከተጠቀሰው በላይ እንደሚጨምር ይጠበቃል ብለዋል፡፡

ይህ ዘገባ እስከተጠናቀረበት ማክሰኞ አመሻሽ ድረስ አዲስ አበባንና ድሬዳዋን ጨምሮ ከሰባት ክልሎች 468 ወንዶች የተመዘገቡ ሲሆን፣ 246 ሴቶች ለውድድሩ መመዝገባቸው ታውቋል፡፡ ከኦሮሚያ፣ ከአማራ፣ ከቤንሻንጉል ጉሙዝና ከሐረሪ የተውጣጡ አትሌቶች ሲመዘገቡ፣ የትግራይ፣ የጋምቤላና የሶማሌ ክልል ተሳታፊዎች ግን እስከ ጥር 28 ቀን 2011 ዓ.ም. ድረስ በነበረው መረጃ እንዳልተመዘገቡ ባለሙያው ተናግረዋል፡፡ ለውድድሩ በአጠቃላይ ከአንድ ሚሊዮን ብር በላይ በጀት ለሽልማትና ለሌሎች ወጪዎች መመደቡ ተነግሯል፡፡ ከዚህ ውስጥ 350 ሺሕ ብር ለአሸናፊ አትሌቶች በማበረታቻነት እንደሚሰጥ ታውቋል፡፡

እሑድ የካቲት 2 ቀን 2011 ዓ.ም. በጃን ሜዳ የሚደረገውን ኢንተርናሽናል አገር አቋራጭ የሩጫ ውድድር አስመልክቶ ጥር 29 ቀን 2011 ዓ.ም. ብሔራዊ ፌዴሬሽኑ ጉርድ ሾላ በሚገኘው ጽሕፈት ቤቱ መግለጫ እንደሚሰጥ ይጠበቃል፡፡  

  

 

 

 

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...