Monday, June 24, 2024

ክቡር ሚኒስትሩ ከተቃዋሚ ፖለቲከኛ ጋር ተገናኝተው እያወሩ ነው

[የክቡር ሚኒስትሩ የእህት ልጅ ስልክ ይደውልላቸዋል]             

  • ጋሼ እንዴት ነህ?
  • ዛሬ ከየት ተገኘህ ጎረምሳው?
  • አንተ እኮ ነው የጠፋኸው ጋሼ?
  • የእኛን ሥራ እያወቅከው?
  • አዎ ግን በጣም ነው የጠፋኸው፡፡
  • ስማ ሪፎርሙ ነዋ፡፡
  • ሪፎርሙ ምን ሆነ ጋሼ?
  • የቤት ሥራ አለብና፡፡
  • ትምህርት ጀመርክ እንዴ ጋሼ?
  • ሪፎርሙ በራሱ እኮ ከባድ ትምህርት ቤት በለው፡፡
  • እንዴት?
  • ይኸው የመቶ ቀናት የቤት ሥራ ተሰጥቶን ነዋ፡፡
  • እውነትህን ነው እንዴ ጋሼ?
  • እህሳ የመቶ ቀናት የቤት ሥራ የሚሉት ፈተና አምጥተውብናል፡፡
  • ታዲያ እናንተ በመድፈን የታወቃችሁ ናችሁ፡፡
  • መድፈን ስትል?
  • ማለቴ ምርጫውንስ ያው ከመቶ መቶ አይደል እንዴ ያመጣችሁት?
  • እሱ እኮ ድሮ ቀረ፡፡
  • እንዴት?
  • አሁን ዝም ብሎ መድፈን አይቻልም፡፡
  • አልገባኝም ጋሼ?
  • ማለፊያውን ራሱ ካገኘህ ጎበዝ ነህ ማለት ነው፡፡
  • ከመቶ 51 ማምጣት?
  • አዎን፡፡
  • አንተማ በመድፈን አትታማም ጋሼ፡፡
  • ይኼ እውነተኛ ፈተና ነው ስልህ፡፡
  • ምንም ቢሆን አንተ መቶ የምትለዋን ቁጥር እንደምትወዳት አውቃለሁ፡፡
  • ማን ነገረህ?
  • ይኸው ሀብትህ ራሱ መቶ ሚሊዮን እንደደረሰ ሰምቻለሁ፡፡
  • ኧረ ዝም በል፡፡
  • ይቅርታ ጋሼ፡፡
  • ዛሬ ግን የእውነት ከየት ተገኘህ?
  • እኔማ እንዴት ሳትነግረኝ ብዬ ነው የደወልኩት?
  • ምኑን?
  • መከፈቱን ነዋ፡፡
  • አገር ሁሉ ሆቴል መክፈቴን ሰምቶ አንተ አሁን ገና ሰማሁ ልትለኝ ነው?
  • የሆቴሉን መከፈትማ ሰምቻለሁ፣ እኔ ስለሌላ ነገር ነው የማወራው፡፡
  • ምንድነው የተከፈተው ታዲያ?
  • የሚኒስትሮች ምክር ቤት አለህበት አይደል እንዴ?
  • ምን ጥያቄ አለው?
  • ታዲያ የአገሪቱ የቴሌኮም ዘርፍ ለሁሉም ክፍት የሚያደርግ ሕግ እየተረቀቀ አይደል?
  • እያረቀቅን ነው ምነው?
  • አሁን በእርግጥ ሪፎርም ላይ እንደሆንን ገባኝ፡፡
  • ምን እያልክ ነው?
  • በቃ ዘርፉ ክፍት ከተደረገ እኛም መሳቀቅ ልናቆም ነዋ፡፡
  • አልገባኝም?
  • ጋሼ መቼ እንቅልፍ ተኝቼ የማድር መሰለህ?
  • ለምን?
  • ከነገ ዛሬ ተያዝኩ እያልኩ አይደል እንዴ የምኖረው?
  • በምን ምክንያት?
  • ጋሼ ባለፈው በኮንትሮባንድ ያስመጣህልኝ ዕቃ ትዝ አይልህም እንዴ?
  • አንተም የጦር መሣሪያ ንግድ ውስጥ አለህበት እንዴ?
  • አይ የቴሌኮም ዘርፍ ውስጥ ነው ያለሁት፡፡
  • ምን እየሠራህ ነው?
  • የዓለም አቀፍ ጥሪዎችን አስተናግዳለሁ እኮ?
  • አሃ… ጥሩ ገቢ ታገኛለህ ማለት ነው?
  • ኧረ ኑሮ ከእጅ ወደ አፍ ነው ጋሼ፡፡
  • ከእጅ ወደ አፍ ስትል?
  • ይኸው ከሦስት መኖሪያ ቤት ውጪ ምን አለኝ? ሕንፃ እንኳን መገንባት አልቻልኩም?
  • እሱማ መገንባትህ አይቀርም፡፡
  • ይኼ አጋጣሚማ በደንብ ሊያስገነባኝ እንደሚችል ገብቶኛል፡፡
  • እንዴት?
  • በቃ ቴሌ ሴንተሬን እቀይራለኋ፡፡
  • ወደ ምን?
  • ወደ ቴሌኮም ኦፕሬተር!

[ክቡር ሚኒስትሩ ከአንድ ባለሀብት ጋር ይገናኛሉ]                

  • እንዴት ነዎት ክቡር ሚኒስትር?
  • እንዴት ነህ ወዳጄ?
  • ምነው ጣል ጣል አደረጉኝ?
  • አንተን እንዴት እጥልሃለሁ?
  • እኔማ ውለታዬን እንዴት ረሱት እያልኩ ነበር፡፡
  • እንዴት ይረሳል ወዳጄ?
  • ያን ሁሉ ነገር አሳልፈን ግን አሁን ዘነጉኝ፡፡
  • አንተ እንዴት ትዘነጋለህ?
  • ሙሉ ለሙሉ ነው እንጂ ፊትዎን ያዞሩብኝ፡፡
  • ኧረ ተው ወዳጄ፡፡
  • እውነት ተናገር ካሉኝ እንደዚህ ይሆኑብኛል ብዬ አስቤ አላውቅም፡፡
  • ምን ሆንኩ?
  • ክቡር ሚኒስትር እኛ የሚያምርብን እኮ ስንደመር ነው፡፡
  • ምን እያልክ ነው?
  • እኛ እኮ ከዘመናት በፊት ነበር የተደመርነው፡፡
  • አልገባኝም?
  • ወዳጅነታችን እኮ ከሪፎርሙም በፊት የነበረ ነው፡፡
  • እሱማ እውነት ነው፡፡
  • ስለዚህ እኛ የሚያምርብን እንደ ቀድሞአችን ስንደጋገፍና ስንተጋገዝ ነው፡፡
  • የእኔም እምነት እንደዚያው ነው፡፡
  • ስለዚህ ከሪፎርሙ በፊት የመደመርን ጽንሰ ሐሳብ ያመጣነው እኛ ነን ክቡር ሚኒስትር፡፡
  • ልክ ነው ወዳጄ፡፡
  • ምን ልልዎት ነው ያን ሁሉ ድንጋይ የፈነቀልነው እርስ በርሳችን በመተጋገዛችን ነው ለማለት ነው፡፡
  • ሙሉ ለሙሉ እስማማለሁ፡፡
  • ታዲያ አሁን ምን ተገኝቶ ነው ፊትዎን ያዞሩብኝ?
  • መቼ አዞርኩብህ?
  • ከሰው በታች አደረጉኝ እንጂ ክቡር ሚኒስትር?
  • ምን አድርጌ?
  • ይኸው ማንም እየተነሳ አይደል እንዴ አለቃችሁ ጋ የሚገባው?
  • ምን ችግር አለው ታዲያ?
  • ታዲያ እኔ ከጓደኞቼ በምን አንሼ ነው የማያስገቡኝ?
  • መግባት ፈልገህ ነው?
  • እህሳ ክቡር ሚኒስትር?
  • ለመሆኑ ምን ጉዳይ ገጥሞህ ነው?
  • ስንትና ስንት ፕሮጀክቶቼ እንደመከኑብኝ ያውቁ አይደል እንዴ?
  • እነሱማ ሕገወጥ እንደሆኑ ታውቃለህ?
  • እሱማ እኔስ መቼ ከሕገወጥ ነገር ውጪ ሠርቼ አውቃለሁ?
  • ታዲያ ሌላ ምን ጉዳይ ኖሮህ ነው መግባት የምትፈልገው?
  • እሱማ ለጉዳይ አይደለም መግባት የፈለግኩት፡፡
  • ታዲያ ለምን መግባት ፈለግክ?
  • ለማጎብደድ!

[ክቡር ሚኒስትሩ ከተቃዋሚ ፖለቲከኛ ጋር ተገናኝተው እያወሩ ነው]  

  • ሰላም ክቡር ሚኒስትር?
  • ሰሞኑን በቴሌቪዥን ሳይህ ነበር፡፡
  • እንዴት አዩት ክቡር ሚኒስትር?
  • በጣም ነው ያዘንኩት፡፡
  • ምነው ክቡር ሚኒስትር?
  • ለመሆኑ መቼ ነው የምትሻሻሉት?
  • አልገባኝም?
  • አንዳንዴ የአገሪቱን ፖለቲካ በቅጡ የምትረዱት አይመስለኝም፡፡
  • እንዲህ ማለት አይችሉም ክቡር ሚኒስትር፡፡
  • ለምን አልልም?
  • እኔ እኮ በፖለቲካ ነው ጥርሴን የነቀልኩት፡፡
  • አሁን የቀረውን ጥርሳችሁንም ፖለቲካው እንዲነቅለው ነው የምትፈልጉት?
  • ተመልሳችሁ አምባገነን የመሆን ሐሳብ አላችሁ እንዴ ክቡር ሚኒስትር?
  • ለምን ጠየቅከኝ?
  • የቀረችውን ጥርሳችሁን ፖለቲካው ይነቅልላችኋል ሲሉኝ ድጋሚ ልታስሩን ነው ወይ ብዬ ነዋ?
  • እናንተማ እሱን የምትፈልጉት ይመስለኛል፡፡
  • ለምን እንፈልገዋለን?
  • አሁን አጀንዳችሁን ተነጥቃችኋላ?
  • እኛ መቼ አጀንዳ ጠፍቶብን ያውቃል?
  • ዓየናችሁ እኮ፡፡
  • እንዴት ክቡር ሚኒስትር?
  • አገሪቱ በምን ዓይነት ሪፎርም እየሄደች እንዳለች እንኳን ማመን አትፈልጉም፡፡
  • እሱ ያጠያይቃል ክቡር ሚኒስትር፡፡
  • ነገርኩህ እኮ፡፡
  • ምኑን?
  • እናንተ የተካናችሁበት ሥራ አንድና አንድ ነው፡፡
  • ምንድነው?
  • ማጠልሸት፡፡
  • እንደዚያ አይበሉ ክቡር ሚኒስትር?
  • በዚያ ላይ ደግሞ የእርስ በርሳችሁ መናናቅ ያሳፍራል፡፡
  • ክቡር ሚኒስትር ሲኒየሩም አዲስ መጪውም እኩል ነው እያሉ ነው?
  • ቢያንስ በአገራዊ አጀንዳዎች ላይ መስማማት ያስፈልጋል እኮ?
  • እሱማ ልክ ነው፡፡
  • ሕዝቡ እኮ ከእናንተ ብዙ ነው የሚጠብቀው፡፡
  • ምንድነው የሚጠብቀው?
  • በቅርቡ ምርጫ እንደሚደረግ ረሳኸው?
  • ምርጫውንም ቢሆን ጥርሳችንን የነቀልንበት ነው፡፡
  • እንደተረዳሁት ግን እናንተም ውስጥ ሪፎርም መኖር አለበት፡፡
  • የምን ሪፎርም?
  • ሥልጣን መፈለግ ያለባችሁ ሕዝቡን ለማገልገል መሆን አለበት፡፡
  • እ…
  • እናንተን ግን ሳያችሁ ነጋዴዎች ናችሁ፡፡
  • ክቡር ሚኒስትር በሕይወቴ የምጠላው ንግድና ነጋዴ ነው፡፡
  • የሚያሳዝነው ግን እናንተም ነጋዴዎች ናችሁ፡፡
  • የምን ነጋዴ?
  • የፖለቲካ!

[ክቡር ሚኒስትሩ ከሚስታቸው ጋር ቤት ተገናኝተው እያወሩ ነው]    

  • ከቢሮ ስመጣ አንድ ነገር እያሰላሰልኩ ነበር፡፡
  • ምን?
  • አገሪቱ ውስጥ ያለውን ሪፎርም መቼም እየተከታተልሽው ነው?
  • ምነው?
  • ይኼን ሪፎርም እኛም ቤት ውስጥ አስገብተነው ሪኖቬሽን ማከናወን አለብን፡፡
  • ምንድነው የምታወራው?
  • ቤታችንን ማደስ አለብን፡፡
  • በጣም ቅርብ ጊዜ ነው እኮ ያስመረቅነው?
  • አዎን ግን እድሳት ማድረግ እንዳለብን ተሰምቶኛል፡፡
  • ምን ዓይነት እድሳት?
  • ቤዝመንቱ መጋዘን መሆን የለበትም፡፡
  • የተሠራው ለዚያ ነበር እኮ?
  • አዎ ቢሆንም ቤዝመንቱ ውስጥ መዋኛ ማሠራት አለብን፡፡
  • እ…
  • ከዚያም ውጪ አሪፍ አሪፍ ክፍሎችን መገንባት አለብን፡፡
  • ኧረ ሰውዬ ተው?
  • ከመንግሥት የተሰጠውን አቅጣጫ ተከትዬ እኮ ነው እድሳት ለማድረግ የፈለግኩት፡፡
  • ምንድነው የምታወራው?
  • የእኔ ስም ከብዙ ወንጀል ጋር እንደሚነሳ ታውቂያለሽ አይደል?
  • ታዲያ ለምን አርፈህ አትቀመጥም?
  • አየሽ መጨረሻዬ እስር ቤት ሊሆን ይችላል፡፡
  • እና ምን ይጠበስ?
  • ስለዚህ እኔ መንግሥት እየቀለበ እንዲያስረኝ አልፈልግም፡፡
  • ምን እያልክ ነው?
  • ወደፊት መታሰሬ የማይቀር ከሆነ ከአሁኑ ነው መገንባት ያለብኝ፡፡
  • ምንድነው የምትገነባው?
  • የግል እስር ቤት!

 

በብዛት የተነበቡ ፅሁፎች

- Advertisment -

ትኩስ ፅሁፎች

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...
spot_img

ተዛማጅ ፅሁፎች

[የክቡር ሚኒስትሩ ባለቤት ሐዘን ለመድረስ ጎረቤት ተገኝተው ለቀስተኛው በሙሉ የሚያወራው ነገር አልገባ ብሏቸው ወደ ቤታቸው ከተመለሱ በኋላ ባለቤታቸውን ስለጉዳዩ እየጠየቁ ነው] 

ጎረቤታችን ሐዘን ለመድረስ ብሄድ ለቀስተኛው በሙሉ በሹክሹክታ ያወራል። ግን የሚያወሩት ነገር ሊገባኝ አልቻለም። ምንድነው የሚያወሩት? እኔ ምን አውቄ? እንዴት? የሚያወሩትን ምንም አልተሰማሽም? እኔ እንድሰማ የፈለጉ አይመስልም ግን ... ግን...

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...