Thursday, June 20, 2024
- Advertisement -
- Advertisement -

ማኅበራዊበግማሽ ዓመት ከ8,700 በላይ ሰዎች በተሽከርካሪ አደጋ የሞትና የአካል ጉዳት ሰለባ ሆነዋል

በግማሽ ዓመት ከ8,700 በላይ ሰዎች በተሽከርካሪ አደጋ የሞትና የአካል ጉዳት ሰለባ ሆነዋል

ቀን:

ገጭተው ያመለጡ ከ300 በላይ አሽከርካሪዎች አልተያዙም

በስድስት ወራት ውስጥ በደረሱ የተሽከርካሪ አደጋዎች ሳቢያ 8,764 ሰዎች ለሞት፣ ለከባድና ቀላል የአካል ጉዳት መዳረጋቸውን ያስታወቀው የመድን ፈንድ አስተዳደር ኤጀንሲ፣ በተለይ ገጭተው በሚያመልጡ አሽከርካሪዎች ሳቢያ የሚደርሰው ጉዳት አሳሳቢ እየሆነ መምጣቱን አስታወቀ፡፡

ከኤጀንሲው የተገኘው መረጃ እንደሚገልጸው፣ በስድስት ወራት ውስጥ በደረሱት አደጋዎች ሳቢያ ለሞትና ለአካል ጉዳት ከተዳረጉት ባሻገር፣ 18 በሞት ለተለዩና አሥር ቋሚ የአካል ጉዳት ለደረሰባቸው ተጎጂዎች ካሳ ተክፍሏል፡፡

- Advertisement -

በግማሽ ዓመቱ ከደረሱት አደጋዎች ውስጥ በተለይ ገጭቶ በማምለጥ የሚሰወሩ አሽከርካሪዎች መበራከታቸውን ለሪፖርተር የገለጹት፣ በመድን ፈንድ አስተዳደር ኤጀንሲ የኮሙዩኒኬሽን ዳይሬክተሩ አቶ ጌታቸው ዓለማየሁ ናቸው፡፡

እንደ አቶ ዓለማየሁ ገለጻ፣ ኤጀንሲው ሥራ ከጀመረ ጀምሮ ላለፉት ሰባት ዓመታት በርካታ በገጭቶ ማምለጥ ተከሰው ከሚፈለጉ አሽከርካሪዎች አንዳቸውም ተይዘው ለሕግ ሊቀርቡ አልቻሉም፡፡

እስካሁንም ከ300 በላይ አሽከርካሪዎች አደጋ አድረሰው በማምለጥ ወንጀል እንደሚፈለጉ ለሚመለከታቸው አካላት ቢቀርብም፣ አንዳቸውም ሊያዙ አልቻሉም ብለዋል፡፡ እንደ ኤጀንሲው ገለጻ አስገራሚው ደግሞ አብዛኞቹ ገጭተው የሚያመልጡ አሽከርካሪዎች በአዲስ አበባና ዙሪያዋ ሲንቀሳቀሱ የነበሩ መሆናቸው ነው፡፡ የአገሪቱ 70 በመቶ ተሽከርካሪዎች የትራፊክ ፍሰት በሚስተናገድባት አዲስ አበባ፣ እንዲህ ያለው አስከፊ ወንጀል በየጊዜው መበራከቱ አሳሳቢ እንዳደረገው አቶ ጌታቸው ገልጸዋል፡፡

ኤጀንሲው በመኪና አደጋ ሳቢያ የሞት ሰለባ ለሆኑና ቋሚ የአካል ጉዳት ለደረሰባቸው ተጎጂዎችና ቤሰቦቻቸው ማኅበራዊና ኢኮኖሚያዊ ችግሮችን ለማገዝ የጉዳት ካሳ እየከፈለ እንደሚገኝ ያብራሩት አቶ ጌታቸው፣ በዚህም በሞት ለተለዩ 765 ሰዎችና፣ የአካል ጉዳት ለደረሰባቸው 562 ሰዎች በአጠቃላይ ከ26.2 ሚሊዮን ብር በላይ ለካሳ ክፍያ አውሏል ብለዋል፡፡ አብዛኛውን ክፍያ ኤጀንሲው ሲፈጽም፣ በሦስተኛ ወገን የመድን ሽፋን በኩልም የመድን ኩባንያዎች ለተጎጂዎች ክፍያ እየፈጸሙ እንደሚገኙም ገልጸዋል፡፡

በመሆኑም የሦስተኛ ወገን መድን ሽፋን ባላቸው ተሽከርካሪዎች ለሞት የተዳረጉ 737 ሰዎችና ቋሚ የአካል ጉዳት ለደረሰባቸው 552 ተጎጂዎች የኢንሹራንስ ኩባንያዎች በግማሽ ዓመቱ ክፍያ መፈጸማቸው ታውቋል፡፡ ከዚህ በተጨማሪ በንብረት ላይ ለደረሱ 7,422 አደጋዎችም የኢንሹራንስ ኩባንያዎች 152 ሚሊዮን ብር ገደማ ካሳ መክፈላቸውን ኤጀንሲው ገልጿል፡፡

የመድን ፈንድ አስተዳደር ኤጀንሲ የተሽከርካሪ አደጋ የደረሰባቸው ዜጎች ያለ ምንም ቅድመ ሁኔታ አስቸኳይ ሕክምና በነፃ እንዲያገኙ የሚያስተባብር ሲሆን፣ ባልታወቁና የሦስተኛ ወገን መድን ሽፋን በሌላቸው ተሽከርካሪዎች ጉዳት ለሚደርስባቸውም ተገቢውን ካሳ (ለሞትና ለቋሚ ጉዳት እስከ 40 ሺሕ ብር ይከፍላል) በመክፈል፣ አደጋ አድራሾቹንም በሕግ ቁጥጥር ሥር በሚውሉበት ወቅት የፍትሐ ብሔር ክስ በመመሥረት ወጪውን የሚያስልስ ተቋም ነው፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...