Thursday, February 2, 2023
- Advertisement -
- Advertisement -
ዜና‹‹ሁሉንም ነገር በዜሮ ማባዛትና አፍርሶ የመገንባት አባዜ አገራችንን ወደኋላ ሲጎትት እንጂ ወደፊት...

‹‹ሁሉንም ነገር በዜሮ ማባዛትና አፍርሶ የመገንባት አባዜ አገራችንን ወደኋላ ሲጎትት እንጂ ወደፊት ሲያራምድ አላየንም››

ቀን:

ጠቅላይ ሚኒስትር ዓብይ አህመድ (ዶ/ር)፣ የጦር ኃይሎች ጠቅላይ አዛዥ

ሐሙስ የካቲት 7 ቀን 2011 ዓ.ም. በአዳማ ከተማ የአገር መከላከያ ሠራዊት ቀን ለሰባተኛ ጊዜ ሲከበር በሥነ ሥርዓቱ ላይ ተገኝተው ንግግር ያደረጉት የጦር ኃይሎች ጠቅላይ አዛዥ ጠቅላይ ሚኒስትር ዓብይ አህመድ (ዶ/ር)፣ የአገር መከላከያ ሠራዊት ባለፈው አንድ ዓመት ገደማ ከፍተኛ ለውጥ የተካሄደበት ተቋም መሆኑን አስታውቀዋል፡፡ ከዚህ ቀደም በነበሩበት ውስንነት ምክንያት ውስጣዊ አሠራሩ ግልጽነት ይጎደለው እንደነበር አስታውሰው፣ አሁን ግን በለውጡ አማካይነት እንደገና እየተደራጀ የሚገኝ ተቋም ነው ብለዋል፡፡ በተለይ ለሁሉም የፖለቲካ ፓርቲዎች ባስተላለፉት መልዕክት፣ ‹‹የአገሪቱን ሉዓላዊነት እያስጠበቀ ያለው የአገር መከላከያ ሠራዊት፣ ነገ የሕዝብ ፈቃድ ሆኖ ሥልጣን ብትይዙ ተረክባችሁ የምታስቀጥሉት ተቋም እየሆነ ነው፤›› ብለው፣ በሁሉም ዘርፎች በተለይ ደግሞ በአገር መከላከያ ሠራዊት ላይ የሚደረገው የጅምላ ፍረጃ ለዛሬም ሆነ ለነገ አገራዊ ጉዳይ የሚጨምረው ነገር የለም ሲሉ አስረድተዋል፡፡ ‹‹ይህንን መጥፎ አባዜ አሽቀንጥረን የምንጥልበት ጊዜ መሆኑን መገንዘብ አለብን፡፡ ሁሉንም ነገር በዜሮ ማባዛትና አፍርሶ የመገንባት አባዜ አገራችንን ወደኋላ ሲጎትት እንጂ ወደፊት ሲያራምድ አላየንም፤›› ብለዋል፡፡ ‹‹ይልቁንም የያዝነውን ለማሳደግ እየጨመርን ስንሄድና ያለው ላይ ማስተካከያዎች ስናደርግ፣ በጊዜ ሒደት የተሟላና ሁሉንም ያማከለ ሥርዓት በአገራችን መትከል እንችላለን፡፡ ይህ እንዲሆን ጥፋት ሲታይ እንኳ በባለቤትነት ስሜት መቆምና እንዲታረም መወትወት እንጂ፣ ተቋሙን ማጠልሸት የወታደሩን የማድረግ አቅም ዋነኛ ምሰሶ የሆነውን ሞራል ይሸረሽራል፡፡ በመሆኑም በአገር አለኝታና ኩራት ተቋም ላይ የጅምላ ሒስ አፍራሽ በመሆኑ፣ በአንክሮ ልንመለከተውና ልናሻሽለው ይገባል፤›› ሲሉ አስገንዝበዋል፡፡ በሥነ ሥርዓቱ ላይ የአገር መከላከያ ሠራዊት ከፍተኛ መኮንኖች፣ የቀድሞ የደርግ ሥርዓት ከፍተኛ መኮንኖችና በኢሕአዴግ ጊዜ ያገለገሉ ከፍተኛ መኮንኖች የተገኙ ሲሆን፣ በምሥሉ ላይ ጠቅላይ ሚኒስትሩ ከቀድሞው ጠቅላይ ኤታ ማዦር ጄኔራል ሳሞራ የኑስ ጋር ይታያሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ማስተካከያ

በሪፖርተር ጋዜጣ ረቡዕ ጥር 24 ቀን 2015 ዓ.ም. ዕትም...

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...