Tuesday, October 4, 2022
ሌሎች ዓምዶች
    - Advertisement -
    - Advertisement -
    ዜናዘመን ባንክ በከሰረው ሆላንድ ካር ላይ በመሠረተው የ20 ሚሊዮን ብር ክርክር ተሸነፈ

    ዘመን ባንክ በከሰረው ሆላንድ ካር ላይ በመሠረተው የ20 ሚሊዮን ብር ክርክር ተሸነፈ

    ቀን:

    ዘመን ባንክ አክሲዮን ማኅበር ከስድስት ዓመታት በፊት በኪሳራ ከተዘጋው ሆላንድ ካር ጋር ሲያደርግ የነበረውን የ20.2 ሚሊዮን ብር ክፍያ ክርክር ተሸነፈ፡፡

    ባንኩ የከሰረውን ሆላንድ ካር ኃላፊነቱ የተወሰነ የግል ማኅበር የከሰሰው፣ መክሰሩ በመገናኛ ብዙኃን ከተነገረ በኋላ ከውጭ አገር ያስመጣቸውና በጂቡቲ ወደብ ተከማችተው የነበሩ ንብረቶችን የጉምሩክ ሥነ ሥርዓቶችን በሟሟላትና በማጓጓዝ ሞጆ ደረቅ ወደብ ድረስ ማምጣቱን በመጠቆም፣ ለማጓጓዣ ያወጣውን 10,567,224 ብር እና ካጓጓዘበት ጊዜ ጀምሮ 16 በመቶ ወለድ የሚታሰብ 9,639,225 ብር በአጠቃላይ 20,206,444 ብር እንዲከፈለው ነበር፡፡

    የከሰረው ሆላንድ ካር ኃላፊነቱ የተወሰነ የግል ማኅበር በተሾመለት ንብረት ጠባቂ በኩል ባቀረበው መከራከሪያ ሐሳብ ዘመን ባንክ ወጪ ያደረገውን ገንዘብና ወለድ የሚያሳይ ማስረጃ ያቀረበ ቢሆንም፣ ስለንብረቱ መመለስ የሚያውቀው ነገር እንደሌለ ገልጿል፡፡ ከውጭ አስመጣሁ ያለውን ንብረት ለማን እንዳስረከበና ንብረቱ በማን ጥበቃ ሥር እንዳለ ሳይታወቅ፣ ወጪው እንዲሸፍን መጠየቁ ተገቢ አለመሆኑን ለፍርድ ቤቱ አስረድቷል፡፡

    ሆላንድ ካር ዕዳ መክፈል ያሳወቀው የመክሰር ፍርድ ከመስጠቱ ከጥር 7 ቀን 2003 ዓ.ም. ጀምሮ መሆኑን ጠቁሞ፣ ሰኔ 17 ቀን 2006 ዓ.ም. የኪሳራ ውሳኔ ማሰጠቱን ተከትሎ ዘመን ባንክ ውሳኔውን አለማሻሩን አለማድረጉንም ንብረት ጠባቂው አስረድቷል፡፡

    ዘመን ባንክ የሆላንድ ካር ንብረት የሆነው የተሽከርካሪ መገጣጠሚያ አካላት ከጂቡቲ ወደ ኢትዮጵያ ማስገባቱን ከመግለጽ ባለፈ፣ ያቀረበው ማስረጃ እንደሌለም ገልጿል፡፡ በመሆኑም የዘመን ባንክ ጥያቄ ውድቅ እንዲደረግለት ጠይቋል፡፡

    ፍርድ ቤቱም የግራ ቀኙን በችሎት ማከራከሩን ጠቁሞ፣ ዘመን ባንክ በከሰረው ሆላንድ ካር ላይ ያቀረበው ክስና የጠየቀው ዳኝነት በማስረጃ ያልተደገፈ በመሆኑ፣ እንዲከፈለው እንዲታዘዝለት ያቀረበው ጥያቄ ተቀባይነት እንደሌለው ገልጿል፡፡ ምክንያቱ ደግሞ ያቀረበው ጥያቄ የሕግና የማስረጃ ድጋፍ የሌለው መሆኑን የፌዴራል የመጀመርያ ደረጃ ፍርድ ቤት ውሳኔ ያስረዳል፡፡      

    - Advertisement -

    ይመዝገቡ

    spot_img
    spot_img