Wednesday, February 28, 2024
- Advertisement -
- Advertisement -
ስፖርትእግር ኳስ ፌዴሬሽን ከዋሊያ ቢራ ጋር አዲስ የስፖንሰርሺፕ ስምምነት ተፈራረመ

እግር ኳስ ፌዴሬሽን ከዋሊያ ቢራ ጋር አዲስ የስፖንሰርሺፕ ስምምነት ተፈራረመ

ቀን:

በኢትዮጵያ በስፖንሰርሺፕ የገበያ ድርሻ ካላቸው ተቋማት ውስጥ ቢራ በመጥመቅና በመሸጥ ላይ የሚገኙ ተቋሞች የጎላ ሚና ሲጫወቱ ቆይተዋል፡፡ ተቋማቱ ‹‹እኔ የተሻልኩ ነኝ›› የሚለውን የፕሮሞሽን ሥራዎቻቸውን ወደ ኅብረተሰቡ የሚያወርዱበት አግባብ ትውልዱን እያበላሸ መሆኑን ከግምት በማስገባት የቢራ ማስታወቂያዎች በተለይም በኤሌክትሮኒክስ መገኛኛ ብዙኃንና ሕዝብ በሚሰበሰብባቸው አደባባዮች ማስታወቂያዎች እንዳይሰቀሉ በአዋጅ መከልከሉ የቅርብ ጊዜ ትውስታ ነው፡፡ ይሁንና የኢትዮጵያ እግር ኳስ ፌዴሬሽን ከዋሊያ ቢራ ጋር አዲስ የስፖንሰርሺፕ ውል ስምምነት አድርጓል፡፡

ረቡዕ መጋቢት 11 ቀን 2011 .. በካፒታል ሆቴል የተከናወነውን የስፖንሰርሺፕ ስምምነት በኢትዮጵያ እግር ኳስ ፌዴሬሽን ፕሬዚዳንቱ አቶ ኢሳያስ ጅራ፣ በዋሊያ ቢራ በኩል ደግሞ የሄንከን ኢትዮጵያ ዋና ሥራ አስኪያጅ ሚስተር ዩጂን ፈርመዋል፡፡ ከሁለቱ ኃላፊዎች በተጨማሪ በሄንከን ኢትዮጵያ የማርኬቲንግና ፕሮሞሽን ኃላፊዎችና በተመሳሳይ በኢትዮጵያ እግር ኳስ ፌዴሬሽን በአቶ አበበ ገላጋይ የሚመራው የማርኬቲንግ ክፍል ባለሙያዎችም በስምምነቱ ተገኝተዋል፡፡

ስምምነቱን አስመልክቶ አቶ ኢሳያስ ጅራ፣ ‹‹ዋሊያ ቢራ የኢትዮጵያን እግር ኳስ ለመደገፍ የቆረጠ ብቸኛው አጋር ነው፤›› ብለው ምክንያቱን ሲያብራሩ ደግሞ፣ ‹‹ስምምነቱ ዋሊያ ቢራ ከዚህ ቀደም የሚያገኘውን ጥቅም የሚያሳጣው ቢሆንም፣ ካምፓኒው እግር ኳሳችንን ለመደገፍ ካለው ፅኑ እምነት በመነሳት የወሰነው ነው፤›› ብለዋል፡፡ 

- Advertisement -

Video from Enat Bank Youtube Channel.

በኢትዮጵያ እግር ኳስና የዋሊያ ቢራ አክሲዮን ማኅበር መካከል የተደረገው የብቸኛ የስፖንሰርሺፕ ስምምነት፣ በዋናነት የቢራ ምርትን አስመልክቶ የወጣውን አዋጅ መሠረት አድርጎ ለመሥራት ሲሆን፣ በዚህ አጋጣሚም ኩባንያው ማግኘት የሚገባውን ጥቅም እንዲያስጠብቅ ተደርጎ መዘጋጀቱንም ጭምር አቶ ኢሳያስ ተናግረዋል፡፡

ለሦስት ዓመታት የሚቆየው የውል ስምምነት ከዚህ በፊት ከነበረው የወንዶቹ ዋናውን ቡድን አጋርነት በተጨማሪ በአዲሱ ስምምነት የሴቶቹን ብሔራዊ ቡድን የሚያካትት ሆኗል፡፡ ሁለቱ ብሔራዊ ቡድኖች የዋሊያን ምርት የሚያስተዋውቁት በልምምድ ቦታና ሥፍራ በሚለብሱት ማሊያና ቱታ፣ ቦርሳና ተያያዥ መገልገያዎች እንደሚሆንም ተብራርቷል፡፡ ዋሊያ ቢራ ስለሚያገኛቸው ተጨማሪ ጥቅማ ጥቅሞችን አስመልክቶ አቶ ኢሳያስ፣ በቀጣይ የአዋጁ ዝርዝር አፈጻጸም በሚወጣበት ጊዜ እንደሚብራራ ነው ያስረዱት፡፡ 

የገንዘቡ መጠን ከአራት ዓመት በፊት የነበረው 56 ሚሊዮን ብር እንደሚሆንና በየሦስት ወሩ ዋሊያ ቢራ ለኢትዮጵያ ብሔራዊ ቡድኖች 3.5 ሚሊዮን ብር የሚከፍል ይሆናልም ተብሏል፡፡ የሄንከን ኢትዮጵያ ዋና ሥራ አስኪያጅ ሚስተር ዩጂን በበኩላቸው፣ በስምምነቱ ደስተኛ ስለመሆናቸው ነው የተናገሩት፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...