Thursday, December 1, 2022
ሌሎች ዓምዶች
    - ማስታወቂያ -
    - ማስታወቂያ -

    በቅርቡ አደጋ የደረሰበት የቦይንግ አውሮፕላን በአሜሪካ በግዳጅ አረፈ

    - ማስታወቂያ -

    ተዛማጅ ፅሁፎች

    ኢትዮጵያ አየር መንገድ የአፍሪካ የዓመቱ ሻምፒዮን ሽልማት ተቀበለ

    በቅርቡ ኢትዮጵያ ውስጥ አደጋ የደረሰበት የቦይንግ ሥሪት ቦይንግ 737-8 ማክስ አውሮፕላን ማክሰኞ መጋቢት 17 ቀን 2011 ዓ.ም. በአሜሪካ ኦርላንዶ ፍሎሪዳ ተገዶ ማረፉን፣ የአሜሪካን የአቪዬሽን ዘርፍ ተቆጣጣሪ ባለሥልጣን የፌዴራል አቪዬሽን አድሚኒስትሬሽን አስታወቀ፡፡

    የሳውዝዌስት አየር መንገድ ንብረት የሆነው ቦይንግ 737-8 ማክስ አውሮፕላን፣ ከኦርላንዶ ዓለም አቀፍ ኤርፖርት እንደተነሳ ባጋጠመው የሞተር ችግር ሳቢያ ወዲያው ተገዶ ማረፉ ተገልጿል፡፡

    አየር መንገዱ የቦይንግ 737-8 ማክስ አውሮፕላን እንዳይበር በመታገዱ ምክንያት፣ አውሮፕላኖቹን በቪክቶሪያቪል ካሊፎርኒያ ለማስቀመጥ ነበር በረራውን ያካሄደው፡፡ በወቅቱ ከአየር መንገዱ ሠራተኞች ውጪ ተሳፋሪዎችን እንዳልያዘም ታውቋል፡፡

    መጋቢት 1 ቀን 2011 ዓ.ም. አደጋ በደረሰበት የኢትዮጵያ አየር መንገድ የቦይንግ 737-8 ማክስ አውሮፕላን ምክንያት፣ በማክስ አውሮፕላኖች የበረራ ደኅንነት ሥጋት የገባው የዓለም የአቪዬሽን ኢንዱስትሪ፣ አውሮፕላኑ ላልተወሰነ ጊዜ ከሥራ ውጪ እንዲሆን ማድረጉ ይታወሳል፡፡

    ከአደጋው በኋላ በትራንስፖርት ሚኒስቴር ሥር የሚገኘው የኢትዮጵያ የአደጋ ምርመራ ቢሮ የመጀመርያ ደረጃ ሪፖርት በዚህ ሳምንት ይፋ ይደረጋል ተብሎ ይጠበቃል፡፡ የአደጋ ምርመራ ቢሮው ከኢቲ 302 የመረጃ ሳጥን በተገኘው መረጃ ላይ ዓለም አቀፍ የሲቪል አቪዬሽን ድርጅት መሥፈርት መሠረት የትንተና ሥራ በማከናወን ላይ እንደሆነ ታውቋል፡፡ ከአደጋው በኋላ ቦይንግ ከ40 ቢሊዮን ዶላር በላይ የገበያ ኪሳራ ገጥሞታል፡፡

    ይህ በእንዲህ እንዳለ የኢትዮጵያ አየር መንገድ ሰሞኑን በሩዋንዳ በኪጋሊ በተካሄደው የአፍሪካ ዋና ሥራ አስፈጻሚዎች ፎረም ላይ የአፍሪካ የዓመቱ ሻምፒዮን ሽልማት ተቀብሏል፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች