Saturday, July 13, 2024
- Advertisement -
- Advertisement -
ዜናበእነ አቶ በረከት ስምዖን የዋስትና ጥያቄ ላይ ተቃውሞ ቀረበ

በእነ አቶ በረከት ስምዖን የዋስትና ጥያቄ ላይ ተቃውሞ ቀረበ

ቀን:

‹‹የተጠረጠርንበት ጉዳይ ከተዘጋ በኋላ ማን ለምን እንዳሰረን አናውቅም››

አቶ በረከት ስምዖንና አቶ ታደሰ ካሳ

ከጥረት ኮርፖሬት ኩባንያዎች ጋር በተያያዘ በከባድ የሙስና ወንጀል ተጠርጥረው በእስር ላይ የሚገኙት አቶ በረከት ስምዖንና አቶ ከበደ ካሳ፣ የዋስትና መብታቸውን ለማስከበር ጥያቄ ማቅረብ እንደሚችሉ ፍርድ ቤት ነግሯቸው እየተዘጋጁ ቢሆንም፣ የክልሉ የሥነ ምግባርና ፀረ ሙስና ኮሚሽን ዓቃቤ ሕግ የመቃወሚያ አቤቱታ አቅርቦባቸዋል፡፡

የኮሚሽኑ ዓቃቤ ሕግ ማክሰኞ መጋቢት 24 ቀን 2011 ዓ.ም. በተጠርጣሪዎች ላይ ሲደረግ የነበረውን የምርመራ መዝገብ ለዘጋው የባህር ዳርና አካባቢው ከፍተኛ ፍርድ ቤት ባቀረበው የዋስትና መቃወሚያ እንደገለጸው፣ ሁለቱ ተጠርጣሪዎች የሚከሰሱበት የሕግ አንቀጽ የፀረ ሙስና አዋጅ ቁጥር 881 አንቀጽ 13 (3) ነው፡፡ ይኼ ድንጋጌ ደግሞ ከአሥር ዓመታት እስከ 25 ዓመታት ሊያስቀጣቸው የሚችል ድንጋጌ መሆኑንም አክሏል፡፡ በሙስና ወንጀል የተጠረጠሩና ከአሥር ዓመታት በላይ በሚያስቀጣ ወንጀል የተከሰሰ ሰው ደግሞ ዋስትና ስለሚከለከል፣ እነ አቶ በረከት ያቀረቡት የዋስትና ጥያቄ ውድቅ እንዲደረግ ፍርድ ቤቱን ጠይቋል፡፡

ተጠርጣሪዎቹ አቶ በረከትና አቶ ታደሰ ባቀረቡት የመቃወሚያ ክርክር እንደተናገሩት፣ እነሱ ነፃ ሰዎች ናቸው፡፡ ክስም የለባቸውም፡፡ ከሳሽም የለም፡፡ የተጠረጠሩበት ጉዳይና ሲደረግባቸው የከረመው የምርመራ መዝገብ ተዘግቷል፡፡ ለምን ፍርድ ቤት እንደቀረቡ እንደማያውቁ፣ ክስ ሳይመሠረትባቸው በተዘጋ መዝገብ በምንና በየትኛው የሕግ አግባብ እንደታሰሩ እንደማያውቁ ለፍርድ ቤቱ አስረድተዋል፡፡

የግራ ቀኙን ክርክር የሰማው የባህር ዳርና አካባቢው ፍርድ ቤትም፣ የክርክሩን ሐሳብ ከተገቢው የሕግ አግባብ ጋር መርምሮ ለመወሰን ለሐሙስ መጋቢት 26 ቀን 2011 ዓ.ም. ቀጠሮ ሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የሰብዓዊ መብት ጉዳይና የመንግሥት አቋም

ሰኔ ወር አጋማሽ የተባበሩት መንግሥታት ድርጅት (ተመድ) ከፍተኛ የሰብዓዊ...

ከሰሜኑ ጦርነት አገግሞ በሁለት እግሩ ለመቆምና ወደ ባንክነት ለመሸጋገር የተለመው ደደቢት ማክሮ ፋይናንስ

በኢትዮጵያ የፋይናንስ ኢንዱስትሪ ውስጥ በቀዳሚነት ስማቸው ከሚጠቀሱት ውስጥ ደደቢት...