Friday, July 19, 2024
- Advertisement -
- Advertisement -
ዜናበስብሰባ አዳራሾችና በተቋማት ላይ ሊደርስ የነበረ የሽብር ጥቃት በቁጥጥር ሥር መዋሉን ጠቅላይ...

በስብሰባ አዳራሾችና በተቋማት ላይ ሊደርስ የነበረ የሽብር ጥቃት በቁጥጥር ሥር መዋሉን ጠቅላይ ዓቃቤ ሕግ አስታወቀ

ቀን:

በዓለም ላይ በሽብርተኝነት ከተፈረጁ አሸባሪ ድርጅቶች ጋር በመቀናጀት፣ በኢትዮጵያ ውስጥ በስብሰባ አዳራሾችና ተቋማት ላይ ሊፈጸም የነበረ የሽብር ጥቃት በቁጥጥር ሥር ማዋሉን ጠቅላይ ዓቃቤ ሕግ አስታወቀ፡፡

የሽብር ጥቃቱ ሊፈጸም የነበረው ባለፉት ሁለት ሳምንታት ውስጥ መሆኑን፣ ድርጊቱም ከሽፎ የአሸባሪ ቡድኑ በቁጥጥር ሥር ሊውል የቻለው በብሔራዊ መረጃና ደኅንነት አገልግሎት መሆኑን፣ የፌዴራል ጠቅላይ ዓቃቤ ሕግ አቶ ብርሃኑ ፀጋዬ አስታውቀዋል፡፡

አቶ ብርሃኑ እንደገለጹት፣ ባለፉት ሁለት ሳምንታት ውስጥ በአገሪቱ ውስጥ ከፍተኛ የሽብር ጥቃት ሊፈጸም ነበር፡፡ የሽብር ቡድኑ ከውጭ አሸባሪ ድርጅቶች ጋር በመሆን የተሰጠውን ተልዕኮ ለመፈጸም ቦታ መምረጡን፣ የተመረጡ ቦታዎችን ፎቶ በማንሳትና የሽብር ተግባሩ የሚፈጸምበትን ሥልት በመቀየስ ላይ እንደነበር አስረድተዋል፡፡

ቡድኑ የተለያዩ መታወቂያዎችን፣ የውጭ አገር ፖስፖርቶችንና የተለያዩ መጠቀሚያ መሣሪያዎችን በማዘጋጀት ጥቃቱን ለመፈጸም በዝግጅት ላይ እያለ የአገሪቱ የደኅንነት ተቋም ሠራተኞች በቁጥጥር ሥር እንዳዋሉት ገልጸዋል፡፡

ወንጀሉ ዓለም አቀፍ ይዘት ያለው በመሆኑ ተጨማሪ ምርመራ እንደሚያስፈልገው የተናገሩት ዋና ዓቃቤ ሕጉ፣ ምርመራው ሲጠናቀቅ በግልጽ ይፋ እንደሚደረግ አስረድተዋል፡፡

የሽብር ወንጀሉ ቢፈጸም ኖሮ በአገሪቱ ላይ ሊደርስ የሚችለውን ጉዳት አሁን መገመት እንደማይቻል ተናግረው፣ ሽብር የሚፈጸምባቸው ቦታዎች በፎቶ የተደገፉ፣ የተለያዩ የስብሰባ አዳራሾችና የተለያዩ ማዕከሎች ከመሆናቸው አንፃር ጉዳቱ ከፍተኛ ይሆን እንደነበር ግምታቸውን ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አቶ ሰብስብ አባፊራ የኢትዮጵያ ንግድና ዘርፍ ማኅበራት ምክር ቤት ፕሬዝዳንት ሆነው ተመረጡ

ከአዋጅና መመሪያ ውጪ ለዓመታት ሳይካሄድ የቆየው የኢትዮጵያ ንግድና ዘርፍ...

ቀጣናዊ ገጽታ የያዘው የኢትዮ ሶማሊያ ውዝግብ

ከአሥር ቀናት ቀደም ብሎ በተካሄደው የፓርላማ 36ኛ መደበኛ ስብሰባ፣...

የኢንሹራንስ ኩባንያዎች በዓረቦንና የጉዳት ካሳ ክፍያዎች ላይ ተጨማሪ እሴት ታክስ መጣሉን ተቃወሙ

በአዲሱ ተጨማሪ እሴት ታክስ አዋጅ ውስጥ የኢንሹራንስ ከባንያዎች ለሚሰበስቡት...