Monday, May 20, 2024
- Advertisement -
- Advertisement -

ማኅበራዊ በጊቤ ፓርክ የጉማሬዎች ሞት መንስዔ እየተጣራ ነው

 በጊቤ ፓርክ የጉማሬዎች ሞት መንስዔ እየተጣራ ነው

ቀን:

ሰሞኑን በደቡባዊ ምዕራብ ኢትዮጵያ በጊቤ ሸለቆ ብሔራዊ ፓርክ፣ የሞት አደጋ የደረሰባቸው ባብዛኛው በውኃ ውስጥ የሚኖሩት ጉማሬዎች አሟሟትን የሚመረምር የባለሙያዎች ቡድን ወደ ሥፍራው ማቅናቱን፣ የኢትዮጵያ ዱር እንስሳት ልማት ጥበቃ ባለሥልጣን አስታወቀ፡፡

የባለሥልጣኑ የሕዝብ ግንኙነት ባለሙያ አቶ ሰሎሞን ወርቁ ለሪፖርተር እንደገለጹት፣ በፓርኩ ውስጥ ከሚያዝያ 6 ቀን 2011 ዓ.ም. ጀምሮ በአንድ ሳምንት ውስጥ 28 ጉማሬዎች ሞተው ተገኝተዋል፡፡

ጉማሬዎች ምግባቸው የሚመገቡት ሌሊት ከወንዝ ወጥተው በየመስኩ በመንቀሳቀስ ሲሆን፣ የሞት አደጋው የደረሰው ምናልባት ተመርዘው ሊሆን እንደሚችል ጥርጣሬ እንዳለ ጠቁመዋል፡፡

- Advertisement -

የጉማሬዎቹን ሞት መንስዔ ለማጣራት ከባለሥልጣኑ፣ ከብሔራዊ የእንስሳት ምርምር ማዕከልና ከፖሊስ የተውጣጡ ባለሙያዎች በሥፍራው ይገኛሉ፡፡ የላቦራቶሪ ባለሙያዎች ከወሰዱት ናሙና በሚደረገው ምርመራ መንስዔው ሊታወቅ ይችላል ተብሏል፡፡

በፓርኩ በሚገኙ ሌሎች እንስሳትና አዕዋፋት የተከሰተ ችግር እንደሌለም አቶ ሰለሞን ገልጸዋል፡፡

ምግቡን ለማግኘት ምሽት ላይ ከውኃ የሚወጣው ጉማሬ ቀኑን ሙሉ የሚያሳልፈው በከፊል ወይም ሙሉ በሙሉ በውኃ ተሸፍኖ ነው፡፡ እስከ ሦስት ቶን የሚመዝን ሲሆን፣ በአንድ ምሽትም እስከ 40 ኪሎ ግራም ድረስ እንደሚመገብ፣ የሚመደበውም ከቅጠላ ቅጠል በሊታዎች እንደሆነ መረጃዎች ይጠቁማሉ፡፡

ከአዲስ አበባ በጅማ መንገድ 178 ኪሎ ሜትር ርቀት ላይ የሚገኘውና የጊቤ ሸለቆ ብሔራዊ ፓርክ በ2003 ዓ.ም. የተመሠረተ ሲሆን፣ 200 ጉማሬዎች በአካባቢው እንደሚኖሩ ይገመታል፡፡ የተለያዩ የዱር እንስሳትም ይገኙበታል፡፡

በጉራጌ ዞን ከዘቢዳር ሰንሰለታማ ተራራ ባሻገር የሚገኘው ጊቤ ሸለቆ ብሔራዊ ፓርክ 36 ሺሕክታር መሬት አካሎ የያዘ ሲሆን፣ በደንና በቁጥቋጦ የተሸፈኑ የተለያዩ የዕፀዋት ዝርያዎች ይገኙበታል፡፡ 17 ዓይነት አጥቢ የዱር እንስሳትም አሉበት፡፡ ከእነዚህም መካከል አምበራይሌ፣ አጋዘን፣ ድኩላ፤ በወንዙ ሸለቆም ጉማሬና አዞ  ይገኛሉ፡፡ ባለ ቀለም የጦጣ ዝርያዎችና ከ200 በላይ የአዕዋፋት ዝርያዎችም በአካባቢው ይታያሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...