Tuesday, April 23, 2024
- Advertisement -
- Advertisement -

ዜናዕጩ ሐኪሞች ወከባ እያጋጠመን ነው አሉ

ዕጩ ሐኪሞች ወከባ እያጋጠመን ነው አሉ

ቀን:

ጠቅላይ ሚኒስትሩ ሊያወያዩዋቸው ቀጠሮ ይዘዋል

የመብት ጥያቄ  ያነሱ ዕጩ ሐኪሞች ድብደባና በፀጥታ አካላትም ወከባ እያጋጠማቸው እንደሆነ ገለጹ፡፡ በአርሲ ዩኒቨርሲቲ የሚገኙ ዕጩ ሐኪሞች ‹‹መብታችን ይከበር›› የሚል ጥያቄ አንግበው ሰላማዊ ሠልፍ በወጡበት ጊዜ ድብደባ እንደደረሰባቸው፣ በጂማ ዩኒቨርሲቲ የሚሠሩ ሁለት ሌሎችም በአስታማሚዎች መደብደባቸውን፣ ድርጊቱን ለመቃወም ሰላማዊ ሠልፍ የውጡም በፀጥታ አካላት መዋከባቸውን ለሪፖርተር አስረድተዋል፡፡

ድብደባ ከደረሰባቸው መካከል ለታካሚዎች ደም በመለገስ የሚታወቅ ወጣት ይገኝበታል ተብሏል፡፡ ከሳምንታት በፊት የተጀመረው የሐኪሞች የመብታችን ይከበር ጥያቄ ተጠናክሮ ቀጥሏል፡፡

- Advertisement -

Video from Enat Bank Youtube Channel.

 በአርሲ፣ በጂማ፣ በመቀሌ፣ በሃሮማያ፣ በቅዱስ ጳውሎስ፣ በጥቁር አንበሳና ሌሎችም በዩኒቨርሲቲ ሆስፒታሎች የሚማሩ ዕጩ ሐኪሞች ንቅናቄውን ተቀላቅለዋል፡፡ በቤተል ቲቺንግ ሆስፒታል፣ በሃያት፣ በሳንቴና በአፍሪካ ሜዲካል ኮሌጆች ከፍለው የሚመሩ የሕክምና ተማሪዎችም ድጋፋቸውን ገልጸዋል፡፡

አያይዘውም በግል ኮሌጆች ሕክምና የተማሩትን ከዚህ በፊት በነበረው አሠራር  መንግሥት ይመድባቸው እንደነበር፣ ነገር ግን በአሁኑ ወቅት አሠራሩ መቀየሩንና ይህም እንዳሳሰባቸው ገልጸዋል፡፡ በአሁኑ ወቅት በግል ኮሌጆች ተምረው የተመረቁ 450 ሥራ ፈተው የተቀመጡ የሕክምና ምሩቆች እንዳሉ እየተነረ ነው፡፡ የሐኪሞች እጥረት በከፍተኛ ደረጃ ባለባት ኢትዮጵያ እስከ ቅርብ ጊዜ ድረስ በሐኪሞችና በሕዝቡ መካከል ያለው ንፅፅር አንድ ሐኪም ለ15 ሺሕ ሰው ነው፡፡

በቀን ያለ እረፍት ለተከታታይ ለ36 ሰዓታት እንደሚሠሩ የሚገልጹት ሐኪሞች፣ አምሽተው ሲሠሩ አበል እንደማይከፈላቸው ገልጸዋል፡፡ በተለይ በጥቁር አንበሳ ሪፈራል ሆስፒታል ተመድበው የሚሠሩ ደግሞ ድጋፍ ሰጪ ሠራተኞች እንኳ እንደማይታዘዟቸው፣ የነርሶችንና የተላላኪዎችን ሥራ ደርበው እንዲሠሩ እንሚገደዱ ሪፖርተር ያነጋገራቸው ሐኪሞች ገልጸዋል፡፡

‹‹የሕዝቡ የጤና ችግር እንዲፈታ፣ የእኛ ሁለንተናዊ መብት እንዲከበር እንፈልጋለን፤›› ሲሉም ተደምጠዋል፡፡ በቂ የሕክምና መሣሪያና የተለያዩ ቁሳቁሶች እጥረት ባለበት ሁኔታ እንዲያገለግሉ መደረጉ ታካሚውን ለእንግልት፣ ዕጩ ሐኪሞችን ደግሞ ለተለያዩ የጤና ችግሮች እየዳረጉ መሆኑንም ገልጸዋል፡፡ ዕጩ ሐኪሞች ያለ በቂ የደኅንነት መጠበቂያ ግብዓት ታማሚዎችን ሲያክሙ ለኤችአይቪ፣ ለሄፒታይተስ፣ ለቲቢና ለመሳሉት በሽታዎች እንደሚጋለጡ ይናገራሉ፡፡

ሐኪሞች እንዲከፍሉ የሚጠበቀው 427,000 ብር የወጪ መጋራት ከአቅም በላይ እንደሆነና ሌላው ችግር መሆኑንም ገልጸዋል፡፡ ‹‹36 ሰዓታት ሠርተን ደከመን ማለት አንችልም፡፡ ትንሽ ዘግየት ካልን እንኳ በእኛ ጊዜ ይኼንን ማድረግ ዓመት ያስደግም ነበር፡፡ እኛ በሥራ ቀን እስከ ማታ ሦስት ሰዓት አንወጣም ነበር፤›› እንደሚባሉ ‹‹ሐኪም›› በተሰኘው በማኅበራዊ ድረ ገጻቸው አስነብበዋል፡፡

 ‹‹ይኼንን ያህል ያለ እረፍት መሥራታችን ለእኛ ብቻ ሳይሆን ለታካሚዎችም ጥሩ አይደለም፤›› በማለት፣ በተረጋጋ አዕምሮ መሥራት ቢችሉ ውጤቱ ያማረ ሊሆን እንደሚችል ገልጸዋል፡፡

‹‹የልጅነት ህልሜን አታጨናግፉት››፣ ‹‹ማኅበራዊና ኢኮኖሚያዊ ፍትሕ እንፈልጋለን››፣ ‹‹ሙያችን ይከበር››፣ ‹‹ጥያቄያችን የደመወዝ ብቻ አይደለም››፣ ‹‹ኢንተርኖች ሰዎች ናቸው ማሽን አይደሉም›› የሚሉ መፈክሮችን ይዘው ሠልፍ ወጥተዋል፡፡ 

ይህ በዚህ እንዳለ ጠቅላይ ሚኒስትር ዓብይ አህመድ (ዶ/ር)፣ ከተለያዩ የአገሪቱ ክፍሎች ከተወከሉ የጤና ባለሙያዎች ጋር ለመወያየት ቀጠሮ ይዘዋል፡፡ የጤና ሚኒስትሩ ዶ/ር አሚር አማን እንዳስታወቁት፣ ውይይቱ ቅዳሜ ሚያዝያ 26 ቀን 2011 ዓ.ም. ይካሄዳል፡፡ በውይይቱ ዕጩ ሐኪሞች ላነሱዋቸው ጥያቄዎች የመፍትሔ ሐሳቦች ሊገኙ እንደሚችሉ ሚኒስትሩ አስረድተዋል፡፡

ከአዘጋጁ፡- ከላይ የቀረበው ዘገባ እሑድ ሚያዝያ 20 ቀን 2011 ዓ.ም. በወጣው ዕትም ርዕሱ ሰፍሮ ዝርዝር ሐተታው በሌላ ዘገባ በመቀየሩ ስህተት ተሠርቷል፡፡ አንባቢያንን ለተፈጠረው ስህተት ይቅርታ እንጠይቃለን፡፡ የዝግጅት ክፍሉ

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...