Wednesday, December 7, 2022
ሌሎች ዓምዶች
    - Advertisement -
    - Advertisement -
    ስፖርትየካፍ የክለብ ፈቃድ አሰጣጥና የኢትዮጵያ ክለቦች ቀጣይ ፈተና

    የካፍ የክለብ ፈቃድ አሰጣጥና የኢትዮጵያ ክለቦች ቀጣይ ፈተና

    ቀን:

    የአፍሪካ እግር ኳስ ኮንፌዴሬሽን (ካፍ) የክለቦች ፈቃድ አሰጣጥን በተመለከተ ሚያዝያ 17 እና 18 ቀን 2011 ዓ.ም. በዑጋንዳ ካምፓላ ለአባል አገሮች የእግር ኳስ ፌዴሬሽኖች የክለብ ላይሰንሲንግ ኃላፊዎችና ውሳኔ ሰጪ አካላት ሥልጠና መስጠቱ ታወቋል፡፡ በኢትዮጵያ በኩል በሥልጠናው የተገኙት በፌዴሬሽኑ የክለብ ላይሰንሲንግ ማናጀር አቶ ተድላ ዳኛቸውና የክለብ ላይሰንሲንግ የመጀመሪያ ውሳኔ ሰጪ አካል ሰብሳቢ አቶ እሱባለው አበጀ መሆናቸው ፌዴሬሽኑ በድረ ገጹ ካሰፈረው መረጃ ለማወቅ ተችሏል፡፡

    የአባል አገሮች ልዑካኖችን በሁለት ምድብ በመክፈል በሁለት የካፍ ፈቃድ አሰጣጥ ኢንስትራክተሮችና በአንድ የካፍ ከፍተኛ የክለብ ላይሰንሲንግ ባለሙያ የፊት ለፊት ውይይት ተደርጓል፡፡ በምድብ ሁለት የተካተተችው ኢትዮጵያ ከክለብ ላይንሲንግ ጋር በተያያዘ የቀረበባት ግምገማ ጠንከር ያለ እንደነበር በመረጃው ተካቷል፡፡ ምናልባትም ይህ የካፍ የአሁኑ ግምገማ ለኢትዮጵያ ክለቦች ቀጣይ ፈተና እንዳይሆን የሚል ሥጋት መጫሩ እየተነገረ ይገኛል፡፡

    በካፍ የክለብ ላይሰንሲንግ ማናጀር የሆኑት ሚስተር አህመድ ሀራዝና ሌሎችም ኢንስትራክተሮች፣ ኢትዮጵያ እስከ ቀጣዩ ሰኔ ድረስ በክለብ ላይሰንሲንግ ላይ የሚታይ ሥራ እስካልሠራች ድረስ ነገሮችን አስቸጋሪ እንደሚያደርግባት መናገራቸው ተሰምቷል፡፡ የኢትዮጵያ እግር ኳስ ፌዴሬሽን በበኩሉ የተከናወኑ ሥራዎችን በዋናነት ለ2019 እና ለ2020 ዕቅዱን ማቅረቡ ታውቋል፡፡ በዚሁ መሠረትም ለሁለት የአፍሪካ እግር ኳስ የክለብ ውድድር ላይ ለሚሳተፉ ክለቦች ፈቃድ መስጠቱ፣ ለአገር ውስጥ ውድድሮች ተሳታፊ ክለቦች ደግሞ በሒደቱ ዙሪያ ለመወያየት ጥሪ በመተላለፉ፣ እስካሁን ምንም ዓይነት ፈቃድ እንዳልተሰጠ ለካፍ አብራርቷል ተብሏል፡፡

    በካፍ የመጀመርያ ውሳኔ ሰጪ የሚባለው አካል በኢትዮጵያ እግር ኳስ ፌዴሬሽን እስካሁን ባለው አካሄድ የተጠሪነቱም ሆነ የኃላፊነቱ መጠን በግልፅ ባይታወቅም፣ ነገር ግን በዑጋንዳ ካምፓላ በነበረው የክለብ ላይሰንሲንግ ሥልጠና ላይ ኢትዮጵያ በጉድለት ከተያዘባት ነጥብ አንዱ እንደነበር ታውቋል፡፡

    በዚህ መነሻነት ሥልጠናውን የሰጡት ኢንስትራክተሮችና ፕሮግራሙን በበላይነት የሚመሩት ሚስተር አህመድ ሀራዝ ማሳሰቢያ ሰጥተዋል፡፡ ኢትዮጵያ በክለብ ላይሰንሲንግ ጠንክራ መሥራት እንደሚጠበቅባት በተደጋጋሚ ቢነገራትም እስካሁን የታየ ነገር ባለመኖሩ፣ በቀጣይ ብዙ ሥራ መሥራት ይኖርባታል፡፡ ከክለብ ፈቃድ አሰጣጥ ጋር ተያይዞ የመጀመሪያ ውሳኔ ሰጪ የሚባለውን ይግባኝ ሰሚ ኮሚቴ በተመለከተም እንደገና ማዋቀር  እንዳለባት ጭምር መመርያ መሰጠቱ ተነግሯል፡፡

    ፌዴሬሽኑ ለዚህ የሚሆን ስትራቴጂክ ዕቅድ በማስቀመጥ በፕሪሚየር ሊጉና በተዋረድ የሚገኙት ከፍተኛ ሊግና ለሌሎችም ብሔራዊ ዲቪዚዮኖች እስከ ሰኔ 23 ቀን 2011 ዓ.ም. ድረስ በተጨባጭ የሚታይ ሥራ ማከናወን እንዳለባትም መነገሩ ተሰምቷል፡፡ በብሔራዊ ፌዴሬሽን የክለብ ላይሰንሲንግ ማኔጀር አቶ ተድላ ዳኛቸው በበኩላቸው፣ እስከ 2012 የውድድር ዘመን በዋናነት 16ቱ የፕሪሚየር ሊግ ክለቦች ሕጋዊ ፈቃድ (ለአገር ውስጥ ውድድሮች) እንዲኖራቸው እንደሚደረግ መናገራቸው በመግለጫው ተካቷል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ሒጂራ ባንክ የ143 ሚሊዮን ብር ኪሳራ አስመዘገበ

    በኢትዮጵያ ሙሉ ለሙሉ ከወለድ ነፃ ባንክ አገልግሎት ለመስጠት ወደ...

    የተቋማት ኃላፊዎች የፓርላማው ቋሚ ኮሚቴ በሚያደርጋቸው ስብሰባዎች ላይ እንዲገኙ ማሳሰቢያ ተሰጠ

    የሕዝብ ተወካዮች ምክር ቤት የመንግሥት ወጪ አስተዳድርና ቁጥጥር ጉዳዮች...

    ኢዜማ በምሥራቅ ወለጋ ዞን የንፁኃን ጭፍጨፋ አሳስቦኛል አለ

    በግጭት ቀጣና ውስጥ ያሉ ዜጎች ራሳቸውን ከጥቃት ለመጠበቅ መታጠቅ...

    ኦሲፒ አፍሪካ ጨዋማ መሬት ለማከም የሚረዳ ምርምር ይፋ አደረገ

    በተለያዩ የአገሪቱ አካባቢዎች ለአርሶ አደሩ የሚሠራጨውን የአፈር ማዳበሪያ በማቅረብ...