Friday, February 23, 2024
- Advertisement -
- Advertisement -
ዜናአዲሱ የዜግነትና የማኅበራዊ ፍትሕ አራማጅ ፓርቲ መሪዎቹንና ሊቃነ መናብርቱን መረጠ

አዲሱ የዜግነትና የማኅበራዊ ፍትሕ አራማጅ ፓርቲ መሪዎቹንና ሊቃነ መናብርቱን መረጠ

ቀን:

በሰባት የፖለቲካ ፓርቲዎችና ታዋቂ ግለሰቦች የተመሠረተው የኢትዮጵያ ዜጎች ለማኅበራዊ ፍትሕ ፓርቲ (ኢዜማ) መሪውንና ምክትል መሪውን፣ እንዲሁም ሊቀመንበርና ምክትል ሊቀመንበሩን ዓርብ ግንቦት 2 ቀን 2011 ዓ.ም. መረጠ፡፡ ፓርቲው የዜግነት ፖለቲካና የማኅበራዊ ፍትሕ አራማጅ መሆኑም ተገልጿል፡፡

የቀድሞው የአርበኞች ግንቦት ሰባት ሊቀመንበር ብርሃኑ ነጋ (ፕሮፌሰር) በ912 ድምፅ የፓርቲው መሪ ሆነው ሲመረጡ፣ የቀድሞው የአንድነት ለዴሞክራሲና ለፍትሕ ፓርቲ አመራር አቶ አንዱዓለም አራጌ ምክትል መሪ እንዲሆኑ ተመርጠዋል፡፡

የቀድሞ የሰማያዊ ፓርቲ ሊቀመንበር አቶ የሽዋስ አሰፋ በ722 ድምፅ የፓርቲው ሊቀመንበር ተደርገው ሲመረጡ፣ የቀድሞ የኢዴፓ ሊቀመንበር ጫኔ ከበደ (ዶ/ር) ምክትል ሊቀመንበር በመሆን ተመርጠዋል፡፡

- Advertisement -

Video from Enat Bank Youtube Channel.

በተጨማሪም አቶ አበበ አካሉ ዋና ጸሐፊ፣ አቶ የጁ አልጋው ጀመረ የፋይናንስ ኃላፊ እንዲሆኑ ተመርጠዋል፡፡ ወ/ሮ ሩሃማ ታፈሰ፣ እንድሪያስ አላምነውም (ዶ/ር)፣ ተስፋዬ ሞላ (ዶ/ር)፣ አቶ አቻነ አግቶና አቶ ማናለኝ ፈረደ ደግሞ የሕግና ደንብ ተርጓሚና የዲሲፕሊን ኮሚቴ አባላት ሆነው ተመርጠዋል፡፡ አቶ ብርሃኑ ወልደ ጊዮርጊስ፣ አቶ አበራ ገብሩና አቶ ዳዊት መና የፋይናንስ ክዋኔ ኦዲት ኮሚቴ አባላት ተደርገው ተመርጠዋል፡፡ የተመረጡት አመራሮች የአገልግሎት ጊዜያቸው ሦስት ዓመት እንደሆነ፣ ተጠሪነታቸውም ለጠቅላላ ጉባዔ መሆኑ ታውቋል፡፡

ኢዜማ አዲስ የአመራር አወቃቀር ያስተዋወቀ ሲሆን፣ የፓርቲው መሪና ሊቀመንበር የሚኖራቸው ሚናም ተለይቶ ተመልክቷል፡፡ የኢዜማ መሪ ለፖለቲካ ሥልጣን የሚደረገውን ማናቸውንም ዓይነት ተግባር ከማከናወን በተጨማሪ፣ የፓርቲውን አቋም በመንግሥት ሥልጣን ውስጥ ያስፈጽማል ተብሏል፡፡ ሊቀመንበሩ ደግሞ የኢዜማን አደረጃጀትና የዕለት ተዕለት ሥራ እንደሚመራ ተገልጿል፡፡

የአመራሩ በዚህ መንገድ መዋቀር ኢዜማ በምርጫ አሸንፎ ሥልጣን ቢይዝ፣ የፓርቲና የመንግሥት ኃላፊነትን ሚና ለመለያየት ሲባል እንደሆነ ለማወቅ ተችሏል፡፡

የዜግነት ፖለቲካ የሚያራምደው አዲሱ ፓርቲ ሐሙስ ግንቦት 1 ቀን 2011 ዓ.ም. በስብሰባ ማዕከል አዳራሽ ባካሄደው መሥራች ጉባዔ፣ ከተለያዩ ክልሎች የመጡ በርካታ ተሳታፊዎች በተገኙበት ተከናውኗል፡፡ በጉባዔው ላይ ሦስት ሺሕ ያህል ጉባዔተኞች ሲገኙ፣ 1,200 ያህሉ ከወረዳ በድምፅ የተመረጡ ወኪሎች መሆናቸው ተነግሯል፡፡

አርበኞች ግንቦት ሰባት፣ ሰማያዊ ፓርቲ፣ ኢዴፓ፣ የቀድሞ አንድነት ለዴሞክራሲና ለፍትሕ ፓርቲን ጨምሮ ሰባት ፖለቲካ ፓርቲዎችና ታዋቂ ግለሰቦች የመሠረቱት ኢዜማ፣ ከወረዳ ጀምሮ አደረጃጀቱን መዘርጋቱን አስታውቋል፡፡

ኢዜማ በኢትዮጵያ ማኅበራዊ ፍትሕ እንዲሰፍንና የዜግነት ፖለቲካን መሠረት ያደረገ ድርጅት ለመመሥረት በፈለጉ ድርጅቶችና ግለሰቦች የተመሠረተ መሆኑ ተገልጿል፡፡ እነዚህን ሁለት መርሆዎች ተግባራዊ ለማድረግ እንደሚሠራም ተመልክቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ የካቤኔ አባል የሆኑት አንድ ከፍተኛ ባለሥልጣን የሚያቀርቡትን ቅሬታ እያዳመጡ ነው] 

ክቡር ሚኒስትር እየሆነ ያለው ነገር በእጅጉ ስላሳሰበኝ ነው በአካል...

የአፍሪካ ኅብረት ጉባዔና የሶማሊያ ፕሬዚዳንት የፈጠሩት አምቧጓሮ

ባለፈው ቅዳሜና እሑድ በአዲስ አበባ የተካሄደው የአፍሪካ ኅብረት 37ኛው...

የብሔራዊ ባንክ የገንዘብ ፖሊሲ ትግበራ የፈጠራቸው አሉታዊና አዎንታዊ ጎኖች

የአገሪቱ ንግድ ባንኮች በዓመት የሚሰጡት የብድር መጠን ላይ የኢትዮጵያ...

ቱግ ቱግ!

የአፍሪካ ኅብረት ጉባዔ ለመታደም የመጡ እንግዶችን ሸኝተን ከፒያሳ ወደ...