Tuesday, January 31, 2023
- Advertisement -
- Advertisement -
ዜናፓርላማው ሲያከራክር የቆየውን የአንድ ዳኛ ስንብት ወድቅ አደረገ

ፓርላማው ሲያከራክር የቆየውን የአንድ ዳኛ ስንብት ወድቅ አደረገ

ቀን:

የፌዴራል ዳኞች አስተዳደር ጉባዔ የከፍተኛ ፍርድ ቤት ዳኛ አቶ አየለ ዱቦ ፈጸሙት በተባለው ከባድ የዲሲፕሊን ጥፋት ከዳኝነት እንዲሰናበቱ ያቀረበውን ጥያቄ፣ ፓርላማው ከወራት ክርክር በኋላ ውድቅ አደረገው፡፡

ፓርላማው ማክሰኞ ግንቦት 13 ቀን 2011 ዓ.ም. ባካሄደው መደበኛ ስብሰባው  የዳኛውን ስንብት አስመልክቶ የቀረበውን ሪፖርት ሲመረምር የቆውን የሕግ፣ ፍትሕና ዴሞክራሲ ጉዳዮች ቋሚ ኮሚቴን የውሳኔ ሐሳብ ለሦስተኛ ጊዜ አድምጧል፡፡

የዳኞች አስተዳደር ጉባዔ አቶ አየለ በዳኝነት ሥራቸው ላይ በነበሩበት ጊዜ ፈጽመውታል ያላቸውን የዲሲፕሊን ጥሰትና ከባድ ጥፋቶች በመዘርዘር፣ ከሥራ እንዲሰናበቱ ሲል ለፓርላማው የላከው ውሳኔ ጥቅምት 30 ቀን 2011 ዓ.ም. በተከናወነ ልዩ ስብሰባ ነበር መጀመርያ የቀረበው፡፡ በዕለቱም ምክር ቤቱ የውሳኔ ሐሳቡን በዝርዝር ዕይታ ለቋሚ ኮሚቴውም የተመራበትን የዳኞች አስተዳደር ጉባዔ የውሳኔ ሐሳብና ተከሳሽ አቶ አየለ ለቋሚ ኮሚቴው ያቀረቡትን አቤቱታ በዝርዝር በመመርመር፣ ከሁለት ሳምንት በፊት (ሚያዝያ 17 ቀን 2011 ዓ.ም.) ለምክር ቤቱ መደበኛ ስብሰባ ሪፖርትና የውሳኔ ሐሳብ አቅርቦ ነበር፡፡

ይሁን እንጂ ምክር ቤቱ የቀረበለትን የውሳኔ ሐሳብ በድጋሚ ቋሚ ኮሚቴው እንዲያየው፣ በአብላጫ ድምፅ ከረር ካለ ክርክር በኋላ መወሰኑን መዘገባችን ይታወሳል፡፡

በዚህም መሠረት በማክሰኞው የምክር ቤት ውሎ ቋሚ ኮሚቴው በድጋሚ የመረመረውን የዳኞች አስተዳደር ጉባዔንና የተከሳሹን ምስክርነት በማገናዘብ የደረሰበትን ሪፖርትና የውሳኔ ሐሳብ፣ በቋሚ ኮሚቴ አባሏ ወ/ሮ የሺመቤት ለምክር ቤቱ በዝርዝር ቀርቧል፡፡ በሪፖርቱ ዋና ዋና መብቶች ተካተዋል፡፡

ነገር ግን ዳኛው የክስ ይጣመርልኝ አቤቱታ በአራዳ ምድብ ችሎት ቀርቦ የተከለከለ መሆኑንና ለከፍተኛው ፍርድ ቤት አቤቱታ ቀርቦ ተቀባይነት ማጣቱን አላወቅኩም ብለው የሰጡት መልስ አግባብነት ያለው ሆኖ ማግኘቱን፣ ቋሚ ኮሚቴው በሪፖርቱ ገልጿል፡፡ ይህንኑም ዳኛው ማረጋገጥ ነበረባቸው በሚል በአቻ ፍርድ ቤት የተሰጠ ትዕዛዝ መጣሳቸውንም አውስቷል፡፡

ቋሚ ኮሚቴው በተከሳሽ ዳኛው በኩል ያገኛቸውንና ቀደም ብሎ የዳኞች አስተዳደር ጉባዔ የዳኛውን ጥፋተኝነት ያስረዳልኛል ብሎ የዘረዘራቸውን ቋሚ ኮሚቴው ካመላከተ በኋላ፣ በአባላት ስምምነት አግኝቷል የተባለውን የቋሚ ኮሚቴ የውሳኔ ሐሳብ ለምክር ቤት አቅርቧል፡፡ ውሳኔውም ዳኛው ከዚህ በፊት በሙያቸው የተመሠገኑ፣ የሥነ ምግባር ችግር የሌለባቸውና የመጀመርያ ስህተታቸው እንደሆነ በመረጋገጡ በአስተዳደራዊ ቅጣት መታለፍ እንደሚቻል ቋሚ ኮሚቴው ገልጿል፡፡

ሪፖርቱን ያደመጠው ምክር ቤቱም ዳኛው ፈጽመውታል የተባለውን የዲሲፕሊን ጥፋትና ምላሻቸውን በዳኞች አስተዳደር ጉባዔ አባላት በኩል የነበረውን የልዩነት ድምፅ ግምት ውስጥ በማስገባት፣ ከዳኝነት ሥራው ከማሰናበት በመለስ በውሳኔ ሐሳቡ የተገለጸውን ስህተት የሚመጥን የዲሲፕሊን ቅጣት በዳኞች አስተዳደር ጉባዔ ደንብ መሠረት ተቀጥተው ወደ ሥራ ገበታቸው እንዲመለሱ፣ በስምንት ተቃውሞና በአምስት ድምፀ ተዓቅቦ በአብላጫ ድምፅ የቋሚ ኮሚቴውን የውሳኔ ሐሳብ ምክር ቤቱ አፅድቆታል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...