Tuesday, April 16, 2024
- Advertisement -
- Advertisement -
ዜናበመላው አገሪቱ የሚገኙ ተፋናቃዮች እስከ ሰኔ መጨረሻ ወደ ቀዬአቸው እንደሚመለሱ መንግሥት አስታወቀ

በመላው አገሪቱ የሚገኙ ተፋናቃዮች እስከ ሰኔ መጨረሻ ወደ ቀዬአቸው እንደሚመለሱ መንግሥት አስታወቀ

ቀን:

መንግሥት በተለያዩ የአገሪቱ ክፍሎች የሚገኙ ሁሉንም ተፈናቃዮች፣ እስከ ሰኔ 2011 ዓ.ም. መጨረሻ ወደ ቀዬአቸው ለመመለስ እየሠራ እንደሆነ አስታወቀ፡፡

በጉዳዩ ላይ መግለጫ የሰጡት የሰላም ሚኒስትሯ ወ/ሮ ሙፈሪያት ካሚል፣ ተፈናቃዮቹን በራሳቸው ፈቃድ ወደ ቀዬአቸው የመመለሱ ሥራ እየተሠራ ነው ሲሉ ተናግረዋል፡፡

ሚኒስትሯ ባቀረቡት አኃዝ መሠረት የኢትዮጵያ መንግሥት ባለው መረጃ 2.3 ሚሊዮን ዜጎች ከቀዬአቸው የተፈናቀሉ ሲሆን፣ ከእነዚህም ውስጥ አብዛኞቹ ማለትም 1.7 ሚሊዮን የሚሆኑት በአገሪቱ የተለያዩ አካባቢዎች በተፈጠሩ ግጭቶች ምክንያት የተፈናቀሉ ናቸው፡፡ ቀሪዎቹ ደግሞ በተፈጥሮ አደጋዎች ማለትም በድርቅና ጎርፍ ምክንያት እንደተፈናቀሉ ገልጸዋል፡፡

- Advertisement -

Video from Enat Bank Youtube Channel.

ከተፈናቃዮች አኃዝ ጋር በተያያዘ አንዳንድ የዕርዳታ ለጋሽ ተቋማት የተጋነነና የተሳሳተ ቁጥር እያወጡ ነው ያሉት ሚኒስትሯ፣ ‹‹ይህን የሚያደርጉ የተለያዩ ፍላጎቶች ሊኖራቸው ይችላል፡፡ መንግሥት ግን ዕርዳታ ለማግኘት ብሎ የሚጨምረው ቁጥር የለም፤›› ብለዋል፡፡

ከተጠቀሱት 2.3 ሚሊዮን ተፈናቃዮች ውስጥ በአሁኑ ጊዜ 1.3 ሚሊዮን የሚሆኑት ወደ ቀዬአቸው መመለሳቸው ተጠቁሟል፡፡

በተጨማሪም በቀጣይ ወደ ቀዬአቸው ለሚመለሱ ተፈናቃዮች እስኪቋቋሙ ድረስ ለስድስት ወራት ባሉበት ዕርዳታ ይደረግላቸዋል ተብሏል፡፡

ባለፈው አንድ ዓመት በኢትዮጵያ በተለያዩ አካባቢዎች በተፈጠሩ ግጭቶች ከፍተኛ ቁጥር ያላቸው ተፈናቃዮች የተመዘገቡ ሲሆን፣ በዚህም ምክንያት በእርስ በርስ ጦርነትና ግጭቶች ከሚታመሱት እንደ ሶሪያና የመን አገሮች የተፈናቃዮች ቁጥር በልጦ ተገኝቶ እንደ ነበር መዘገቡ ይታወሳል፡፡

በተለይ በኦሮሚያ ክልል ምዕራብ ጉጂ ዞንና በደቡብ ክልል ጌዶኦ ዞን የተፈጠሩ ግጭቶች፣ በሚሊዮን ለሚቆጠሩ ዜጎች መፈናቀል ምክንያት መሆናቸው አይዘነጋም፡፡

በአሁኑ ወቅት መንግሥት በተለይም በሁለቱ ዞኖች ተፈናቃዮቹን ለማቋቋምና ለመርዳት እየሠራ ቢሆንም፣ ወቀሳ ሲቀርብበት ይስተዋላል፡፡

በተለይ ተፈናቃዮችን ወደ ቀዬአቸው ከመመለስ ሥራ ጋር በተያያዘ መንግሥት ተፈናቃዮች አሁንም የፀጥታ ሥጋት እያለባቸው፣ በኃይል እንዲመለሱ እያደረገ ነው የሚል ወቀሳ ይቀርብበታል፡፡

‹‹ተፈናቃዮች ወደ ቀዬአቸው መመለስ ያለባቸው በፈቃዳቸው ነው፡፡ ክብራቸው ተጠብቆና ዘላቂነት ባለው መንገድ የሚከናወን ነው፤›› ሲሉ ሚኒስትሯ የመንግሥትን አቋም አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...