Wednesday, February 28, 2024
- Advertisement -
- Advertisement -
ዜናበአቶ እስክንድር ነጋ ለሚመሠረተው ቴሌቪዥን ጣቢያ የተጠራው ጋዜጣዊ መግለጫ ሳይካሄድ ቀረ

በአቶ እስክንድር ነጋ ለሚመሠረተው ቴሌቪዥን ጣቢያ የተጠራው ጋዜጣዊ መግለጫ ሳይካሄድ ቀረ

ቀን:

በጋዜጠኛው አቶ እስክንድር ነጋ በምሥረታ ላይ ያለው የቴሌቪዥን ጣቢያ አክሲዮን ሽያጭ በሚመለከት ጋዜጣዊ መግለጫ ለመስጠት፣ ሰናይ መልቲ ሚዲያ አክሲዮን ማኅበር ግንቦት 30 ቀን 2011 ዓ.ም. በሒልተን ሆቴል ጋዜጠኞችን የጠራ ቢሆንም ለሁለተኛ ጊዜ ሳይሳካ ቀርቷል፡፡

ጋዜጣዊ መግለጫውን በሒልተን ሆቴል ለመስጠት ከጠዋቱ አራት ሰዓት ላይ የተገኘው አቶ እስክንድር የነበረ ቢሆንም፣ ችግሩ ግልጽ ባልሆነና ምክንያቱ ባልታወቀ ሁኔታ ጋዜጣዊ መግለጫውን ሳይሰጥ ቀርቷል፡፡ በሥፍራው በርካታ ጋዜጠኞች የተገኙ ሲሆን፣ ለምን እንደተከለከለ ተጠይቆ እስክንድር በሰጠው ምላሽ ለሆቴሉ ክፍያ መፈጸሙን፣ ክፍያው ደግሞ ጋዜጣዊ መግለጫ ለመስጠት መሆኑን ተናግሯል፡፡

ነገር ግን መግለጫው እንዳይሰጥ እንደተከለከለ አስረድቷል፡፡ ለምን እንደተከለከለ ተጠይቆ፣ ‹‹የከለከለን ሒልተን ሆቴል አይደለም፤›› ብሏል፡፡ የትኛው የመንግሥት አካል እንደሆነ ባያውቅም የከለከለው መንግሥት መሆኑን ግን ተናግሯል፡፡

- Advertisement -

Video from Enat Bank Youtube Channel.

የሚሰጠው ጋዜጣዊ መግለጫ በጋራ ስለሚሠራ የንግድ እንቅስቃሴ እንጂ ስለፖለቲካ ወይም ሌላ ነገር አለመሆኑን ጠቁሞ፣ ቦታውን ለጊዜው መግለጽ ባይችልም ማክሰኞ ሰኔ 4 ቀን 2011 ዓ.ም. ጋዜጣዊ መግለጫውን እንደሚሰጥ አስታውቋል፡፡ መንግሥት ለውጥ አለ ቢልም ገና ብዙ ነገር እንደሚቀረው እየታየ መሆኑን ጠቁሞ፣ በተመሳሳይ ሁኔታ በኢትዮጵያ ሆቴል ግንቦት 26 ቀን 2011 ዓ.ም. ሊሰጥ የነበረው መግለጫም መከልከሉን አስታውሶ የሒልተን ሆቴሉ ለሁለተኛ ጊዜ መሆኑን አስታውቋል፡፡

ይህ በዚህ እንዳለ ጋዜጠኛ እስክንድር ጋዜጣዊ መግለጫ እንዳይሰጥ መከልከሉን አስመልክቶ አምነስቲ ኢንተርናሽናል ባወጣው መግለጫ፣ የኅሊና እስረኛ የነበረው  እስክንድር ጋዜጣዊ መግለጫ እንዳይሰጥ መከልከልና ማስፈራራት ቀስ በቀስ ተስፋ እንዲቆርጥ፣ ሐሳቡን በነፃነት የመግለጽ መብቱን መገደብ መሆኑን ገልጿል፡፡ ‹‹ይኼ ተቀባይነት የሌለው በመሆኑ መቆም አለበት፡፡ ምክንያቱም በኢትዮጵያ ሕግ ጋዜጣዊ መግለጫ ለመስጠት የማረጋገጫ ፈቃድ አይጠይቅም፤›› ብሏል፡፡ ፖሊስ ጋዜጣዊ መግለጫ እንዳይሰጥ የመከልከል መብት እንደሌለው፣ በአምነስቲ ኢንተርናሽናል የምሥራቅ አፍሪካ፣ በአፍሪካ ቀንድና ታላላቅ ሐይቆች ዳይሬክተር ሚስተር ጆአን ንያንዩኪ ገልጸዋል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...