Monday, June 24, 2024
- Advertisement -
- Advertisement -
ማኅበራዊለጉንችሬ የመጀመርያ ደረጃ ሆስፒታል ከ13 ሚሊዮን ብር በላይ የሚያወጡ መሣሪያዎች ድጋፍ ተደረገ

ለጉንችሬ የመጀመርያ ደረጃ ሆስፒታል ከ13 ሚሊዮን ብር በላይ የሚያወጡ መሣሪያዎች ድጋፍ ተደረገ

ቀን:

በተመስገን ተጋፋው

የጉንችሬ እነሞርና ኤነር ወረዳ የመጀመርያ ደረጃ ሆስፒታል ከአሜሪካ ከሚገኘው ኪዩር የበጎ አድራጎት ድርጅት 13.5 ሚሊዮን ብር የሚያወጡ የሕክምና መሣሪያዎች ዕርዳታ አገኘ፡፡

ከተለገሱት የሕክምና መሣሪያዎች መካከል የውኃ ማጣሪያ፣ የደም ማስቀመጫ ፍሪጅ፣ ዌልቸር፣ አልጋና ሌሎችም ይገኛሉ፡፡

ሆስፒታሉ የተሟላና ጥራቱን የጠበቀ የሕክምና አገልግሎት ከመስጠት አኳያ የሕክምና መስጫ መሣሪያ፣ የሠለጠነ  የሰው ኃይል፣ የውኃ አቅርቦትና የመብራት ችግሮች እንዳሉበት የወረዳው ምክትል አስተዳደር አቶ ውጅ ከድር ገልጸው፣ የተደረገው ልገሳ ችግሩን በጥቂቱ ይቀርፈዋል ብለዋል፡፡

በሆስፒታሉ የደም ባንክ ካለመኖሩ የተነሳ ብዙ እናቶች በወሊድ ጊዜ ሆነ በሌላ ችግር ከደም መፍሰስ ጋር ተያይዞ ለችግር ይጋለጡ እንደነበር፤ አሁን የተለገሰው የደም ማስቀመጫ ፍሪጅ ችግሩን ሊያቃልል እንደሚችልም አክለዋል፡፡

 በወር ሦስት ሺሕ ያህል ሕሙማን የሚያክመው የጉንችሬ ሆስፒታል፣ ከዘውዲቱ ሆስፒታል የላቦራቶሪ ግብዓትና አልጋዎችን ማግኘቱንም የሆስፒታሉ ሜዲካል ዳይሬክተር አማረ ግርማ (ዶ/ር)ተናግረዋል፡፡

በሆስፒታሉ የላቦራቶሪ፣ የፋርማሲ እንዲሁም ሌሎች የሕክምና ዘርፎች ላይ የሠለጠኑ የጤና ባለሙያዋች እጥረት እንደሚታይ፣ ይህንንም ችግር ሆስፒታሉ መቅረፍ እንዳለበት የወረዳው የጤና ጥበቃ ጽሕፈት ቤት ኃላፊ አቶ ሚፍታ በኃይሉ አስታውሰዋል፡፡

ይህን ዕርዳታ ያስተባበሩት ዘውዲቱ ሆስፒታልና ቅድሚያ ፋውንዴሽን ሲሆኑ፣ በቀጣይ በዓመት ሁለት ሆስፒታሎችን ለመርዳት ማቀዳቸውን የዘውዲቱ ሆስፒታል ዋና ሥራ አስኪያጅ ዘለዓለም ጭሞዲሳ (ዶ/ር) ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...