Monday, May 29, 2023
- Advertisement -
- Advertisement -
ዜናኤክስፖርት ሊደረግ የነበረ 39.9 ሜትሪክ ቶን ቡና ከእነ ተሽከርካሪው መዘረፉ ተነገረ

ኤክስፖርት ሊደረግ የነበረ 39.9 ሜትሪክ ቶን ቡና ከእነ ተሽከርካሪው መዘረፉ ተነገረ

ቀን:

‹‹ጉዳዩ በምርመራ ላይ ነው››

የምሥራቅ ሸዋ ዞን ፖሊስ መምርያ

የአገሪቱን የቡና ጥራት ደረጃ በማሟላትና አስፈላጊውን የጉምሩክ ፎርማሊቲ በመፈጸም፣ ወደ ጂቡቲ ወደብ ተሸንቶ የነበረ 39.9 ሜትሪክ ቶን ቡና በሞጆና በአዳማ መካከል በሚገኝ ሥፍራ ከእነ ተሽከርካሪው መዘረፉ ተገለጸ፡፡

ንብረትነቱ ኩሩ ኢትዮጵያ ኃላፊነቱ የተወሰነ የግል ማኅበር መሆኑ የታወቀው 39.9 ሜትሪክ ቶን ቡና፣ የሲዳሞ ደረጃ ሁለት የታጠበ መሆኑን ድርጅቱ ለሕዝብ ተወካዮች ምክር ቤትና ለጠቅላይ ሚኒስትር ጽሕፈት ቤት ያቀረበው አቤቱታ ሪፖርት ያስረዳል፡፡

ቡናው የሰሌዳ ቁጥር 3-25201 እና 3-06783 በሆነ ዋናና ተሳቢ ተሽከርካሪ ተጭኖ፣ ከቡና ጥራት ማዕከል ግንቦት 19 ቀን 2011 ዓ.ም. ወደ ጂቡቲ መጓዙን፣ በጉዞ ላይ እያለ በሞጆና አዳማ መካከል ባለው የጉዞ መንገድ ላይ ከእነ ተሽከርካሪው መወሰዱን በድርጅቱ ዋና ሥራ አስኪያጅ በአቶ አቡድራህማን ማህዲ ተፈርሞ ወጪ የተደረገው የአቤቱታ ደብዳቤ ያስረዳል፡፡

የተዘረፈው ቡና አዳማ ከተማ ውስጥ በሕገወጥ መንገድ ባልታወቀ ቦታ ተራግፎ ፖሊስና ኅብረተሰቡ ባደረጉት ትብብር ተሽከርካሪው ግንቦት 20 ቀን 2011 ዓ.ም. መገኘቱን ሥራ አስኪያጁ ጠቁመዋል፡፡ በተሽከርካሪው ላይ የተገኘው ቡናም 5,514 ኪሎ ግራም መሆኑን፣ የተቀረው ቡና መጥፋቱን አስታውቀዋል፡፡ የቡናው አጠቃላይ ዋጋም 173,440 ዶላር መሆኑንም በደብዳቤው ላይ ጠቅሰዋል፡፡

ስርቆቱን ሲያስተባብርና ሲያከናውን የነበረው ግለሰብ ከሚጠቀምበት ቪትስ መኪና ጋር በፖሊስና በኅብረተሰቡ ትብብር በአዳማ ከተማ መያዙን የገለጹት ሥራ አስኪያጁ፣ የተዘረፈው ቡና ግን እስካሁን አለመገኘቱን አስረድተዋል፡፡ የተዘረፈው ቡና ጉዳት የድርጅቱ ብቻ ሳይሆን በአገሪቱ የወጪ ንግድ ላይ የሚስከትለውንም ተፅዕኖ ከግምት ውስጥ በማስገባት፣ የተጠናከረ ምርመራ እንዲደረግ ፓርላማውና የጠቅላይ ሚኒስትር ጽሕፈት ቤት ለአስፈጻሚ አካላት ማሳሰቢያ እንዲሰጡላቸው ጠይቀዋል፡፡

ዝርፊያውን በሚመለከት የተጠየቀው በኦሮሚያ ፖሊስ ኮሚሽን የምሥራቅ ሸዋ ዞን ፖሊስ መምርያ እንደገለጸው፣ ዝርፊያው በክልሉ ምሥራቅ ሸዋ ዞን ሎሜ ወረዳ ውስጥ ተፈጽሟል፡፡ ጉዳዩም በምርመራ ላይ መሆኑን የዞኑ ፖሊስ መምርያ ፍትሕ ማሰጠት ዋና የሥራ ሒደት ባለቤት፣ ኮማንደር ተስፋሁን ታደሰ ብሩ ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመስቀል አደባባይ የመግቢያ ክፍያ ለምን?

ወጣቶች፣ ሕፃናትና አረጋውያን ሳይቀሩ መንፈሳቸውን የሚያድሱበት እንዲሁም ሐሳባቸውን በነፃነት...

በሕገ መንግሥቱ የተዋቀረው ‹‹የብሔር ፖለቲካ›› እና ‹‹ሥርዓቱ›› ያስከተለው መዘዝና መፍትሔው

(ክፍል አራት) በዓቢዩ ብርሌ (ጌራ) ባለፈው ጽሑፌ (በክፍል ሦስት) አሁን ያለው...

የኢትዮጵያ ኅብረተሰብና የመንግሥት መሪ ምሥል

በበቀለ ሹሜ በ2015 ዓ.ም. መጋቢት ወር ውስጥ ይመስለኛል በ‹ሸገር ካፌ›...

ዩኒቨርሲቲዎችን ራስ ገዝ ያደረገው አዋጅ የፍትሐዊነት ጥያቄ አስነሳ

በቀጣዮቹ ሁለት ዓመታት ስምንት ዩኒቨርሲቲዎችን ራስ ገዝ በማድረግ ተቋማዊና...