Thursday, February 2, 2023
- ማስታወቂያ -
- ማስታወቂያ -

የቴሌቪዥን ጣቢያዎች ሥርጭታቸውን በአንድ ሳተላይት ሊያደርጉ ነው

- ማስታወቂያ -

ተዛማጅ ፅሁፎች

በተለያዩ ሳተላይቶች ለኢትዮጵያውያን ፕሮግራሞቻቸውን የሚያሠራጩ የቴሌቪዥን ጣቢያዎች በአንድ ሳተላይት በመሆን ማሠራጨት የሚያስችላቸው ስምምነት በኢትዮጵያ ብሮድካስተሮች ማኅበር፣ በኢትዮጵያ ብሮድካስቲንግ ኮርፖሬሽን (ኢቢሲ) እና ኤስኢኤስ በተባለ ሳተላይት አገልግሎት ሰጪ ተቋም መካከል ተፈረመ፡፡

ኤንኤስኤስ-12 በተባለ ሳተላይት ከ57 ዲግሪ ምሥራቅ አቅጣጫ ለኢትዮጵያውያን ብቻ የሚሆን የሳተላይት ቴሌቪዥን ሥርጭት ለመስጠት የሚያስችል ስምምነት ማድረጉን በመግለጫው ያስታወቀው ኤስኢኤስ፣ አራት ሚሊዮን የሚሆኑ በሳተላይት አማካይነት ቴሌቪዥን የሚያገኙ ቤተሰቦች የሚደርሳቸው ይዘት የተመጣጠነና አገር በቀል የሆኑ ጣቢያዎች ላይ ብቻ ያተኮረ ሳይሆን ከዓለም አቀፍ ሥርጭቶች ጋር የተቀላቀለ ነው ሲልም ያትታል፡፡ አዲሱ አሠራር ግን ትኩረቱ በአገር በቀል ይዘቶች ላይ እንደሚሆን ተገልጿል፡፡

በአዲሱ ስምምነት መሠረት የኢትዮጵያ የቴሌቪዥን ጣቢያዎች ወደ አዲሱ ሳተላይት የሚዘዋወሩ ሲሆን፣ የሳተላይት አገልግሎት የሚሰጠው ተቋምም ለኢትዮጵያ ጣቢያዎች ብቻ የሚሆን የሥርጭት አገልግሎት መስጠት እንደሚችልም ኤስኢኤስ አስታውቋል፡፡ ይኼ የቴሌቪዥን ሥርጭት አገልግሎትም ከፍተኛ ጥራት ባለው የኤችዲ (HD) ቴክኖሎጂ እንደሚተላለፍም ታውቋል፡፡

የሳተላይት ዝውውሩ የተሳካ እንዲሆን የመኖሪያ ቤቶችን ሳተላይት ዲሺ ለሚገጥሙ ባለሙያዎች ሥልጠና እንደሚሰጥ ያስታወቀው ድርጅቱ፣ ሽግግሩ ለቴሌቪዥን ጣቢያዎች የተሻለ የገበያ ዕድል ይፈጥራልም ብሏል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች