Saturday, January 28, 2023
- Advertisement -
- Advertisement -
ስፖርትየኦሊምፒክና የዓለም ሻምፒዮኗ ደራርቱ በ‹‹ዲሲ አፍሪካ ታላቁ ሩጫ›› ከሜሪላንድ ግዛት ዕውቅና ትቀበላለች

የኦሊምፒክና የዓለም ሻምፒዮኗ ደራርቱ በ‹‹ዲሲ አፍሪካ ታላቁ ሩጫ›› ከሜሪላንድ ግዛት ዕውቅና ትቀበላለች

ቀን:

በመጪው እሑድ በአሜሪካ ዋሽንግተን ዲሲ ‹‹ዲሲ አፍሪካ ታላቁ ሩጫ›› በሚል ስያሜ ለመጀመሪያ ጊዜ እንዲካሄድ የተደገሰው ሕዝባዊ የስፖርት ክንውን፣ የኦሊምፒክና የዓለም ሻምፒዮን ባለድሏ ደራርቱ ቱሉን ጨምሮ ከ20 በላይ ስመ ጥር አንጋፋ አትሌቶችን እንደሚያሳትፍ ሲያስታውቅ፣ ኮሎኔል ደራርቱ ቱሉ ላበረከችው አስተዋጽኦ መታሰቢያ የሚሆን የዕውቅና ምስክር ወረቀት ከሜሪላንድ ግዛት እንደሚበረከትላት ይፋ ተደርጓል፡፡

በዲሲ አፍሪካ ታላቁ ሩጫ ከደራርቱ ባሻገር፣ ሚሊዮን ወልዴ፣ አሰፋ መዝገቡ፣ ብርሃኔ አደሬ፣ ሙሉጌታ ወንድሙ፣ ኃይሉ መኮንን፣ ይበልጣል አድማሱና ግርማ ቶላን ጨምሮ 20 ኢትዮጵያውያን አትሌቶች እንደሚሳተፉበት ኖቫ ኮኔክሽንስ የተሰኘው የበጎ አድራጎት ተቋም ለሪፖርተር የላከው መግለጫ ይጠቁማል፡፡

የሜሪላንድ ግዛት ምክር ቤት ወኪል ሎሪግ ሻርኮዲያን ስለ ደራርቱ ዕውቅና አሰጣጥ በሰጡት አስተያየት፣ ‹‹የመጀመሪያዋ ጥቁር አፍሪካዊት የወርቅ ሜዳይ ባለቤት በመሆን ለፈጠረችው ተፅዕኖ ብሎም በኢትዮጵያ ስፖርት አስተዳደር መስክ ለምታበረክተው አስተዋጽኦ ዕውቅና ልንሰጣት እንፈልጋለን፤›› ብለዋል፡፡

ውድድሩ እሑድ ሐምሌ 14 ቀን 2011 ዓ.ም. እንደሚካሄድ ያስታወቁት የውድድሩ ዳይሬክተር ጋሻው አብዛ (ዶ/ር)፣ ከውድድሩ ቀደም ብሎ ማለትም ሐምሌ 12 ቀን ለአንጋፋዋ አትሌት ደራርቱ ቱሉ የዕውቅና ምስክር ወረቀቱ ከሜሪላንድ ግዛት እንደሚሰጣት አስታውቀው፣ ለኮሎኔል ደራርቱም የደስታ መግለጫ ልከዋል፡፡

በአሜሪካ ሜሪላንድና ቨርጂኒያ አካባቢ የሚኖሩ ኢትዮጵያውያን የሚሳተፉበት ይህ ዓመታዊ የአምስት ኪሎ ሜትር የጎዳና ላይ ሩጫ በአሜሪካ የኢትዮጵያ ኤምባሲ ትብብር የተዘጋጀ ሲሆን፣ ከኢትዮጵያውያኑም ባሻገር አፍሪካውያን የሚታደሙበት ዓመታዊ የብዙኃን ስፖርት እንደሚሆን ይጠበቃል፡፡

ውድድሩ ከስፖርታዊነቱ ባሻገር ዳያስፖራው በዚሁ ሰበብ እየተገናኘ እንዲቀራረብ፣ ባህሉን እንዲያከብርና የሚያበረክተውን አዎንታዊ አስዋጽኦ ለማጉላት ያለመ እንደሆነ ጋሻው (ዶ/ር) ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቅዱስ ሲኖዶስ ሦስቱን ጳጳሳት ስልጣነ ክህነታቸውን አንስቶ አወገዘ

የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ፣ ሰሞኑን ጥር 14...

አቶ እየሱስወርቅ ዛፉ ከህብረት ባንክ ቦርድ አባልነት ለቀቁ

አንጋፋው የፋይናንስ ባለሙያ አቶ እየሱስወርቅ ዛፉ ከህብረት ባንክ ቦርድ...

አቶ በረከት ስምኦን ከእስር ተፈቱ

ከአራት ዓመታት በፊት በተከሰሱበት በከባድሙስና ወንጀል ስድስት ዓመታት ተፈርዶባቸው...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ...