Tuesday, July 23, 2024
- Advertisement -
- Advertisement -
ማኅበራዊኢራናውያን የምንጣፍ ጥበባቸውን ያስተላለፉበት መድረክ

ኢራናውያን የምንጣፍ ጥበባቸውን ያስተላለፉበት መድረክ

ቀን:

የኢራን የባህል ማዕከል የፋርስ የምንጣፍ አሠራር ሥልጠና አዲስ አበባ ለሚገኙ ሥራ አጥ ሴቶች እየተሰጠ መሆኑን የኢራን ኤምባሲ አስታውቋል፡፡

የባህል ቆንስላው ሚስተር ሐሰን ሀይድራ እንደገለጹት፣ የሥልጠናው ዋና ዓላማ ጥራቱን የጠበቀ የምንጣፍ በመሥራት ሥራ ዕድል መፍጠር ነው፡፡ ከ150 በላይ ለሆኑ ሴቶች ሥልጠናውን እየሰጡ ያሉት ከኢራን በመጡ መምህራን ሲሆን ተፈላጊ የሚባለውን የምንጣፍ ዓይነት እንደሚያሠለጥኑ አሠልጣኟ ሚስስ ሀስቲ ማሱም ገልጸዋል፡፡

ለሥልጠናው የሚጠቀሙት ጥሬ ዕቃ የመጣው ከኢራን ሲሆን ምንጣፉ የሚሠራው በእጅ በመሆኑ ተፈላጊና ዋጋው ውድ ያደርገዋል ብለዋል፡፡ እስካሁን 600 የሚሆኑ ሠልጣኞቹ መኖራቸውንና በሥራቸውም ትጉና ታታሪ እንደሆኑ ከመምህሮቹ እገዛ እያገኙ መሆኑንም ሳይገልጹ አላለፉም፡፡

በሥልጠናው የሚሳተፉት ሠልጣኞች ዕድሜያቸው ከ18 እስከ 35 መሆኑን፣ ሴቶች የተመረጡትም ፍላጎት ስላላቸውና የሥራ አጥ ቁጥሩን ለመግታት ማበረታታት ተገቢ በመሆኑ ነው ያሉት ቆንስላው ብቁ ለሆኑት ሴቶች የሥራ ዕድል ይመቻቻል ብለዋል፡፡

በሥልጠናው ላይ እያሉ ካገኘናቸው ሠልጣኞች መካከል ወጣት ሰላማዊት ድንበሩ ትገኝበታለች፡፡ ወጣቷ ስለ ምንጣፍ ሥራ በሬዲዮ መስማቷን ገልጻ፣ የመጀመርያ ሥልጠና ሰሞን ፈርታ እንደነበር አስታውሳለች፡፡

ወጣት ሰላማዊት አራተኛ ዙር ሥልጠና ላይ እንደምትገኝ ገልጻ፣ በሚደረግላቸው ክትትልና እገዛ በራስ መተማመኗ መጨመሩን አልሸሸገችም፡፡

ሌላኛዋ ሠልጣኝ ወ/ሮ አምሰት አወቀ ሥልጠናው በመጀመርያ በጣም ከባድ ቢሆንባቸውም መምህሯ በምታደርግላቸው እገዛ በራስ መተማመንን ፈጥሮልኛል ይላሉ፡፡ ‹‹አሁን ባገኘነው ሥልጠና ግብዓቱ ከተሟላልን ሙሉ በሙሉ በደንብ እንሠራለን፤›› ሲሉም አክለዋል፡፡

ማስተዋል ጤና ሥራ አጥ እንደነበረች ገልጻ፣ በጓደኛዋ ግፊት ወደ ሥልጠናው መግባቷን አክላ በመጀመርያ በጣም ከባድና ውስብስብ ሆኖባት እንደነበር አስታውሳለች፡፡

ነገር ግን መምህራን በሚደረገው ጥሩ ክትትልና ትዕግሥት አሁን ጥሩ ደረጃ ላይ ነኝ ብላለች፡፡ ወደ ሥልጠናው በገቡ ወቅት በቀን አንድ የሙከራ ምንጣፍ መሥራት ይከብደን ነበር የምትለው ወጣት አሁን በቀን ሦስት እና ከዚያ በላይ መሥራት እንደሚችሉ ትናገራለች፡፡

በመጀመርያ ሲያዩት በማሽን እንጂ በእጅ የሚሠራ አልመሰለንም የሚሉት ወ/ሮ አሚና አቡበከር ውስጡ ስንገባበት ግርምት ፈጥሮብናል ብለዋል፡፡ ሌላው በሥልጠና ለመሳተፍ ምንም ዓይነት ገንዘብ አናወጣም፣ የትራንስፖርት ወጪም ከኤምባሲው እንደሚሸፈንላቸው አክለዋል፡፡

ከኢራን ቀጥሎ የፋርስ ምንጣፍ እየተሠራ ያለው በኢትዮጵያ ሲሆን አሁን ሙከራ የሚደረግበት ቦታ ጠባብ በመሆኑ ወደ ትልቁ ምንጣፍ ሥራ ስንገባ የቦታ ጥበት ሊኖር ስለሚችል መንግሥት ቢያግዘን ይላሉ የባህል ቆንስላው፡፡

በአንድ ሥልጠና የመጀመርያ ኮርስ በአራት ሳምንት፣ መካከለኛ ኮርስ ስምንት ሳምንት፣ አድቫንስ ኮርስ ስምንት ሳምንት፣ እንዲሁም ትራብል ሹቲንግ ኮርስ አራት ሳምንት በአጠቃላይ ሥልጠናው በስድስት ወር ይጠናቀቃል ያሉት መምህርት ሀስቲ ናቸው፡፡

በአንድ ዓመት የሥልጠና ሒደት 400 እንስቶችን ብቁ የፋርስን ምንጣፍ የሚሠሩ ማድረግ ይቻላል የሚሉት የባህል ቆንስላው የማሻሻጥ ሥራውም በኢራን ኤምባሲው ይመቻቻል ብለዋል፡፡

እስካሁን ለሥልጠናው ከ180 ሺሕ ዶላር በላይ መውጣቱን ያወሱት ሚስተር ሐሰን፣ በሥራው ትልቁ ችግር የሚሆነው ሠልጣኞች አሁን እየሠሩ ያሉበት ቦታ ለሙከራ የሚሆነው ምንጣፍ ለመሥራት በመሆኑ ወደ ትልቁ የምንጣፍ ሥራ ሲገባ የቦታ እጥረት ሊያጋጥም ይችላል ብለው ሥጋት ላይ መሆናቸውን ተናግረዋል፡፡

መንግሥት ይኼን ጥሩ ተሞክሮ አይቶ የቦታ እገዛ ለሠልጣኞችና ከሥልጠናው በኋላ ሥራ ለሚጀምሩት ቦታ ቢያመቻች በማለት ሚስተር ሐሰን ጥሪ አቅርበዋል፡፡

የፋርስ ምንጣፍ ሥራ በኢራን ታዋቂና ከ2500 ዓመታት በፊት የነበረ በዓለምም ተፅዕኖ ፈጣሪ ተፈላጊ የምንጣፍ ዓይነት ነው፡፡ ምንጣፉ በማሽን ቢሠራም በጣም ተፈላጊው፣ ረዥም ጊዜ የሚቆይና በዋጋም ውድ የሆነው ግን በእጅ የሚሠራው ነው ያሉት ሚስተር ሐሰን ሥልጠናው ቀጣይነት ይኖረዋል ብለዋል፡፡

በሔለን ተስፋዬ

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...