Friday, April 19, 2024
- Advertisement -
- Advertisement -
ማኅበራዊክብረ ወሰን ተሰብሮ የዓለም መገናኛ ብዙኃን መነጋገሪያ የሆነው የችግኝ ተከላ መርሐ ግብር

ክብረ ወሰን ተሰብሮ የዓለም መገናኛ ብዙኃን መነጋገሪያ የሆነው የችግኝ ተከላ መርሐ ግብር

ቀን:

በአንድ ቀን በ12 ሰዓታት ውስጥ ኢትዮጵያ 353,633,660 ችግኞችን መትከሏ፣ የዓለም አቀፍ መገናኛ ብዙኃን መነጋገሪያ ሆኗል፡፡ የዓለም ክብረ ወሰን እንደሆነ የተነገረለት የሰኞ ሐምሌ 22 ቀን 2011 ዓ.ም. የአረንጓዴ አሻራ ቀን መርሐ ግብር፣ በመላ አገሪቱ የዜጎች ከፍተኛ ተሳትፎ ተደርጎበታል፡፡ ከመንግሥት ከፍተኛ ባለሥልጣናት ጀምሮ አርሶ አደሮች፣ ሠራተኞች፣ የቤተ እምነቶች መሪዎች፣ አረጋውያን፣ ሙሽሮች፣ ነፍሰ ጡሮችና አራሶች፣ አካል ጉዳተኞች፣ ወዘተ የተሳተፉበት የችግኝ ተከላ መርሐ ግብር ዕቅድ 200 ሚሊዮን ችግኞች ለመትከል የነበረ ቢሆንም፣ ብሔራዊ አስተባባሪ ኮሚቴው በሰጠው ጋዜጣዊ መግለጫ ከ353.6 ሚሊዮን በላይ መሆኑን አስታውቋል፡፡ በጠቅላይ ሚኒስትር ዓብይ አህመድ (ዶ/ር) አነሳሽነት የአገሪቱ ደንና የአየር ንብረት ይዞታ እንዲያገግም ለማድረግ የተካሄደው የችግኝ ተከላ መርሐ ግብር፣ በመላው ዓለም የብዙዎችን ቀልብ ስቧል፡፡ በጊነስ የዓለም ክብረ ወሰን መዝገብ ዕውቅና ማግኘቱ ገና ግልጽ ባይሆንም፣ በኢኖቬሽንና ቴክኖሎጂ ሚኒስቴር በተዘጋጀው ሶፍትዌር አማካይነት ችግኞቹ መቆጠራቸው ተገልጿል፡፡ በችግኝ ተከላው መርሐ ግብር ላይ ከተሳተፉ ብዙዎች አስተያየት የተደመጠው ለችግኞቹ የማያቋርጥ ክትትል እንደሚያስፈልግ ሲሆን፣ ይህ መርሐ ግብር በቋሚነት እንዲቀጥልም ተጠይቋል፡፡ የችግኞቹ እንክብካቤ ጉዳይ በጣም የሚያሳስባቸውም ከዘመቻ ይልቅ ተቋማዊ እንዲሆን ይፈልጋሉ፡፡ በሌላ በኩል ደግሞ የፖለቲካም ሆነ ሌሎች ልዩነቶችን ወደ ጎን በማድረግ በጋራ መሥራት እንደሚቻል ማሳያ ነው የሚሉም አሉ፡፡ የኢትዮጵያን ስም በዓለም መገናኛ ብዙኃን ያስጠራው ይህ መርሐ ግብር፣ ብሔራዊ መግባባትን ለማዳበር እንደሚጠቅምም ያክላሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...