Friday, December 8, 2023
- Advertisement -
- Advertisement -
ማኅበራዊበአዲስ አበባ 300 ሺሕ ተማሪዎች በተማሪዎች ምገባ ሊካተቱ ነው

በአዲስ አበባ 300 ሺሕ ተማሪዎች በተማሪዎች ምገባ ሊካተቱ ነው

ቀን:

በአዲስ አበባ በሁሉም የመንግሥት ትምህርት ቤቶች ከመዋዕለ ሕፃናት እስከ ስምንተኛ ክፍል የሚማሩ 300 ሺሕ ያህል ተማሪዎች በተማሪዎች ምገባ ሊካተቱ ነው፡፡

በ2012 በጀት ዓመት ሁሉንም የመጀመርያ ደረጃ የመንግሥት ትምህርት ቤት ተማሪዎች በምገባ ፕሮግራሙ ለማካተት ቅድመ ሥራዎች የተገባደዱ ሲሆን፣ ይህም ከዚህ ቀደም በከተማዋ በምግብ እጦት ምክንያት ከትምህርት ገበታቸው የሚቀሩትንና የሚታመሙትን የሚታደግ ከመሆኑም ባለፈ፤ በተለይ አቅም ለሌላቸው ወላጆችም ዕፎይታን የሚሰጥ ነው፡፡

የአዲስ አበበ ምክትል ከንቲባ  ታከለ ኡማ (ኢንጂነር)፣ የ2011 በጀት ዓመት አፈጻጸም ሪፖርት ሐምሌ 25 ቀን 2011 ዓ.ም. ባቀረቡበት ወቅት እንደተናገሩት፣ ለ2012 በጀት ዓመት 300 ሺሕ ተማሪዎችን በተማሪዎች ምገባ ከማካተት በተጨማሪም፣ 7.2 ሚሊዮን ደብተርና 600 ሺሕ የተማሪዎች ደንብ ልበስ በነፃ ለማቅረብ ዝግጅት ተደርጓል፡፡

ከአዲስ አበባ ትምህርት ቢሮ ባገኘነው መረጃ መሠረት፣ የሁለተኛ ደረጃ የመንግሥት ትምህርት ቤት ተማሪዎችን ጨምሮ ሁሉም የመንግሥት ተማሪዎች የተማሪዎች ደንብ ልብስ በነፃ የሚያገኙ ይሆናል፡፡

ከተለያየ የኑሮ ደረጃ የሚመጡ ተማሪዎችን በተመሳሳይ መልኩ ለማስተናገድ ሲባል ሁሉም ተማሪዎች በተማሪዎች ምገባ እንዲስተናገዱና ተመሳሳይ የደንብ ልብስ እንዲለብሱ የከተማ አስተዳደሩ የተለያዩ ሥራዎችን ሲሠራ በተለያዩ ድርጅቶችም ዕርዳታ ሲያደርጉ መቆየታቸው ይታወሳል፡፡

የተማሪዎች ምገባ ፕሮግራሙ ከዚሁ ቀደም በአዲስ አበባ በሚገኙ የመንግሥት ትምህርት ቤቶች በተለያየ መልኩና በተለያዩ አካላት ሲተገበር የነበረ ሲሆን፣ በ2011 በጀት ዓመትም የአዲስ አበባ ትምህርት ቢሮ 51 ሺሕ ያህል ተማሪዎችን እየመገበ እንደነበር ከዚህ ቀደም ትምህርት ቢሮው በሚሠራው የተማሪዎች ምገባ ዙሪያ ያነጋገርናቸውና በቢሮው የሕፃናት ጤናና ምገባ ባለሙያ ወይዘሪት ሜቲ ታምራት መናገራቸው ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ታዋቂው የኤሌክትሮኒክስ ብራንድ አይቴል የስትራቴጂ ለውጥ አካል የሆነውን አዲስ አርማ እና መለዮ ይፋ አደረገ።

በአለማችን ታዋቂ ከሆኑት የኤሌክትሮኒክስ ብራንዶች መካከል አንዱ የሆነው እና...

የጠቅላላ ጉባኤ ስብሰባ ጥሪ ለሸገር አነስተኛ የፋይናንስ ተቋም አ.ማ ባለአክሲዮኖች በሙሉ

ለሸገር አነስተኛ የፋይናንስ ተቋም አ.ማ ባለአክሲዮኖች በሙሉ የሸገር አነስተኛ የፋይናንስ...

[የክቡር ሚኒስትሩ ጸሐፊ፣ የሌላ ሚኒስትር ጸሐፊ ከሆነችው የቅርብ ወዳጇ ጋር በስልክ እየተጨዋወቱ ነው]

አንቺ ግን ምን ሆነሽ ነው? ጠፋሁ አይደል? ጠፋሁ ብቻ?! ምን ላድርግ ብለሽ...

በሱዳን ላይ ያጠላው የመከፋፈል ዕጣና ቀጣናዊ ተፅዕኖው

የሱዳን ጦርነት ስምንተኛ ወሩን እያገባደደ ይገኛል፡፡ ጄኔራል አብዱልፈታህ አልቡርሃን...