Thursday, May 30, 2024
- Advertisement -
- Advertisement -

ዜናበደቡብ ክልል የተቋቋመው ኮማንድ ፖስት ዕውቅና የሌላቸው ዓርማዎችንና ምልክቶችን ከለከለ

በደቡብ ክልል የተቋቋመው ኮማንድ ፖስት ዕውቅና የሌላቸው ዓርማዎችንና ምልክቶችን ከለከለ

ቀን:

በደቡብ ክልል ከሲዳማ ዞን የክልልነት ጥያቄ ጋር ተያይዞ ከሐምሌ 11 ቀን 2011 ዓ.ም. ጀምሮ በተከሰቱ ግጭቶችና በተለያዩ የክልሉ ዞኖች ይካሄዱ በነበሩ ሠልፎች ሳቢያ በክልሉ የተዋቀረው የፀጥታ ኮማንድ ፖስት፣ በክልሉ ማናቸውም ዓይነት ዕውቅና የሌላቸው ዓርማዎችና ምልክቶች መጠቀም እንደማይቻል በማስታወቅ ክልከላ አደረገ፡፡ ምልክቶቹም ሆኑ ዓርማዎቹ በሁለት ቀናት ውስጥ እንዲነሱ አዟል፡፡

ኮማንድ ፖስቱ ከተቋቋመ ወዲህ በክልሉ ያለውን የፀጥታ ሁኔታ አስመልክቶ መግለጫ የሰጠው ኮማንድ ፖስቱ፣ በተለያዩ የክልሉ አካባቢዎች የሚታዩ ዕውቅና የሌላቸው ዓርማዎችና ታፔላዎች እንዲነሱ ያስታወቀ ሲሆን፣ እነዚህን ዓርማዎችና ምልክቶች መጠቀም እንደማይቻልም ገልጿል፡፡

በይፋ ተቋቁሞ ሥራ ከጀመረ በኋላ በሰዎችና በንብረት ላይ ሲደርስ የነበረን ጥፋት መቆጣጠርና ማስቀረት መቻሉን ያስታወቀው ኮማንድ ፖስቱ፣ በአጭር ጊዜ ውስጥ የክልሉን ሰላም ወደነበረበት በመመለስ በመደበኛ የፀጥታ ማስከበር ሒደት ሕገ መንግሥታዊ ሥርዓቱን ለማስከበር እየሠራ እንደሚገኝ አስታውቋል፡፡

- Advertisement -

በክልሉ በተለያዩ የመንግሥት ተቋማት ሕጋዊ ዓርማዎች ተነስተው ሕገወጥ በሆኑ ዓርማዎች እንደተተኩ የገለጸው ኮማንድ ፖስቱ፣ ሕገወጦቹ በቶሎ ተነስተው  የቀድሞዎቹ ሕጋዊ ምልክቶችና ዓርማዎች ወደ ነበሩበት እንዲመለሱ ትዕዛዝ ሰጥቷል፡፡

ከሲዳማ ዞን የክልልነት ጥያቄ ጋር ሐምሌ 11 ቀን 2011 ዓ.ም. በሐዋሳ ከተማና በሌሎች አካባቢዎች በተፈጸሙ ጥቃቶች 53 ሰዎች ሲገደሉ፣ 59 ያህሉ ደግሞ የአካል ጉዳት እንደደረሰባቸው የክልሉ ፖሊስ ኮሚሽን ማስታወቁ አይዘነጋም፡፡ ውድመት ከደረሰባቸው መካከል የግለሰብ ንብረቶች፣ ፋብሪካዎችና ሎጆች ተጠቃሽ ናቸው፡፡ በሲዳማ ዞን የተለያዩ አካባቢዎች በተፈጸሙ ጥቃቶች የተጠረጠሩ 935 ግለሰቦችን ፖሊስ በቁጥጥር ሥር ማዋሉን አስታውቋል፡፡ ከ900 በላይ የሚሆኑ ሰዎች ተፈናቅለው በአብያተ ክርስቲያናት፣ በመስጊዶችና በግለሰቦች ቤት መጠለላቸውን መዘገባችን አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ? እንኳን ምላሻቸውን...

የኢትዮ ኤርትራ ሰሞነኛ ሁኔታና ቀጣናዊ ሥጋቱ

“ግንቡን እናፍርስ ድልድዩን እንገንባ” የሚል ፖለቲካዊ መፈክር ጎልቶ በሚሰማበት፣...

ኦሮሚያ ባንክ ከተበዳሪ ደንበኞቼ ውስጥ 92 በመቶ የሚሆኑት አነስተኛና መካከለኛ ኢንተርፕራይዞች ናቸው አለ

ኦሮሚያ ባንክ ለደንበኞቹ ከሰጠው ብድር ውስጥ ለአነስተኛና ለመካከለኛ ኢንተርፕራይዞች...

ሽቅብና ቁልቁል!

ጉዞ ከመገናኛ ወደ ሲኤምሲ ጀምረናል። ተሳፋሪዎች የዕለት ጉርሳቸውን መሸፈን...