Thursday, September 29, 2022
ሌሎች ዓምዶች
    - Advertisement -
    - Advertisement -
    ዜናበማዕከላዊ ስታትስቲክስ ኤጀንሲ የተመደበ የፌዴራል ፖሊስ ሁለት ባልደረቦቹን ገደለ

    በማዕከላዊ ስታትስቲክስ ኤጀንሲ የተመደበ የፌዴራል ፖሊስ ሁለት ባልደረቦቹን ገደለ

    ቀን:

    በማዕከላዊ ስታትስቲክስ ኤጀንሲ ቅጥር ግቢ ውስጥ ለሕዝብና ቤቶች ቆጠራ የተገዙ 180 ሺሕ ታብሌቶችንና ፓወር ባንኮችን ለመጠበቅ የተመደበ አንድ የፌዴራል ፖሊስ ባልደረባ፣ ሰኞ ሐምሌ 29 ቀን 2011 ዓ.ም. ሁለት ባልደረቦቹን ተኩሶ ገደለ፡፡

    የፖሊስ አባሉ በለቅሶ ምክንያት ቤተሰብ ዘንድ ከአዲስ አበባ ውጪ ቆይቶ ሲመለስ ምደባው እንደተቀየረ ሲነገረው፣ ከአዛዡ ጋር በተፈጠረ አለመግባባት አዛዡን ተኩሶ መግደሉ ታውቋል፡፡ ለመገላገል መሀል ገብቶ የነበረ ሌላ የፖሊስ ባልደረባም በግልግሉ ወቅት በጥይት ተመቶ ሕይወቱ ማለፉን ማረጋገጥ ተችሏል፡፡

    አንደኛው ሆዱ ላይ፣ ሌላው ደግሞ ደረቱ አካባቢ ተመትተው እንደነበር በሥፍራው የነበሩ የዓይን እማኞች ገልጸው፣ ሁለቱም የፖሊስ ባልደረቦች ወዲያውኑ ሕይወታቸው ማለፉን አክለዋል፡፡ በግድያ የተጠረጠረው የፖሊስ ባልደረባም በቁጥጥር ሥር መዋሉ ተረጋግጧል፡፡

    ባለፈው ዓመት ሊደረግ ለነበረው ቆጠራ የተገዙ ታብሌቶችና ፓወር ባንኮች ቆጠራው ለአንድ ዓመት በመራዘሙ ምክንያት፣ በማዕከላዊ ስታትስቲክስ ኤጀንሲ ቅጥር ግቢ ውስጥ በተሠራ መጋዘን ውስጥ እንዲቀመጡ እንደተደረጉና የፌዴራል ፖሊስ አባላትም ለጥበቃ መሰማራታቸውን ለማወቅ ተችሏል፡፡

    በሥፍራው የነበሩ የዓይን እማኞች የፖሊስ ባልደረባው ከሥፍራው መቀየሩን የተቃወመው ለጥበቃ የሚከፈለው የውሎ አበል፣ በሌሎች ግዳጆች ከሚከፈለው አበል የላቀ በመሆኑ ይኼንን ላለማጣት ሊሆን ይችላል ሲሉ ተናግረዋል፡፡ ሆኖም አለመግባባቱ ከዚህ በዘለለ (በግላዊ ምክንያት) ሌላ ዓላማ እንዳልነበረው ተገልጿል፡፡

    - Advertisement -

    ይመዝገቡ

    spot_img
    spot_img