Monday, July 15, 2024
- Advertisement -
- Advertisement -
ማኅበራዊሐረማያ ዩኒቨርሲቲ ለሁለት መምህራን የሙሉ ፕሮፌሰርነት ማዕረግ ሰጠ

ሐረማያ ዩኒቨርሲቲ ለሁለት መምህራን የሙሉ ፕሮፌሰርነት ማዕረግ ሰጠ

ቀን:

የሐረማያ ዩኒቨርሲቲ አስተዳዳር ሐሙስ ነሐሴ 2 ቀን 2011 ዓ.ም. ባካሄደው ስብሰባ የዩኒቨርሲቲው ሴኔት ገምግሞ ባቀረበው ማስረጃ መሠረት፣ ለመንግሥቱ ኡርጌ (ዶ/ር) እና ለመንግሥቱ ከተማ (ዶ/ር) የሙሉ ፕሮፌሰርነት ማዕረግ መስጠቱን አስታወቀ፡፡

መንግሥቱ ከተማ (ዶ/ር) ዩኒቨርሲቲውን ከ16 ዓመታት በላይ ማገልገላቸው የተገለጸ ሲሆን፣ በ1995 ዓ.ም. ከዩኒቨርሲቲው በግብርና ኢኮኖሚክስ ሁለተኛ ዲግሪያቸውን አግኝተዋል፡፡ ለሁለተኛ ዲግሪያቸው የሠሩት መመረቂያ የምርምር ጽሑፍ በ1996  ዓ.ም. ከቤልጂየም የዓለም አቀፍ የልማት ትብብር ሽልማት እንዳስገኘላቸው፣ በዩኒቨርሲቲው ድረ ገጽ የሰፈረው የሕይወት ታሪካቸው ያስረዳል፡፡

ሦስተኛ ዲግሪያቸውን ጀርመን ከሚገኘው የጊሰን ዩኒቨርሲቲ እንዳገኙ ተገልጾ፣ ከዚህ በመቀጠል በበርካታ የምርምር ሥራዎች ላይ እንደተሳተፉ ተገልጿል፡፡ ከዚህ በተጨማሪም ለ60 የሁለተኛ ዲግሪ ተማሪዎችና ለ15 የሦስተኛ ዲግሪ ተማሪዎች፣ የመመረቂያ የምርምር ሥራቸውን እንዲያከናውኑ በማማከር ለምረቃ ማብቃቸው ተገልጿል፡፡

ከእነዚህ አስተዋጽኦዎች በተጨማሪም ከ60 በላይ የምርምር ጽሑፎችን በዓለም አቀፍ ጆርናሎችና 20 ያህል የምርምር ጽሑፎችን በወርክሾፕ መጣጥፎች ላይ ማሳተማቸውን፣ ከሕይወት ታሪካቸው ለመረዳት ተችሏል፡፡

በተመሳሳይ የዩኒቨርሲቲው ሴኔት ለመንግሥቱ ኡርጌ (ዶ/ር) በእንስሳት ሥነ ምግብና ሥነ አካል ዘርፍ የሙሉ ፕሮፌሰርነት ማዕረግ ሰጥቷል፡፡

መንግሥቱ ኡርጌ (ዶ/ር) ሦስተኛ ዲግሪያቸውን ስዊድን በሚገኘው የስዊድን የእርሻ ዩኒቨርሲቲ ትምህርታቸውን በመከታተል፣ በእንስሳት ሥነ አካል ትምህርት ዘርፍ አግኝተዋል፡፡

በዩኒቨርሲቲው ከ30 ዓመታት በላይ እንዳገለገሉ የሚገልጸው የሕይወት ታሪካቸው፣ በዚህ ረዥም የማስተማርና የመመራመር ዓመታት 160 የሁለተኛ ዲግሪ ተማሪዎችን፣ እንዲሁም 20 የሦስተኛ ዲግሪ ተማሪዎችን በማማከር ለፍሬ ማብቃታቸው ተገልጿል፡፡

ከማስተማርና የማማከር ሥራ በተጨማሪም በግላቸውና ከተማሪዎቻቸው ጋር በመሆን ካደረጓቸው የምርምር ሥራዎች ውስጥ፣ እስካሁን፣ 147 አገራዊና ዓለም አቀፋዊ ፋይዳ ያላቸው ሳይንሳዊ ጽሑፎችን በዓለም አቀፍ የምርምር ጆርናሎች ማሳተማቸው በሕይወት ታሪካቸው ተካቷል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...