Tuesday, April 23, 2024
- Advertisement -
- Advertisement -

ዜናየጃፓን መንግሥት ለቀጣዩ ምርጫ የሚሆን ሦስት ሚሊዮን ዶላር ድጋፍ ሊያደርግ ነው

የጃፓን መንግሥት ለቀጣዩ ምርጫ የሚሆን ሦስት ሚሊዮን ዶላር ድጋፍ ሊያደርግ ነው

ቀን:

የጃፓን መንግሥት በኢትዮጵያ በ2012 ዓ.ም. ይካሄዳል ተብሎ የሚጠቀበውን ጠቅላላ ምርጫ ለመደገፍ ከተባበሩት መንግሥታት የልማት ፕሮግራም (ዩኤንዲፒ) ጋር የሦስት ሚሊዮን ዶላር የድጋፍ ስምምነት፣ ሐሙስ ነሐሴ 9 ቀን 2011 ዓ.ም. እንደሚፈራረም ታወቀ፡፡

የተባበሩት መንግሥታት የልማት ድርጅት (ዩኤንዲፒ) ‹‹የኢትዮጵያን ዴሞክራሲ ለማጠንከር ምርጫን መደገፍ›› በተሰኘ ፕሮግራም በተለያዩ ከምርጫ ጋር ተያያዥ በሆኑ ጉዳዮች የኢትዮጵያ ብሔራዊ ምርጫ ቦርድን እየደገፈ የሚገኝ ሲሆን፣ የጃፓን መንግሥት ድጋፍም በዚህ ማዕቀፍ ውስጥ ግልጽ የሆኑ የምርጫ ኮሮጆዎችንና የጣት ላይ ምልክት ማድረጊያ ቁሳቁሶችን ለመግዛትና በአገሪቱ የተለያዩ ክፍሎች ለማጓጓዝ የሚውል እንደሆነ ተጠቅሷል፡፡

የምርጫ ቁሳቁሶቹ መሟላት በዓለም አቀፍ ደረጃ በተቀመጡ መሥፈርቶች መሠረት በኢትዮጵያ በቀጣይ ዓመት ይካሄዳል ተብሎ የሚጠበቀውን ምርጫ፣ ታማኝና ግልጽ ለማድረግ የሚደረገውን ጥረት ለመደገፍ እንደሆነም እንዲሁ ተገልጿል፡፡

- Advertisement -

Video from Enat Bank Youtube Channel.

ሐሙስ ዕለት በተባበሩት መንግሥታት ድርጅት የአፍሪካ ኢኮኖሚ ኮሚሽን (UNECA) ቅጥር ግቢ ውስጥ እንደሚከናወን ዕቅድ የተያዘለት የስምምነት ሥነ ሥርዓት ላይ በመገኘት የምርጫ ቦርድ ሰብሳቢ ወ/ሪት ብርቱካን ሚደቅሳ፣ የጃፓን አምባሳደር ዳኢሱኬ ማትሱናጋና የዩኤንዲፒ ተወካይ ቱርሀን ሳሌህ እንደሚፈራረሙ ታውቋል፡፡

ከዚህ ቀደም የአየርላንድ መንግሥት ለመጪው ምርጫ የሚውል 700,000 ዩሮ ድጋፍ ማድረጉ ይታወሳል፡፡ በተመሳሳይ የእንግሊዝ መንግሥት የውጭ ጉዳይ ሚኒስትር ጀረሚ ሃንት በኢትዮጵያ ያደረጉትን ጉብኝት ተከትሎ፣ ለምርጫ ድጋፍ የሚሆን 15.5 ሚሊዮን ፓውንድ በዩኤንዲፒ በኩል መለገሳቸው እንዲሁ የሚታወስ ነው፡፡

የእንግሊዝ መንግሥት ለዚህ ዓላማ ከተገኙ የአጋር አገሮች ድጋፍ ከየትኛውም አገር ከተገኘው ትልቅ ነው፡፡ ለዚህ ፕሮግራም 11 አጋር አገሮች ድጋፍ እንደሚያደርጉ የሚጠበቅ ሲሆን፣ ከእነዚህም ውስጥ ስምንቱ ምን ያህል ድጋፍ እንደሚያደርጉ ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...