Wednesday, July 24, 2024
- Advertisement -
- Advertisement -
ዜናበኢትዮጵያ የተካሄደው የአሜሪካና የ11 አገሮች የጦር ልምምድ ተጠናቀቀ

በኢትዮጵያ የተካሄደው የአሜሪካና የ11 አገሮች የጦር ልምምድ ተጠናቀቀ

ቀን:

በአፍሪካ የአሜሪካ ጦር መሪነት ሲካሄድ የቆየውና 11 አገሮችን ያካተተው የጦር ልምምድ ‹ጀስቲፋይድ አኮርድ 2019› መጠናቀቁን፣ የአሜሪካ ኤምባሲ ዓርብ ነሐሴ 10 ቀን 2011 ዓ.ም. ባወጣው መግለጫ አስታወቀ፡፡

ኢትዮጵያን ጨምሮ ከአንድ ሺሕ በላይ የብራዚል፣ የብሩንዲ፣ የሱዳን፣ የጂቡቲ፣ የፈረንሣይ፣ የጣሊያን የኔዘርላንድስ፣ የሶማሊያ፣ የኡጋንዳና የእንግሊዝ የመከላከያና የመንግሥት ሠራተኞችን በማካተት እ.ኤ.አ. ከጁላይ 15 እስከ ጁላይ 30 ቀን 2019 በኢትዮጵያ ሲደረግ የቆየው ወታደራዊ ልምምድ፣ የተሳታፊዎችን የሰላም ማስከበር አቅም ያጎለብታል ተብሏል፡፡

በኢትዮጵያ የሰላም ድጋፍ ማሠልጠኛ ማዕከል በተደረገ ማጠቃለያ መርሐ ግብር ላይ ንግግር ያደረጉት በኢትዮጵያ የአሜሪካ አምባሳደር ማይክል ሬይነር፣ ‹‹እንዲህ ያሉ ሁነቶች ዓለም አቀፋዊ የሆኑ አዎንታዊ ተፅዕኖ አላቸው፡፡ በቀጣናው የተባበሩት መንግሥታትና የአፍሪካ ኅብረት የሰላምና ደኅንነት የማስጠበት ተልዕኳቸውንም ያግዛል፤›› ማለታቸው በመግለጫው ተካቷል፡፡ ‹‹በተጨማሪም ሁነቶቹ ወደ ጋራ ግባችን ያቀርቡናል ይኼም ሰላማዊና የበለፀገች አፍሪካና ዓለም ነው፤›› ብለዋል፡፡

ወታደራዊ ሥልጠናዎቹ በአዲስ አበባና በሁርሶ ወታደራዊ ማሠልጠኛ ተቋም እንደተደረጉ ተገልጾ፣ በአዲስ አበባ የኮማንድ ፖስት ልምምድ እንደተደረገና በሁርሶ ደግሞ የመስክ ልምምድ መደረጉ ተነግሯል፡፡ በአዲስ አበባ የተሰጠው ሥልጠና የክፍል ትምህርቶችን ያካተተ እንደነበር፣ የአሚሶም የሰላም አስከባሪ ሠራዊት አዋጭ አገሮች አንዱ ከአንዱ ጋር መሥራት ያለባቸውን የፈተሸ ጠቅላላ ልምምድ ተደርጓል ተብሏል፡፡

በመስክ በተደረገ ልምምድ የተለያዩ የአሜሪካ ወታደራዊ ክፍሎች፣ ለኢትዮጵያ የመከላከያ ሠራዊት አባላት የጦር ሜዳ ውሎ አቅምን የሚያጎለብቱ ሥልጠናዎችን መስጠታቸው በመግለጫው ተጠቁሟል፡፡

በመዝጊያ ሥነ ሥርዓቱ ላይ ንግግር ያደረጉት የኢትዮጵያ መከላከያ ሠራዊት የሰላም ማስከበር አዛዥ ብርጋዴር ጄኔራል ሀብታሙ ጥላሁን፣ ‹‹ኢትዮጵያና አሜሪካ ለረዥም ጊዜ የቆየ የሰላም ማስከበር ልምድ አላቸው፡፡ በዚህ ሥልጠና የተገኙት ልምዶች የወቅቱን ውስብስብ የሰላም ማስከበር ተልዕኮ ለመወጣት የሚያስችላቸውን የወታደራዊ ቴክኒካዊ ዕውቀትና ክህሎት ያጎናጽፋሉ፤›› እንዳሉም መግለጫው አትቷል፡፡

በአፍሪካ የአሜሪካ ጦር ምክትል አዛዥ ብርጋዴር ጄኔራል ላፕዝ ሲ ፍሎራ ልምምዶቹ የአፍሪካ አገሮችን ዝግጁነትና የሰላም ማስከበር ግዳጅ ማገዝ ብቻ ሳይሆን፣ ጠቃሚ ዕድሎችን ለመፍጠርና ሙያዊ ግንኙነትና ወዳጅነት ለማጠናከር ይረዳሉ ማለታቸው ተገልጿል፡፡

‹‹ጀስቲፋይድ አኮርድ 2019›› (Justified Accord 2019) የተባለው መርሐ ግብር የምሥራቅ አፍሪካ፣ የአሜሪካና ሌሎች የምዕራብ አገሮችና ዓለም አቀፍ ተቋማትን የሚያስተባብር የጋራ ዕቅድና ትብብር ማዕቀፍ ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...

ግለሰብ ነጋዴዎችን በአስገዳጅነት የንግድ ምክር ቤት አባል ለማድረግ ያለመው ረቂቅ አዋጅ ተከለሰ

በምትኩ የንግድ ተቋማት በአስገዳጅነት የንግድ ምክር ቤት አባል ይሆናሉ...