Sunday, February 5, 2023
- Advertisement -
- Advertisement -
ኪንና ባህልየተስፋፋው የአዲስ አበባ ዩኒቨርሲቲ ኢትኖግራፊክ ሙዚየም

የተስፋፋው የአዲስ አበባ ዩኒቨርሲቲ ኢትኖግራፊክ ሙዚየም

ቀን:

የሰባት አሠርታት ዕድሜ ያስቆጠረው አዲስ አበባ ዩኒቨርሲቲ ካሉት በርካታ ተቋማት አንዱ የኢትዮጵያ ጥናትና ምርምር ተቋም ነው፡፡

ከሦስት ዓመታት በፊት 50ኛ ዓመት የወርቅ ኢዮቤልዩ ያከበረውና በራስ መኰንን ስም በሚጠራው ሕንፃ የሚገኘው ተቋሙ ካቀፋቸው ልዩ ልዩ ክፍሎች በግንባር ቀደምትነት የሚጠቀሱት የአገር ውስጥና የውጭ ቋንቋዎች አብያተ መጻሕፍትና የኢትኖግራፊክ ሙዚየም ናቸው፡፡

በተቋሙና በነፕሮፌሰር ሪቻርድ ፓንክረስት የተመሠረተው የኢትዮጵያ ጥናት ወዳጆች ማኅበር (ሶፊ) አማካይነት በየዐረፍተ ዘመኑ የተለያዩ የእድሳትና የማሻሻያ ሥራዎች የሥነ ጥበብ ጋለሪውን ጨምሮ በዘመናዊ አቅድ መሠራታቸው ይታወቃል፡፡

በራስ መኰንን አዳራሽ የነበሩት ሁለቱ አብያተ መጻሕፍት የኢትዮጵያ ጥናትና ምርምር ተቋም አዲሱ የቤተ መጻሕፍት ሕንፃ ሥራውን በመጀመሩ ወደዚያ በመዛወራቸው ሁለቱ ዐበይት ክፍሎች ለሙዚየሙ ማስፋፊያ እንዲውሉ ተደርጓል፡፡

የተስፋፋው የአዲስ አበባ ዩኒቨርሲቲ ኢትኖግራፊክ ሙዚየም

ነባሩን የራስ መኰንን አዳራሽ ለሙዚየም አመቺ እንዲሆን ዕድሳት በማስፈለጉም ከዓመት በፊት ተቋሙ ከጃፓን ኤምባሲ ጋር ባደረገው ስምምነት የ2.4 ሚሊዮን ብር ድጋፍ ማድረጉ ይታወሳል፡፡  

በኢትዮጵያና በጃፓን መንግሥት ትብብር የዕድሳት ፕሮጀክቱ ተጠናቆ ካለፈው ሳምንት ጀምሮ ለአገልግሎት ክፍት ሆኗል፡፡

ዕድሳቱ መጠናቀቁን ተከትሎ መልዕክት ያስተላለፉት የኢትዮጵያ ጥናትና ምርምር ተቋም ዋና ዳይሬክተር ታከለ መርዕድ (ዶ/ር)፣ ለምርምርና ለትምህርት ቁልፍ ሚና ያለው ሙዚየም መታደሱ በውስጡ ያሉ ቅርሶችን ጠብቆ ለማቆየትና ለትውልድ ለማስተላለፍ ጠቃሚ እንደሆነ ተናግረዋል፡፡

ከጃፓን በተገኘው ገንዘብ የተከናወነው ዕድሳትም የራስ መኰንን አዳራሽ ባህላዊና ታሪካዊ ዳራውን በጠበቀ መልኩ መፈጸሙ ተገልጿል፡፡

በቀድሞው የገነተ ልዑል ቤተ መንግሥት ሕንፃ ውስጥ የሚገኘው የአዲስ አበባ ዩኒቨርሲቲ የኢትዮጵያ ጥናትና ምርምር ተቋም፣ 50 ዓመታት በላይ ዕድሜው በሥሩ ያቀፋቸው የኢትኖግራፊክ ሙዚየም፣ የምርምርና የጥናት ማዕከልና አብያተ መጻሕፍትን ነው፡፡

መረጃዎች እንደሚጠቁሙት፣ በውስጡም መጻሕፍት፣ ታሪካዊ ሰነዶችና መዛግብት፣ የዳግማዊ ምኒልክና የእቴጌ ጣይቱን ጨምሮ የድምፅና የምስል ቅጂዎች፣ ከመጀመሪያ ዲግሪ እስከ ሦስተኛ ዲግሪ ማሟያ የጥናት ድርሳኖች፣ ጆርናሎች፣ ረጅም ዕድሜን ያስቆጠሩ የብራና መጻሕፍትንም ይዟል፡፡ እንዲሁም እስከ 20,000 ሚደርሱ ትመት ክምችቶ ከቅድመ ምረቃ እስከ ድኅረ ምረቃ ተማሪዎች፣ ለተመራማሪዎች ጥናትና ምርምር አገልግሎት እየሰጠ ይገኛል

በሙዚየሙም ከአሥር ሺሕ በላይ የኢትዮጵያ ባህላዊና ሃይማኖታዊ እሴቶች የሚገለጹባቸው አልባሳትና ቁሳቁሶች ይገኙበታል፡፡

የአዲስ አበባ ዩኒቨርሲቲ ዓምና 2010 .. መስከረም ወር ከጃፓኑ ኪዮቶ ዩኒቨርሲቲ ጋር ትምህርታዊ ልውውጥና የጥናት ትብብር ለማድረግ የመግባቢያ ሰነድ መፈረሙ ይታወሳል፡፡

የተስፋፋው የአዲስ አበባ ዩኒቨርሲቲ ኢትኖግራፊክ ሙዚየም

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...