Thursday, June 13, 2024
- Advertisement -
- Advertisement -

ስፖርትቅዱስ ጊዮርጊስ ሰርቢያዊውን ሲርዳን ዚቮጅሆቭ አሠልጣኝ አድርጎ ሾመ

ቅዱስ ጊዮርጊስ ሰርቢያዊውን ሲርዳን ዚቮጅሆቭ አሠልጣኝ አድርጎ ሾመ

ቀን:

በተጠናቀቀው የኢትዮጵያ ፕሪሚየር ሊግ 28ኛው ሳምንት የጨዋታ መርሐ ግብር ጀምሮ ራሱን አግልሎ የቆየው አንጋፋው ቅዱስ ጊዮርጊስ፣ ለቀጣዩ የውድድር ዓመት የውጪ አሠልጣኝ ቅጥር መፈጸሙን አስታወቀ፡፡ ክለቡ የኢትዮጵያ እግር ኳስ ፌዴሬሽ በቅርቡ ከክለቦች ጋር በመነጋገር የተጨዋቾችን የክፍያ ጣሪያ የወሰነበት አግባብ ተገቢ አለመሆኑን በመግለጽ አቋሙን ገልጿል፡፡

ቅዱስ ጊዮርጊስ ባለፈው ረቡዕ በሸራተን አዲስ ባከናወነው የዋና አሠልጣኝ ቅጥር ሥነ ሥርዓት ሰርቢያዊ ሲርዳን ዚቮጅሆቭ የቡድኑ ቀጣይ አሠልጣኝ መሆናቸውን ይፋ አድርጓል፡፡ ሰርቢያዊ አሠልጣኝ በአገራቸው የተለያዩ ሊጎች የተጫወቱ መሆናቸው፣ በአሠልጣኝነት ሕይወታቸው ደግሞ በአፍሪካ በታንዛኒያ (ያንግ አፍሪካን) በኡጋንዳ (ቪላ ካምፓላን) እና ወደ ኢትዮጵያው ቅዱስ ጊዮርጊስ እስከ መጡበት ድረስ ደግሞ በዛምቢያ ሊግ ተዘዋውረው በማሠልጠን ትልቅ ተሞክሮ እንዳለቸው ተነግሮላቸዋል።

ቅዱስ ጊዮርጊስ ምንም እንኳ የቀጣዩን ዓመት አሠልጣኝ ማንነት ይፋ ቢያደርግም፣ ቀደም ሲል እንደተገለጸው ክለቡ ከጨዋታ መርሐ ግብር ጋር ተያይዞ ከብሔራዊ ፌዴሬሽኑ ጋር በፈጠረው አለመግባባት ቀጣይ ዕጣ ፈንታው ምን እንደሚሆን አልታወቀም፡፡ ከአሠልጣኙ የቅጥር ሥነ ሥርዓት ጎን ለጎን ስለቀጣዩ የውድድር ሁኔታና ዕጣ ፈንታ ጥያቄ የቀረበላቸው የቅዱስ ጊዮርጊስ የቦርድ ሊቀመንበር አቶ አብነት ገብረ መስቀል ክለባቸው የሚከተለው የጨዋታ ሥርዓት ‹‹ያዋጣኛል›› የሚለውን ይመርጣል በማለት መልሰዋል።

- Advertisement -

በዚያ ላይ ብሔራዊ ፌዴሬሽኑ ከክለቦች ጋር ‹‹ተነጋግሬበታለሁ›› በማለት የተጨዋቾች የክፍያ ጣሪያ መወሰኑ በሕግም ሆነ በአሠራር አገሪቱ ከምትከተለው ነፃ ገበያ በመነሳት ውሳኔው ትክክል እንዳልሆነ የክለቡ የቦርድ ሊቀመንበር አቶ አብነት ገብረ መስቀል በይፋ ተናግረዋል፡፡ ሊቀመንበሩ፣ ‹‹ተጨዋቾች በፈለጉት የደመወዝ ክፍያም ሆነ ጣሪያ የመደራደር ሙሉ መብት አላቸው፡፡ በነፃ ገበያ በምትመራ አገር 50 ሺሕ ብር ብሎ ጣሪያ ማስቀመጥ የሚያሳዝንና የግፍ ግፍ አካሄድ ነው፣ አሠራሩም እንደገና ሊጤን ይገባዋል፤›› ማለታቸው ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...