Wednesday, December 7, 2022
ሌሎች ዓምዶች
    - Advertisement -
    - Advertisement -
    ዜናበህዳሴ ግድቡ ላይ የሚደረጉ ድርድሮች የጋራ ተጠቃሚነትን እንዲያረጋግጡ አሜሪካ ጠየቀች

    በህዳሴ ግድቡ ላይ የሚደረጉ ድርድሮች የጋራ ተጠቃሚነትን እንዲያረጋግጡ አሜሪካ ጠየቀች

    ቀን:

    በቅርቡ በታላቁ ህዳሴ ግድብ ዙሪያ በተለይም በግብፅና በኢትዮጵያ የተነሳውን ውዝግብ ተከትሎ፣ በአገሮቹ መካከል ያለው ድርድር የጋራ ተጠቃሚነት ባረጋገጠ መንገድ እንዲሆን አሜሪካ ጠየቀች፡፡

    ባልተለመደ ሁኔታ የአሜሪካ መንግሥት ባወጣው መግለጫ፣ በተለይም የህዳሴው ግድብን አሞላልና አስተዳደርን አስመልክቶ በሦስቱ አገሮች እየተደረገ ያለው ድርድር በትብብር፣ ቀጣይነት ባለውና የጋራ ጥቅም ላይ ባተኮረ አካሄድ እንዲሆን ጠይቋል፡፡

    ከሳምንታት በፊት የሦስቱ የዓባይ ተፋሰስ አገሮች የውኃና መስኖ ሚኒስትሮች በካይሮ ያደረጉት ምክክር ስኬታማ ሳይሆን መጠናቀቁ የሚታወስ ሲሆን፣ በዋናነትም ግብፅ ከዚህ ቀደም በግድቡ ዙሪያ ከተደረጉት ስምምነቶች ባፈነገጠ አዲስ ምክረ ሐሳብ ማቅረቧ ይታወሳል፡፡

    በተለይም ግብፅ በግድቡ አሞላል ሒደትም ሆነ አሠራር ላይ የራሷ ባለሙያዎች እንዲሳተፉ መጠየቋ ይታወሳል፡፡ በተጨማሪም ኢትዮጵያ በግድቡ በየዓመቱ 40 ቢሊዮን ኪዩቢክ ውኃ እንድትለቅና በግብፅ የሚገኘው የአስዋን ግድብ ከ165 ሜትር ዝቅ የሚል ከሆነ ደግሞ ተጨማሪ ውኃ እንድትለቅ መጠየቋ ይታወሳል፡፡

    ኢትዮጵያ በበኩሏ በግብፅ የቀረበው ምክረ ሐሳብ ተቀባይነት የሌለው መሆኑን ገልጻ ነበር፡፡ ‹‹ምክረ ሐሳቡ የኢትዮጵያን ጥቅም የሚጎዳና ሉዓላዊነቷን ያላከበረ ነው ሲሉ የውኃ መስኖና ኢነርጂ ሚኒስትሩ ስለሺ በቀለ (ዶ/ር) መናገራቸው ይታወሳል፡፡

    ይህን በአሜሪካ  መንግሥት የተሰጠውን መግለጫ ተከትሎ እስካሁን በኢትዮጵያ መንግሥት በኩል የተሰጠ መልስ ባይኖርም፣ በግብፅ መንግሥት በኩል ግን ይህ መግለጫ ከመውጣቱ ቀናት በፊት በህዳሴው ግድብ ዙሪያ የዓለም አቀፍ ማኅበረሰብ ጣልቃ እንዲገባ መጠየቋ ይታወሳል፡፡

    ሥራው ከተጀመረ ስምንት ዓመቱን ያስቆጠረው የህዳሴ ግድብ አጠቃላይ የፕሮጀክቱ አፈጻጸም 68.3 በመቶ የደረሰ ሲሆን፣ በቀጣይ ዓመት የመጀመርያውን የኤሌክትሪክ ማመንጨት ሥራ ይጀምራል ተብሎ ይጠበቃል፡፡

    በተያያዘ ዜና ግድቡ ይይዛቸዋል ከተባሉት 16 የኃይል ማመንጫ ጄኔሬተሮች ውስጥ አምስቱ ተቀንሰዋል ቢባልም፣ እስካሁን ከኢትዮጵያ መንግሥት በኩል ምንም የተሰጠ ትዕዛዝ እንደሌለና ሥራውም መጀመሪያ በነበረው ዕቅድ መሠረት 16 የኃይል ማመንጫ ጄኔሬተሮችን ለመትከል እየተሠራ እንደሆነ ለጉዳዩ ቅርበት ያላቸው የሪፖርተር ምንጮች ገልጸዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...