Saturday, June 22, 2024
- Advertisement -
- Advertisement -
ዜናበእነ ብርጋዴር ጄኔራል ተፈራ ማሞ ላይ የቀረበውን ይግባኝ ሰበር ችሎት ውድቅ አደረገው

በእነ ብርጋዴር ጄኔራል ተፈራ ማሞ ላይ የቀረበውን ይግባኝ ሰበር ችሎት ውድቅ አደረገው

ቀን:

ዓቃቤ ሕግ ክስ እንዲመሠረት 15 ቀናት ተፈቀደለት

የአማራ ክልል ፕሬዚዳንት የነበሩትን አምባቸው መኮንን (ዶ/ር) እና ሁለት ከፍተኛ የክልሉ አመራሮችን፣ እንዲሁም ከመከላከያ ጠቅላይ ኤታማዦር ሹም ጄኔራል ሰዓረ መኮንንና ከጓደኛቸው ግድያ ጋር በተያያዘ በተጠረጠሩት እነ ብርጋዴር ጄኔራል ተፈራ ማሞ ላይ ዓቃቤ ሕግ ለክልሉ ሰበር ሰሚ ችሎት ያቀረበው የይግባኝ አቤቱታ ውድቅ ተደረገ፡፡

ዓቃቤ ሕግ በባህር ዳር ወረዳ ፍርድ ቤትና ባህር ዳር ዙሪያ ከፍተኛ ፍርድ ቤት በተጠርጣሪዎቹ ላይ ምርመራውን እንዳላጠናቀቀና ተጨማሪ የምርመራ ጊዜ እንደሚያስፈልገው ያቀረበው ይግባኝ ተቀባይነት በማጣቱ፣ ለክልሉ ጠቅላይ ፍርድ ቤት ሰበር ሰሚ ችሎት አቤቱታውን አቅርቦ ነበር፡፡ እንደ ዓቃቤ ሕግ አቤቱታ፣ በተጠርጣሪዎቹ ላይ የሚሰበስባቸው የፎረንሲክና የቴክኒክ ምርመራዎች እንደቀሩት ለሥር ፍርድ ቤቶች ቢያሳውቅም፣ ሊቀበሉት እንዳልቻሉና አቤቱታውን ውድቅ ማድረጋቸውን በመጥቀስ ሰበር ሰሚ ችሎት እንዲፈቀድለት ጠይቆ ነበር፡፡ ሰበር ሰሚ ችሎቱ ግን 64 ቀናት የምርመራ ጊዜ ተሰጥቶት ማጠናቀቅ ሲችል አለማጠናቀቁ ተገቢ አለመሆኑን፣ በአቤቱታው ያቀረባቸው ተሰብሳቢ ማስረጃዎች በመንግሥት ተቋማት የሚገኙ በመሆናቸው ከተጠርጣሪዎቹ ጋር ግንኙነት እንደሌላቸው ጠቁሞ አቤቱታውን ውድቅ ማድረጉን አሳውቋል፡፡ በቀጣይም በወንጀለኛ መቅጫ ሥነ ሥርዓት ሕግ ቁጥር 109 ድንጋጌ መሠረት በ15 ቀናት ውስጥ ክሱን እንዲያቀርብና  እስከዛው ድረስ ተጠርጣሪዎቹ በማረሚያ ቤት እንዲቆዩ ትዕዛዝ ሰጥቶ ለጥቅምት 12 ቀን 2012 ዓ.ም. ቀጠሮ ሰጥቷል፡፡

በተያያዘ ዜና የዕለቱን የችሎት ውሎ ሊመለከቱ በፍርድ ቤቱ አካባቢ የተሰባሰቡ ሰዎች ‹‹ተጠርጣሪዎቹ ይፈቱ›› በማለት ተቃውሞ ማሰማታቸው ታውቋል፡፡ የተቃዋሚዎቹ ቁጥር እየበዛ ሲመጣና ወደ ፍርድ ቤቱ በመጠጋታቸው ፖሊስ አስለቃሽ ጭስ በመጠቀም እንዲበተኑ ማድረጉም ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...