Tuesday, July 23, 2024
- Advertisement -
- Advertisement -
ዜናበብርጋዴር ጄኔራል አሳምነው ጽጌ ባለቤትና በሌሎች ተጠርጣሪዎች ላይ የመጨረሻ ቀጠሮ ተሰጠ

በብርጋዴር ጄኔራል አሳምነው ጽጌ ባለቤትና በሌሎች ተጠርጣሪዎች ላይ የመጨረሻ ቀጠሮ ተሰጠ

ቀን:

በአማራ ክልልና በአዲስ አበባ ከተማ በተቀራራቢ ሰዓት ሰኔ 15 ቀን 2011 ዓ.ም. ከተገደሉ ከፍተኛ የመንግሥት ባለሥልጣናት ጋር በተያያዘ፣ በእስር ላይ የሚገኙት የሟቹ ብርጋዴር ጄኔራል አሳምነው ጽጌ ባለቤትና ሌሎች ተጠርጣሪዎች ላይ ለመጨረሻ ጊዜ የ28 ቀናት ተጨማሪ የምርመራ ቀናት ተፈቀደ፡፡

የፀረ ሽብርተኝነት አዋጅ ቁጥር 256/2001 አንቀጽ 20(3) ድንጋጌ መሠረት፣ ለአራተኛና ለመጨረሻ ጊዜ 28 ቀናት የተፈቀደባቸው፣ ጋዜጠኛና የአዲስ አበባ ባለአደራ ምክር ቤት አባል ጋዜጠኛ ኤልያስ ገብሩ፣ የብርጋዴር ጄኔራል አሳምነው ጽጌ ባለቤት ወ/ሮ ደስታ አሰፋና ሌሎች ሦስት ተጠርጣሪዎች ሲሆኑ፣ ፖሊስ ምርመራውን አለማጠናቀቁን አስረድቷል፡፡ የተጠርጣሪዎቹ ጠበቃ አቶ ሔኖክ አክሊሉ ለፍርድ ቤቱ ባቀረቡት መቃወሚያ ለፖሊስ የተሰጠው ጊዜ በቂ መሆኑን  በመግለጽ፣  በድጋሚ የጊዜ ቀጠሮ እንዳይሰጠውና የደንበኞቻቸው የዋስትና መብት ሊጠበቅ እንደሚገባ አስረድተዋል፡፡

ተጠርጣሪ ጋዜጠኛ ኤልያስ በፌስቡክ ገጹ ስለግድያው ያስተላለፈው መልዕክት እንዳለና የግድያው ተሳታፊ እንደሆነ ፖሊስ ቢያመለክትም፣ ፍርድ ቤቱ ፖሊስ ያቀረባቸውን የምርመራ ማስረጃዎች በአግባቡና ባመለከተበት ሁኔታ ማደራጀቱን መመልከት እንጂ፣ የጊዜ ቀጠሮ ችሎት ማስረጃን የመመዘን ሥልጣን እንደሌለውም ማስረዳታቸውን ጠበቃ ሔኖክ ተናግረዋል፡፡

ወ/ሮ ደስታ አሰፋም አንድ ክላሽንኮቭ ጠመንጃና 60 ጥይቶች፣ እንዲሁም በባንክ ሒሳባቸው ከፍተኛ ገንዘብ መገኘቱንና በስማቸው ቤት እንዳላቸው ፖሊስ ለፍርድ ቤት አስረድቷል፡፡

አቶ ስንታየሁ ቸኮልና አቶ መርከቡ ኃይሌም በተመሳሳይ ወንጀል ድርጊት የተጠረጠሩ ሲሆን፣ በእነሱም ላይ ፖሊስ 28 ቀናት ተጨማሪ የምርመራ ጊዜ እንዲሰጥ ጠይቋል፡፡

ምርመራውን የሚመረምረው የፌዴራል የመጀመርያ ደረጃ ፍርድ ቤት አራዳ ምድብ አንደኛ ወንጀል ችሎትም የግራ ቀኙን ክርክር ካደመጠ በኋላ፣ ፖሊስ ምርመራውን እንዲያጠናቅቅ በመንገር በእነ ኤልያስ ገብሩና ወ/ሮ ደስታ ላይ 28 ቀናትን ፈቅዶ ለጥቅምት 24 ቀን 2012 ዓ.ም. እንዲቀርቡና በእነ ስንታየሁ ቸኮልና መርከቡ ኃይሌ መዝገብ ደግሞ 17 ቀናት በመፍቀድ ለጥቅምት 13 ቀን 2012 ዓ.ም. የመጨረሻ ቀጠሮ ሰጥቷል፡፡ ሰኔ 15 ቀን 2011 ዓ.ም. የአማራ ክልል ፕሬዚዳንት አምባቸው መኮንን (ዶ/ር) እና አማካሪያቸው አቶ እዘዝ ዋሴ፣ እንዲሁም ጠቅላይ ዓቃቤ ሕጉ አቶ ምግባሩ ከበደ በባህር ዳር ከተማ፣ እንዲሁም የመከላከያ ጠቅላይ ኤታማዦር ሹም ጄኔራል ሰዓረ መኮንንና ጓደኛቸው ሌተና ጄኔራል ገዛኢ አበራ አዲስ አበባ ላይ መገደላቸው ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...