Tuesday, July 23, 2024
- Advertisement -
- Advertisement -
ዜናእነ አቶ በረከት ስምዖን ለቀረበባቸው የሙስና ክስ 666 ገጽ ማስረጃ ተተርጉሞ ተሰጣቸው

እነ አቶ በረከት ስምዖን ለቀረበባቸው የሙስና ክስ 666 ገጽ ማስረጃ ተተርጉሞ ተሰጣቸው

ቀን:

መዝገቡን መርምሮ ብይን ለመስጠት ተቀጠሩ

ከጥረት ኮርፖሬት ኩባንያዎች ጋር በተያያዘ በሙስና ወንጀል ክስ ተመሥርቶባቸው፣ በአማራ ክልል ባህር ዳር ከተማ ጠቅላይ ፍርድ ቤት ክስ የቀረበባቸው እነ አቶ በረከት ስምዖን፣ የቀረበባቸውን ክስ የሚያስረዳ 666 ገጽ ማስረጃ ከእንግሊዝኛ ወደ አማርኛ ተተርጉሞ ተሰጣቸው፡፡

የክልሉ ዓቃቤ ሕግ ያስተረጎማቸውን ሰነዶች ለተጠርጣሪ አቶ በረከት ስምዖን፣ አቶ ታደሰ ካሳና አቶ ዳንኤል ይግዛው እንዲደርሳቸው ካደረገ በኋላ፣ አስተያየት እንዲሰጡበት ጠይቋል፡፡  

ዓቃቤ ሕግ ቀደም ብሎ ከክሱ ጋር በማስረጃነት አያይዞ ካቀረባቸው የማስረጃ ሰነዶች በተጨማሪ፣ 141 ገጽ አዲስ ማስረጃ እንዲያያዝለት ባቀረበው ጥያቄ ላይ ከተከሳሾቹ ተቃውሞ ቀርቦበታል፡፡

የተከሳሾቹ ጠበቆች ባቀረቡት መቃወሚያ፣ ዓቃቤ ሕግ በጊዜ ቀጠሮ ወቅት ተሰጥቶት በነበረው ረዥም ጊዜ ማስረጃዎቹን አሰባስቦ ማቅረብ ሲገባው፣ ለብይን በተቀጠረ የምርመራ መዝገብ ላይ ተጨማሪ ማስረጃ ይያያዝልኝ ብሎ ማቅረቡ ተገቢ አይደለም ብለዋል፡፡

ማስረጃው ቀድሞ ያልነበረና በወቅቱ ያልተያያዘ በመሆኑ፣ ደንበኞቻቸውን ለተጨማሪ ጊዜ ቀጠሮ የሚዳርግና ተገቢነት እንደሌለው ጠበቃቸው በመከራከር ተቃውመዋል፡፡

ዓቃቤ ሕግ በበኩሉ ባቀረበው የመቃወሚያ መልስ፣ የማስረጃ ሰነዱ አዲስ ሳይሆን፣ በኦዲት ጊዜ የቀረበና በተለይ በተከሳሾቹ ላይ ለቀረበው አንደኛ ክስ የሚያጠናክርለት መሆኑን አስረድቷል፡፡

የሁለቱን ወገኖች ክርክር የሰማው ፍርድ ቤቱ፣ ችሎቱን ለከሰዓት በመቅጠር ብይን ሰጥቷል፡፡ በመሆኑም ዓቃቤ ሕግ ያቀረበውን ተጨማሪ ማስረጃ ሲመረምረው፣ ለትክከለኛ ፍትሕ አሰጣጥ ሲባል ከክስ መዝገቡ ጋር እንዲያያዝ መፍቀዱን ገልጾ፣ መርምሮ ብይን ለመስጠት ለጥቅምት 21 ቀን 2012 ዓ.ም. ቀጠሮ ሰጥቷል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...