Tuesday, July 23, 2024
- Advertisement -
- Advertisement -
ዜናበሽብር ተግባር ወንጀል በተጠረጠሩት የአብን አመራሮችና አባላት  ላይ የክስ መመሥረቻ ጊዜ ተጠየቀ

በሽብር ተግባር ወንጀል በተጠረጠሩት የአብን አመራሮችና አባላት  ላይ የክስ መመሥረቻ ጊዜ ተጠየቀ

ቀን:

በዋስትና ጉዳይ ላይ ብይን ለመስጠት ቀጠሮ ተሰጠ

በሽብር ተግባር ወንጀል ተጠርጥረው ከሐምሌ 4 ቀን 2011 ዓ.ም. ጀምሮ በአዲስ አበባ ፖሊስ ኮሚሽን እስረኛ ማቆያ ታስረው የሚገኙት፣ የአማራ ብሔራዊ ንቅናቄ (አብን) አመራርና የሕዝብ ግንኙነት ኃላፊ አቶ ክርስቲያን ታደለና ሌሎች ተጠርጣሪዎች ላይ የክስ መመሥረቻ ጊዜ ተጠየቀ፡፡

ዓርብ ጥቅምት 7 ቀን 2012 ዓ.ም. በፌዴራል የመጀመርያ ደረጃ ፍርድ ቤት አራዳ ምድብ ችሎት በቀረቡት እነ አቶ ክርስቲያን ላይ ፖሊስ የምርመራ ጊዜውን መጨረሱን በመግለጹ፣ ዓቃቤ ሕግ ክስ የመመሥረቻ ጊዜ በወንጀለኛ መቅጫ ሥነ ሥርዓት ሕግ ቁጥር 109 ድንጋጌ መሠረት 15 ቀናት እንዲሰጠው ጠይቋል፡፡

የተጠርጣሪ ጠበቆች የዓቃቤ ሕግን ጥያቄ ተቃውመዋል፡፡ ፖሊስ ደንበኞቻቸውን ሲመረምር የከረመው በመደበኛው የወንጀል ሕግ ሳይሆን፣ በፀረ ሽብርተኝነት አዋጅ ቁጥር 652/2001 ድንጋጌ መሠረት በመሆኑ የወንጀለኛ መቅጫ ሥነ ሥርዓት ሕግ ቁጥር 109 ጠቅሶ የክስ መመሥረቻ ጊዜ ሊጠይቅ የሚችልበት የሕግ መሠረት ስለሌለው፣ ጥያቄው ውድቅ እንዲደረግላቸው ጠይቀዋል፡፡

የግራ ቀኙን ክርክር የሰማው ፍርድ ቤቱ የተጠየቀው የክስ መመሥረቻ ጊዜ ‹‹ሊፈቀድ ይገባል ወይስ ሊፈቀድ አይገባም?›› የሚለውን ጭብጥ በመያዝ፣ የምርመራ መዝገቡን መርምሮና ከሕጉ ጋር አገናዝቦ ውሳኔ ለመስጠት ለሰኞ ጥቅምት 10 ቀን 2012 ዓ.ም. ቀጠሮ ሰጥቷል፡፡

በሌላ በኩል በእነ አስጠራው ከበደ የምርመራ መዝገብም የተካተቱት ተጠርጣሪዎች ጥቅምት 5 ቀን 2012 ዓ.ም. በተመሳሳይ ፍርድ ቀርበው፣ በተመሳሳይ የወንጀለኛ መቅጫ ሕግ የክስ መመሥረቻ ጊዜ 15 ቀናት ተጠይቋል፡፡ ጠበቆቻቸው ባቀረቡት መቃወሚያ መሠረት ፍርድ ቤቱ በሁለቱ መዝገብ ላይ መርምሮ ውሳኔ ለመስጠት ለጥቅምት 10 ቀን 2012 ዓ.ም. ቀጠሮ ሰጥቷል፡፡

ተጠርጣሪዎቹ የታሰሩት ሰኔ 15 ቀን 2011 ዓ.ም. በባህር ዳር ከተማ በተገደሉት የአማራ ክልል መሪዎችና አዲስ አበባ ከተማ ላይ በተቀራራቢ ሰዓት በተገደሉት በጦር ኃይሎች ጠቅላይ ኤታ ማዦር ሹምና ጓደኛቸው ግድያ ጋር በተያያዘ ተጠርጥረው ሲሆን፣ አቶ ክርስቲያን ወጣቶችን እንደሚያደራጁ በምርመራ ወቅት ፖሊስ ለፍርድ ቤት ማስረዳቱን መዘገባችን ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...