Tuesday, July 23, 2024
- Advertisement -
- Advertisement -
ዜናበከፍተኛ የመንግሥት ባለሥልጣናት ግድያ ተጠርጥረው የነበሩ 16 ተጠርጣሪዎች ዋስት በሰበር ችሎት ታገደ

በከፍተኛ የመንግሥት ባለሥልጣናት ግድያ ተጠርጥረው የነበሩ 16 ተጠርጣሪዎች ዋስት በሰበር ችሎት ታገደ

ቀን:

አቶ ክርስቲያን ታደለን ጨምሮ በተወሰኑ የአብን አመራሮች ላይ የክስ መመሥረቻ ጊዜ ተፈቀደ

በባህር ዳር ከተማና በአዲስ አበባ ከተማ በአማራ ክልል ከፍተኛ አመራሮችና በከፍተኛ የጦር መኮንኖች ግድያ ተጠርጥረው ላለፉት ሦስት ወራት በእስር የቆዩት 16 ተጠርጣሪዎች፣ እያንዳንዳቸው በአሥር ሺሕ ብር ዋስትና ከእስር እንዲፈቱ የፌዴራል ከፍተኛ ፍርድ ቤት ልደታ ምድብ ወንጀል ችሎት ሰጥቶት የነበረውን ብይን ዓቃቤ ሕግ ከሰበር ሰሚ ችሎት አቤቱታ በማቅረቡ ዋስትናው ታገደ፡፡ መዝገቡን ለመመርመርና ውሳኔ ለመስጠት ለሐሙስ ጥቅምት 13 ቀን 2012 ዓ.ም. ቀጠሮ ሰጥቷል፡፡  

የአማራ ብሔራዊ ንቅናቄ (አብን) አመራሮችና አባላት መሆናቸው በሚነገረው በእነ አስጠራው ከበደ የምርመራ መዝገብ ተካተው ከሐምሌ 4 ቀን 2011 ዓ.ም. ጀምሮ በአዲስ አበባ ፖሊስ ኮሚሽን እስረኛ ማቆያ የከረሙት 16 ተጠርጣሪዎች፣ በዋስ ከእስር እንዲፈቱ ብይን የተሰጠው ሰኞ ጥቅምት 10 ቀን 2012 ዓ.ም. ነው፡፡

ብይኑን የሰጠው የፌዴራል ከፍተኛ ፍርድ ቤት ልደታ ምድብ ወንጀል ችሎት ሲሆን፣ ዓቃቤ ሕግ ቀደም ብሎ በነበረው ችሎት አቅርቦ የነበረውን ክስ የመመሥረቻ 15 ቀናት ጥያቄ ውድቅ በማድረግ ሰባት ቀናት የፈቀደለት ቢሆንም፣ ዓቃቤ ሕግ በድጋሚ ስምንት ቀናት እንዲጨመርለት ጠይቆ ነበር፡፡ የተጠርጣሪዎቹ ጠበቆችም ተቃውሞአቸውን አሰምተዋል፡፡

በመጨረሻም ፍርድ ቤቱ የዓቃቤ ሕግን ጥያቄ ውደቅ በማድረግ የአብን አመራሮችንና የአሥራት ሚዲያ ጋዜጠኛ አቶ ጌታቸው አምባቸውን፣ እያንዳንዳቸው በአሥር ሺሕ ብር ዋስትና እንዲፈቱ የሰጠው ትዕዛዝ በሰበር ሰሚ ችሎት ትዕዛዝ ታግዷል፡፡  

ዓቃቤ ሕግ በአብን የሕዝብ ግንኙነት ኃላፊ አቶ ክርስቲያን ታደለና በእነ ሲያምር ጌቴ ምርመራ መዝገብ የተካተቱ ተጠርጣሪዎች ላይ ከጠየቀው ክስ የመመሥረቻ 15 ቀናት ውስጥ ሰባት ቀን በመፍቀድ፣ ለጥቅምት 18 ቀን 2012 ዓ.ም. ቀጠሮ ሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...