Monday, June 24, 2024
- Advertisement -
- Advertisement -
ማኅበራዊየሚከራዩና የሚሸጡ ቤቶችን ለገበያ የሚያቀርብ መተግበሪያ ይፋ ሆነ

የሚከራዩና የሚሸጡ ቤቶችን ለገበያ የሚያቀርብ መተግበሪያ ይፋ ሆነ

ቀን:

በተመስገን ተጋፋው

የሚከራዩና የሚሸጡ ቤቶችን ለፈላጊዎች የሚያሳይ ኢትዮ ሬንታል ሶፍትዌር የተባለ መተግበሪያ (አፕሊኬሽን) ይፋ ሆነ፡፡

መተግበሪያው ከፍተኛ የመንግሥት ባለሥልጣናትና ሌሎች ባለድርሻ አካላት በተገኙበት ጥቅምት 11 ቀን 2012 ዓ.ም. በኢንተርኮንቲኔንታል አዲስ ሆቴል ተመርቆ ሥራ ጀምሯል፡፡

መተግበሪያውን ይፋ ያደረገው የዲኤስኦ ሥራ አስኪያጅ ደበላ ተስፋዬ (ዶ/ር) እንዳሉት፣ መተግበሪያው የኅብረተሰቡን የቤት ችግር የሚፈታ ጊዜና ገንዘብን የሚቆጥብ ነው፡፡ መተግበሪያው ለግዢ የቀረቡና የሚከራዩ ቤቶችን ፈላጊዎች እንዲመርጡ በዝርዝር ከማቅረብ ባለፈ፣ ዋጋውን አይቶ ከደላሎች እንዲሁም ከቤት ባለቤቶች መገናኘትና መነጋገር እንደሚያስችል ገልጸዋል፡፡

በአገሪቷ በሁሉም አካባቢዎች እንደሚሠራና ከፍተኛ የቤት ችግር ላለባቸው ለአዲስ አበባ ነዋሪዎች መረጃን በማስተላለፍ ትልቅ መፍትሔ እንደሆነም አስረድተዋል፡፡

ስማርት ፎን ስልክ ተጠቃሚ ያልሆኑ ሰዎችም መረጃውን ለማግኘት ከፈለጉ በአጭር መልዕክት (በኤስኤምኤስ)፣ በድረ ገጽ እንዲሁም ደግሞ ስልክ በመደወል መጠቀም እንደሚችሉም ተናግረዋል፡፡

መተግበሪያው በሦስት ቋንቋዎች በአማርኛ፣ በኦሮሚያኛ፣ በእንግሊዝኛ የተዘጋጀ ሲሆን ወደፊትም የተለያዩ ቋንቋዎችን ለመጨመር በዕቅድ ላይ መሆኑም ተገልጿል፡፡

ኢትዮጵያ ካደጉት አገሮች ጋር ተወዳዳሪ እንድትሆን ችግርን በቀላሉ መቅረፍ የሚችሉ ቴክኖሎጂዎች እንደሚያስፈልጉና መንግሥትም እንደዚህ ዓይነት ሥራዎችን በማበረታታት ተገቢውን ድጋፍ ማድረግ እንደሚገባው ሳያሳስቡ ያላለፉትን ዶ/ር ደበላ፣ መተግበሪያውን ይፋ ያደረገው ድርጅታቸው አንድ ሺሕ የሚሆኑ ደላላዎችን ቀጥሮ እንዳሰማራም ተናግረዋል፡፡

ድርጅቱ ከደላሎቹ ጋር ለስድስት ወር ስምምነት እንደሚገባና ለእያንዳንዱ የቤት ኪራይም ሆነ ግዥ ደላሎች ኮሚሽን ታስቦላቸው እንደሚሠሩ ገልጸዋል፡፡ ደላሎቹ የሚመለመሉት ትክክለኛ ሕጋዊ ፈቃድ ያላቸው መሆኑ፣ በመስክ ያላቸው ልምድም ለሥራው የሚመጥን መሆኑ ተረጋግጦ ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...