Saturday, June 15, 2024
- Advertisement -
- Advertisement -

ስፖርትበአበረታች ንጥረ ነገር የተጠረጠረው አትሌት ማስረጃውን እንዲያቀርብ ተጠየቀ

በአበረታች ንጥረ ነገር የተጠረጠረው አትሌት ማስረጃውን እንዲያቀርብ ተጠየቀ

ቀን:

ዓለም አቀፉ የፀረ አበረታች ተቋም (ዋዳ) ተፈጥሯዊ ባልሆነ መንገድ ውጤት በሚያስመዘግቡ አትሌቶች ላይ ምሕረት የለሽ ዕርምጃ መውሰድ ከጀመረ ቢሰነባብትም፣ አትሌቶች በማወቅም ይሁን ባለማወቅ አሁንም የችግሩ ሰለባ መሆናቸው አልቀረም፡፡ ተቋሙ ከጥቂት ዓመታት በፊት ባደረገው ጥናት መሠረት ችግሩ ከታየባቸው አምስት አገሮች መካከል ኢትዮጵያ አንዷ ስለመሆኗ ይፋ ማድረጉ ይታወሳል፡፡

ይሁንና ኢትዮጵያ ችግሩን ለመከላከል በወሰደችው ቁርጠኛ አቋም ዘርፉን በሚመለከት ራሱን የቻለ ተቋም በማቋቋም፣ ችግሩን በመከላከሉ ረገድ በተለይም በአሁኑ ወቅት በዋዳ ምስጋና ቢቸራትም፣ ከሰሞኑ ግን በችግሩ በተጠረጠሩ አትሌቶች ምክንያት የኢትዮጵያ ስም ዳግም መጠቀስ ጀምሯል፡፡

በቅርቡ በዴንማርክ ኮፐንሃገን በተደረገው ግማሽ ማራቶን የተሳተፈው ብርሃኑ ጸጋዬ “ኢፒዮ” በተሰኘ ንጥረ ነገር ተጠርጥሯል፡፡ የዘርፉ ሙያተኞች ይህንኑ አስመልክቶ በተለይ ለሪፖርተር እንደሚገልጹት ከሆነ፣ ኢፒዮ የተሰኘውን ንጥረ ነገር በዋናነት የአትሌቲክስና የብስክሌት አትሌቶች እንዳይጠቀሙ በፍጹም የተከለከለ ነው፡፡ ይሁን እንጂ አትሌት ብርሃኑ በኮፐንሃገን በተደረገለት ምርመራ እንደተጠረጠረ ያስረዳሉ፡፡

- Advertisement -

“ይህ ማለት ግን አትሌቱ ድርጊቱን መፈጸሙ ተረጋግጧል ማለት አይደለም፡፡ በሁሉም አገሮች በሚደረጉ ውድድሮች ላይ የሚሳተፉ አትሌቶች ባሉበት ቦታ ምርመራ ይደረጋል፡፡ ይህ የመጀመሪያ ደረጃ ውጤት በመርማሪው ተቋም ጥርጣሬ የሚያሳይ ከሆነ ለተጨማሪ ምርመራ ይላካል፡፡ ውጤቱ ይፋ የሚሆነው እነዚህን ሁሉ ሒደቶች ካለፈ በኋላ ነው፤›› ይላሉ፡፡

እንደ ሙያተኞቹ ከሆነ ከጉዳዩ ጋር በተያያዘ የአትሌቱ የመጨረሻ የምርመራ ውጤት እስካልታወቀ ድረስ ሕጋዊ ተቋምም ይሁን ግለሰብ ስለጉዳዩ መግለጫ መስጠት በሕግ የሚያስጠይቅ ነው፡፡ ኢፒዮ በተሰኘው ንጥረ ነገር የተጠረጠረው ብርሃኑ ጸጋዬም በአሁኑ ውቅት ተጨማሪ ማስረጃዎችን ለኢትዮጵያ ብሔራዊ ፀረ አበረታች ተቋም (ናዶ) ማቅረቡ ምንጮች ይናገራሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...