Friday, April 19, 2024
- Advertisement -
- Advertisement -
ሥነ ፍጥረትእንቁላሎቿን ሆዷ ውስጥ የምትታቀፈው እንቁራሪት

እንቁላሎቿን ሆዷ ውስጥ የምትታቀፈው እንቁራሪት

ቀን:

እንቁላሎቿን ሆዷ ውስጥ የምትታቀፈው የአውስትራሊያ የእንቁራሪት ዝርያ (ጋስትሪክ ብሩዲንግ ፍሮግ) ያልተለመደ ዓይነት የመራቢያ ሥርዓት አላት፤ የዚህች እንቁራሪት ዝርያ ከ2002 ጀምሮ እንደጠፋ ይታሰባል የሚለው ጄደብሊው ዶት ኦርግ ድረ ገጽ ነው። እንስቷ እንቁራሪት በወንዴው ዘር የዳበሩትን እንቁላሎቿን ከዋጠቻቸው በኋላ ለስድስት ሳምንት ያህል ሆዷ ውስጥ ታቅፋ በማቆየት እንዲቀፈቀፉ ታደርጋለች። እንቁላሎቹ ሲፈለፈሉ እድገታቸውን የጨረሱት እንቁራሪቶች በአፏ በኩል ይወጣሉ።

እንደ ድረ ገጹ ዘገባ፣ እናቲቱ እንቁራሪት እንቁላሎቹ ጨጓራዋ ውስጥ እንዳይፈጩ ለመከላከል መብላት የምታቆም ከመሆኑም ሌላ ጨጓራዋ አሲድ ማመንጨቱን ያቆማል። አሲድ እንዳይመነጭ የሚያደርገው እንቁላሎቹና ትናንሾቹ እንቁራሪቶች የሚያመነጩት ኬሚካል መሆን አለበት።

እናቲቱ ሁለት ደርዘን የሚያህሉ እንቁላሎችን ሆዷ ውስጥ ትታቀፋለች። ልጆቿ ለመወለድ በሚደርሱበት ጊዜ የጠቅላላ ክብደቷን 40 በመቶ ያህል ይሆናሉ። ይህም ከማርገዟ በፊት 68 ኪሎ ግራም ትመዝን የነበረች አንዲት ሴት እያንዳንዳቸው 1.8 ኪሎ ግራም የሚመዝኑ 24 ልጆች የተሸከመች ያህል ይሆናል ማለት ነው! እንቁራሪቶቹ እያደጉ ሲሄዱ የእናቲቱ ሆድ በጣም ስለሚለጠጥና ሳምባዎቿን ስለሚጫኗት በቆዳዋ በኩል ለመተንፈስ ትገደዳለች።

- Advertisement -

Video from Enat Bank Youtube Channel.

ትናንሾቹ እንቁራሪቶች ለመወለድ ሲደርሱ በቀናት ጊዜ ውስጥ በአፏ በኩል ይወጣሉ። እናቲቱ አደገኛ ሁኔታ ላይ እንዳለች ከተሰማት ግን ትተፋቸዋለች። ተመራማሪዎች አንዲት እናት እንቁራሪት ስድስት ልጆቿን 1 ሜትር ያህል እያስፈነጠረች ስትተፋቸው የተመለከቱበት ጊዜ አለ።

  • ጄደብሊው ዶት ኦርግ
spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...