Sunday, June 16, 2024
- Advertisement -
- Advertisement -

ማኅበራዊ10 ሚሊዮን ወጣቶችን የሥራ ባለቤት የሚያደርግ ፕሮጀክት ሊተገበር ነው

10 ሚሊዮን ወጣቶችን የሥራ ባለቤት የሚያደርግ ፕሮጀክት ሊተገበር ነው

ቀን:

ለመጀመርያዎቹ አምስት ዓመታት 300 ሚሊዮን ዶላር ተመድቧል

በቀጣይ አሥር ዓመታት ለ10 ሚሊዮን ወጣቶች የሥራ ዕድል የሚፈጥረው ያንግ አፍሪካ ወርክስ የኢትዮጵያ ፕሮጀክት ይፋ ሆኗል፡፡

የሥራ ፈጠራ ኮሚሽን ከማስተር ካርድ ፋውንዴን ጋር በመሆን ይፋ ያደረጉትን ፕሮጀክት ለመጀመርያው አምስት ዓመት ለመተግበርም፣ ማስተር ካርድ ፋውንዴሽን 300 ሚሊዮን ዶላር መመደቡ ተነግሯል፡፡

- Advertisement -

የሥራ ዕድል ፈጠራ ኮሚሽን ኮሚሽነር ኤፍሬም ተክሌ (ዶ/ር) እንዳሉት፣ መንግሥት በቀጣዮቹ አሥር ዓመታት ለ20 ሚሊዮን ወጣቶች የሥራ ዕድል ለመፍጠር ያቀደ ሲሆን፣ ያንግ አፍሪካ ወርክስ በኢትዮጵያ ፕሮጀክት መንግሥት የአገሪቱን ኢኮኖሚ ለማሳደግ ካቀዳቸው አዳዲስ የሥራ ዕድል ፈጠራዎች ጋር አብሮ እንደሚሄድ አስታውሰዋል፡፡

ፕሮጀክቱ ከትምህርት ተቋማት፣ ከወጣቶችና ከግሉ ዘርፍ ጋር በመተባበር የሚተገበር ነው፡፡ አይሲቲ፣ ቱሪዝም፣ ግብርና እና አምራች ኢንዱስትሪዎች ትኩረት የሚሰጣቸው ዘርፎች መሆናቸውንም አክለዋል፡፡

የማስተር ካርድ ፋውንዴሽን ፕሬዚዳነት ሪታ ሮይ፣ ያንግ አፍሪካ ወርክስ በኢትዮጵያ ፕሮጀክት ለወጣቶች የሥራ ዕድል ለመፍጠር የገንዘብ አቅርቦት ከማድረግ በተጨማሪ ለቢዝነስና ለክህሎት ማጎልበቻ ሥልጠናዎች ድጋፍ ያደርጋል ብለዋል፡፡

እ.ኤ.አ. ከ2009 ጀምሮ በኢትዮጵያ በትምህርትና በወጣቶች ዘርፍ የ62 ሚሊዮን ዶላር ድጋፍ ማድረጉንም አስታውሰዋል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...