Monday, July 15, 2024
- Advertisement -
- Advertisement -
ዜናከአሥር በላይ ወንጀሎችን ለመከላከል የተዘጋጀ የስትራቴጂ ረቂቅ ለሚኒስትሮች ምክር ቤት ቀረበ

ከአሥር በላይ ወንጀሎችን ለመከላከል የተዘጋጀ የስትራቴጂ ረቂቅ ለሚኒስትሮች ምክር ቤት ቀረበ

ቀን:

በፀረ ሽብር ወንጀሎች፣ በመሠረተ ልማት ላይ የሚፈጸሙ ወንጀሎች፣ ከኢኮኖሚና ከገንዘብ ጋር ተያይዘው የሚፈጸሙ ወንጀሎች፣ በሕገወጥ መንገድ ሰዎችን ድንበር ማሻገር፣ በሰላምና ፀጥታ፣ በሴቶችና ሕፃናት፣ በአጠቃላይ ከአሥር በላይ የሚደርሱ የወንጀል ዓይነቶችን ለመከላከል የተዘጋጀ ‹‹የወንጀል መከላከል ስትራቴጂ›› ረቂቅ ለሚኒስትሮች ምክር ቤት ቀረበ፡፡

ረቂቅ ስትራቴጂው የተዘጋጀው በጠቅላይ ዓቃቤ ሕግ ነው፡፡ የወንጀል መከላከል ስትራቴጂው በዋናነት ያስፈለገበት ምክንያት የፌዴራሉ መንግሥት ወንጀል የመከላከሉን ሥራ፣ የወንጀል መንስዔዎችንና ተስማሚ የመከላከያ ዕርምጃዎችን ለይቶ በሚያስቀምጥ መንገድ ሊተገበርና ሊመዘን በሚችል ስትራቴጂ መመራት ስላለበት መሆኑ ተገልጿል፡፡

በጠቅላይ ዓቃቤ ሕግ የሕግ ጥናት ማርቀቅና ማስረፅ ዳይሬክተር አቶ በላይሁን ይርጋ የወንጀል መከላከል ስትራቴጂ ረቂቁን በሚመለከት እንደተናገሩት፣ የወንጀል መከላከል ሥራ በተለየ ሁኔታ ለፖሊስ፣ ለዓቃቤ ሕግ ወይም ለፀጥታ አካላት ብቻ የተሰጠ ሥራ አድርጎ ይታያል፡፡ ነገር ግን የሁሉም ባለሙያ ኃላፊነት መሆኑን ጠቁመዋል፡፡ የስትራቴጂው ዓላማዎች ለወንጀል ድርጊቶች መፈጸም ምቹ የሆኑ ሁኔታዎችን በማስወገድና የወንጀል መከላከል ሥራን ሊያግዙ የሚችሉ አሠራሮችን በመዘርጋት፣ የወንጀል መከላከል ሥራ መከናወን እንዳለበትም አክለዋል፡፡

ለኅብረተሰቡ ዋና ሥጋት የሆኑ፣ ልዩ ትኩረት የሚሹና ተፅዕኖ የሚፈጥሩ የወንጀል ድርጊቶችን ዓይነትና መንስዔዎቻቸውን በመለየት፣ ድርጊቶቹን ለመከላከል የሚያስችሉ በመረጃና በምርጥ ተሞክሮዎች ላይ የተመሠረቱ ሥልቶችን መንደፍ አስፈላጊ መሆኑንም ዳይሬክተሩ ገልጸዋል፡፡ በወንጀል መከላከል ሥራ የባለድርሻና አጋር አካላትን ተግባርና ኃላፊነት በማስቀመጥ፣ ውጤታማ የሆነ የወንጀል መከላከል ተግባራትን ማከናወንና መከታተል የሚያስችል፣ የተቀናጀ አሠራር በመካከላቸው እንዲኖር የሚያግዝ ሥርዓት መዘርጋት መሆኑንም አስረድተዋል፡፡

ወንጀል ጠል የሆነ ማኅበረሰብ በመፍጠርና በሕዝቦች ንቁ ተሳትፎ የዳበረና ጠንካራ የወንጀል መከላከል ሥርዓት በመዘርጋት፣ የሕግ ማስከበር ተግባርን ማጠናከር፣ ዘመናዊና በቴክኖሎጂ የተደገፈ የወንጀል መከላከል ተግባርን መዘርጋት መሆኑንም አቶ በላይሁን አክለዋል፡፡

በዘመናዊና በቴክኖሎጂ የተደገፈ የወንጀል መከላከል ተግባራትን ለማከናወን የሚያስችል አቅም መፍጠርና የስትራቴጂውን አፈጻጸም የሚያስተባብር አካልን ተግባርና ኃላፊነት በማስቀመጥ፣ ወንጀልን ከመከላከል አንፃር ውጤታማ የሆነ የክትትልና የግምገማ ሥርዓት መዘርጋትም፣ የስትራቴጂው ዓላማዎች መሆናቸውን አብራርተዋል፡፡

የወንጀል መከላከል ስትራቴጂ ሲዘጋጅ የሚመለከታቸው ባለድርሻ አካላት የተሳተፉበት መሆኑን የተናገሩት አቶ በላይሁን፣ ኃላፊነት የተሰጣቸው አካላት በተገቢው መንገድ ተናበውና ተቀናጅተው መሥራት ከቻሉ፣ ወንጀልን መቀነስ እንደሚቻል ተናግረዋል፡፡

አገር አቀፍ የወንጀል መከላከልና ስትራቴጂ በፌዴራልና በክልል ከሚገኙ ባለድርሻ አካላት ጋር ሰፊ ውይይት ተካሂዶበት፣ ለሚኒስትሮች ምክር ቤት መላኩንም አረጋግጠዋል፡፡ ምክር ቤቱ ስትራቴጂውን ዓይቶ ካፀደቀው ወደ ሥራ የሚገባ መሆኑንም አቶ በላይሁን አስረድተዋል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...