Monday, July 15, 2024
- Advertisement -
- Advertisement -
ዜናበእነ አቶ ጌታቸው አሰፋ መዝገብ ለምስክርነት የተቆጠሩ 30 ምስክሮች ታስረው እንዲቀርቡ ትዕዛዝ...

በእነ አቶ ጌታቸው አሰፋ መዝገብ ለምስክርነት የተቆጠሩ 30 ምስክሮች ታስረው እንዲቀርቡ ትዕዛዝ ተሰጠ

ቀን:

በሙስናና በከባድ የሰብዓዊ መብት ጥሰት ክስ በተመሠረተባቸው በቀድሞው የብሔራዊ መረጃና ደኅንነት አገልግሎት ዳይሬክተር እነ አቶ ጌታቸው አሰፋ የክስ መዝገብ፣ የዓቃቤ ሕግ ምስክር ሆነው የተቆጠሩ 30 ምስክሮች፣ በተጠሩበት ቀን ፍርድ ቤት ባለመቅረባቸው ታስረው እንዲቀርቡ ትዕዛዝ ተሰጠ፡፡

የፌዴራል ከፍተኛ ፍርድ ቤት ልደታ ምድብ አንደኛ ወንጀል ችሎት፣ ማክሰኞ ኅዳር 2 ቀን 2012 ዓ.ም. የምስክርነት ቃላቸውን እንዲሰጡ 30 የዓቃቤ ሕግ ምስክሮች እንዲቀርቡ ትዕዛዝ ሰጥቶ ነበር፡፡ ችሎቱ ተሰይሞ የምስክርነት ቃል ለመስማት ከተዘጋጀ በኋላ የዓቃቤ ሕግ ምስክሮች መቅረብ አለመቅረባቸውን ሲያረጋግጥ፣ አለመቅረባቸው ታውቋል፡፡ ዓቃቤ ሕግ ግን 30 ምስክሮችን በማስፈረም መጥሪያ ያደረሰ መሆኑን ቢናገርም፣ ምስክሮቹ ሳይቀርቡ ቀርተዋል፡፡

በመሆኑም ፍርድ ቤቱ በወንጀለኛ መቅጫ ሥነ ሥርዓት ሕግ ቁጥር 125 ማለትም፣ ‹‹አንድ ተከሳሽ ወይም ምስክር በሕጉ መሠረት መጥሪያ ደርሶት መጥሪያው ለመድረሱ ማስረጃ እያለ በታዘዘበት ቀን የቀረ እንደሆነ፣ ተከሳሹ ወይም ምስክሩ በፖሊስ ተይዞ እንዲቀርብ ፍርድ ቤቱ ትዕዛዝ ይሰጣል፤›› በሚለው ድንጋጌ፣ ምስክሮቹ ታስረው እንዲቀርቡ ትዕዛዝ ሰጥቷል፡፡ ለቀሪዎቹ ምስክሮች ዓቃቤ ሕግ መጥሪያ ለማድረስ ለምን እንዳልቻለ ማብራሪያ እንዲሰጥና መጥሪያም እንዲያደርስ ትዕዛዝ ሰጥቷል፡፡

የፈዴራል ጠቅላይ ዓቃቤ ሕግ ክስ የመሠረተባቸው የቀድሞ የብሔራዊ መረጃና ደኅንነት ዋና ዳይሬክተር አቶ ጌታቸው አሰፋ፣ እንዲሁም ምክትል ዳይሬክተርና የአገር ውስጥ ደኅንነት ኃላፊ የነበሩት አቶ ያሬድ ዘሪሁንን ጨምሮ 26 የተቋሙ ሠራተኞች መከሰሳቸው ይታወሳል፡፡ አቶ ጌታቸው አሰፋ፣ አቶ አጽብሐ ግደይ፣ አቶ አሰፋ በላይና አቶ ሸሻይ ልዑልን ፌዴራል ፖሊስ ይገኛሉ በተባለበት ትግራይ ክልል አፈላልጎ ሊያገኛቸው እንዳልቻለ በመግለጹ፣ በሌሉበት ክሳቸው እንዲታይና በ22 ተከሳሾች ላይ ብቻ ክሱ እንዲቀጥል በተሰጠው ትዕዛዝ፣ ዓቃቤ ሕግ ምስክሮቹን ማሰማት መጀመሩን መዘገባችን ይታወሳል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሚዲያው በሕዝብ የህሊና ችሎት ከተዳኘ በቂ ነው!

መሰንበቻውን ድንገት ሳይታሰብ ያለ ማስጠንቀቂያ ጠቅላይ ሚኒስትር ዓብይ አህመድ...

የባህር በር ጉዳይ

በታምሩ ወንድም አገኘሁ ድሮ ድሮ ገና ልጅ ሆኜ ፊደል እንደቆጠርኩ...

አገሩ ፖለቲካዊ ስክነትና መደማማጥ ያስፈልገዋል

በንጉሥ ወዳጀነው    ኢትዮጵያ የሁላችንም የጋራ ቤት ነች፡፡ ‹‹ጥያቄዬ ተመለሰልኝ››፣...

የመንግሥት የሰብዓዊ መብት ተቋም ለምን የመንግሥት ሚዲያን ማስተማር አቃተው

በገነት ዓለሙ የአገራችን የ2016 የበጀት ዓመት መሰናበቻና የአዲሱ የ2017 በጀት...