Tuesday, July 23, 2024
- Advertisement -
- Advertisement -
ዜናፍርድ ቤቶች በዋስትና መብትና በተጨማሪ ጊዜ ቀጠሮ አሰጣጥ ላይ ትኩረት ሰጥተው እንዲሠሩ...

ፍርድ ቤቶች በዋስትና መብትና በተጨማሪ ጊዜ ቀጠሮ አሰጣጥ ላይ ትኩረት ሰጥተው እንዲሠሩ ማሳሰቢያ ተሰጠ

ቀን:

የፌዴራል ፍርድ ቤቶች በተጠረጠሩበት ወንጀል በቁጥጥር ሥር ውለው ምርመራ የሚደረግባቸውንና ክስ የተመሠረተባቸውን ዜጎች፣ በጊዜ ቀጠሮና የዋስትና መብት ከማረጋገጥ አንፃር ልዩ ትኩረት ሰጥተው እንዲሠሩ ማሳሰቢያ ተሰጠ፡፡

ማሳሰቢያውን የሰጡት የፌዴራል ጠቅላይ ፍርድ ቤት ፕሬዚዳንት ወ/ሮ መዓዛ አሸናፊ ሲሆኑ፣ ልዩ ትኩረት ሰጥተው እንዲሠሩ ማሳሰቢያው የተሰጣቸው የፌዴራል የመጀመርያ ደረጃ፣ የፌዴራል ከፍተኛና የፌዴራል የጠቅላይ ፍርድ ቤቶች ናቸው፡፡

ፕሬዚዳንቷ ከሦስቱ የፌዴራል ፍርድ ቤቶች ጊዜ ቀጠሮ ችሎቶች ዳኞች ጋር ሰሞኑን ባካሄዱት ውይይት፣ በዋስትናና ጊዜ ቀጠሮ አሰጣጥ ላይ ትኩረት አድርገዋል፡፡ በጊዜ ቀጠሮና ሕገ መንግሥታዊ የዋስትና መብት ላይ ሲታዩ የነበሩ ችግሮች ምክንያታዊ ያልሆኑና ተደጋጋሚ ቀጠሮ መስጠት፣ መርማሪ መዝገቦች ስለደረሱበት ሁኔታ ጥብቅ ቁጥጥር አለማድረግና የተጠርጣሪ መብት ጥበቃ ላይ በሚታዩ ክፍተቶች ላይ ውይይት አድርገዋል፡፡

በሕገ መንግሥቱ ዋስትና የተሰጣቸውን የተከሰሱ ዜጎች መብትን ለማረጋገጥ ፍርድ ቤቶች በትኩረትና በኃላፊነት ሊሠሩበት የሚገባ መሆኑን የገለጹት ወ/ሮ መዓዛ፣ የጊዜ ቀጠሮና ዋስትና አሰጣጥ ላይም በከፍተኛ ጥንቃቄ እንዲደረግ አሳስበዋል፡፡ መሠረታዊ  የዳኝነት መርሆዎችንም በመከተል የተከሳሾችና የተጠርጣሪዎች መብቶች ሳይሸራረፉ በማስጠበቅ ፍርድ ቤቶቹ (ዳኞቹ) እንዲሠሩ አሳስበዋል፡፡

የሕገ መንግሥቱ አንቀጽ 19 (6) በቁጥጥር ሥር የዋሉ ሰዎች በሕግ ተደንግገው በሚገኙ ልዩ ሁኔታዎች ብቻ የዋስትና ጥያቄዎች ካለመፍቀዱ ውጪ፣ ዋስትና መብት መሆኑን ያስረዳል፡፡ ተጨማሪ የጊዜ ቀጠሮም ቢሆን በአንቀጽ 19 (4) ላይ ተደንግጎ እንደሚገኘው፣ ተጨማሪ የምርመራ ጊዜ ሲጠየቅ ‹‹አስፈላጊ በሆነ መጠን ብቻ›› ሊፈቀድ ከሚገባ በስተቀር፣ በተደጋጋሚ እንዲፈቀድ መብት አይሰጥም፡፡   

ተጠርጣሪ ወይም ተከሳሹ ዋስትና ከተከለከለ በወንጀለኛ መቅጫ ሥነ ሥርዓት ሕግ ቁጥር 75 ድንጋጌ መሠረት ይግባኝ ከሚል በስተቀር፣ ዓቃቤ ሕግ ከሙስና ወንጀሎች በስተቀር በዋስትና መብት ላይ ይግባኝ ማለት አይችልም፣ ወይም የሕግ መሠረት የለውም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...