Friday, December 2, 2022
ሌሎች ዓምዶች
    - Advertisement -
    - Advertisement -
    ስፖርትለብሔራዊ ስታዲየም ሁለተኛ ዙር ግንባታ ጨረታ ወጣ

    ለብሔራዊ ስታዲየም ሁለተኛ ዙር ግንባታ ጨረታ ወጣ

    ቀን:

    ለጠቅላላ ግንባታው 2.5 ቢሊዮን ብር ተመድቧል

    አደይ አበባ የሚል ስያሜን የያዘው አዲሱ ብሔራዊ ስታዲየም ግንባታን ወደ ምዕራፍ ሁለት ለማሸጋገር የጨረታው ሒደት በመጠናቀቅ ላይ እንደሚገኝ ተገለጸ፡፡ ስታዲየሙን ለመገንባት የተመደበው ጠቅላላ በጀት 2.5 ቢሊዮን ብር ሲሆን፣ ከዚህ ውስጥ ሁለት ቢሊዮን ብር ገደማ ለመጀመሪያው ዙር ግንባታ መውጣቱ ተነግሯል፡፡

    በወንበር ከ60 ሺሕ በላይ ተመልካቾች የመያዝ አቅም ያለው ብሔራዊ ስታዲየም ግንባታው ከተጀመረ አራት ዓመታትን አስቆጥሯል፡፡ የስታዲየሙ የመጀመሪያ ዙር ግንባታ መጠናቀቅ ከነበረበት ጊዜ በስድስት ወራት ለመዘግየቱ ምክንያት ተብሎ የተቀመጠው ደግሞ ከውጪ የሚገቡ ዕቃዎች መዘግየት፣ የብረት ዋጋ መናር፣ የውጭ ምንዛሪ ዕጥረት እንዲሁም ወቅታዊ የአገሪቱ ሁኔታ መሆኑ የስፖርት ኮሚሽን የሕዝብ ግንኙነት ዳይሬክተር አቶ ናስር ለገሰ አስረድተዋል፡፡

    በቻይና ስቴት ኮንስትራክሽን ኢንጂነሪንግ ኮርፖሬሽን አማካይነት በመገንባት ላይ የሚገኘው ብሔራዊ ስታዲየም፣ የሁለተኛውን ምዕራፍ ግንባታ ለመጀመር የሚያስችሉ ሁኔታዎች ማለትም ሁለት ጊዜ ጨረታ እንዲወጣ ከተደረገ በኋላ በአሁን ወቅት ከስምምነት ላይ መደረሱን አቶ ናስር ያስረዳሉ፡፡ የጨረታ ቡድኑና አማካሪ መሐንዲሱ ከተነጋገሩበት በኋላ ለከፍተኛ አመራሩ ቀርቦ ግንባታው በቅርቡ እንደሚጀመርም ተናግረዋል፡፡

    የስታዲየሙ መጀመሪያ ምዕራፍ ግንባታ ዘጠና ዘጠኝ በመቶ መጠናቀቁን ያስረዱት አቶ ናስር፣ በሁለተኛው ምዕራፍ ግንባታ የሚከናወኑት የጣሪያ ሥራ፣ የወንበር ገጠማ፣ የማጠቃለያ የሴኩሪቲና ሌሎችም መሠረተ ልማት የማሟያ ሥራዎች፣ ዋና ዋና መንገዶች፣ የመኪና ማቆሚያና የተለያየ ደረጃ ያላቸው የጂምናዚየም ሥራዎች ይሆናሉ፡፡

    አደይ አበባ ስታዲየ በውስጡ ለከፍተኛ አመራሮች፣ ለሚዲያ ባለሙያዎች፣ ለስፖርተኞች፣ ለዳኞችና ለክብር እንግዶች ከሁለት ሺሕ በላይ መቀመጪያዎች ይኖሩታል፡፡

    ከስታዲየሙ ውጪ ትናንሽ የእግር ኳስ ሜዳዎች፣ የመሮጭያ ትራክ (መም) እንዲሁም 3,500 መኪኖችን የሚያስተናገድ ፓርክ እንደሚኖረውም ተነግሯል፡፡ በአደጋ ጊዜ የሚያገለግል የሄሊኮፕተር ማረፊያን ጨምሮ የመረብ ኳስ፣ የቅርጫት ኳስ፣ የባድሜንተን፣ የሜዳ ቴኒስ፣ የቲያትር አዳራሾች፣ ሰው ሠራሽ ሐይቆችና ደረጃቸውን የጠበቁ መፀዳጃ ቤቶች ይኖሩታል ተብሏል፡፡ 

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...